ફ્લાઈટમાં બેઠેલા પેસેન્જરે સપનામાં પણ નહોતું વિચાર્યું કે તેની આંખો સામેથી ઇતિહાસ રચતું ચંદ્રયાન પસાર થશે, આખી ઘટનાને બારીમાંથી કરી કેદ, જુઓ વીડિયો
Chandrayaan-3 Video From Flight: : ભારત માટે ગઈકાલનો દિવસ ઐતિહાસિક હતો, ઈસરો દ્વારા લોન્ચ કરવામાં આવેલી ચંદ્રયાન 3નું સફળતા પૂર્વક લોન્ચિંગ કર્યું. જો બધું બરાબર રહ્યું તો ચંદ્રયાન-3 23 ઓગસ્ટ સુધીમાં ચંદ્રની સપાટીને સ્પર્શી શકશે. દરેક વ્યક્તિ ચંદ્રયાનના પ્રક્ષેપણની ક્ષણને પોતાના કેમેરામાં કેદ કરવા માંગતી હતી. એ દ્રશ્ય યાદમાં રાખવા માંગતો હતો. જેના ઘણા વીડિયો પણ સોશિયલ મીડિયામાં ખુબ જ વાયરલ થઇ રહ્યા છે અને લોકો પણ અદભુત ક્ષણને જોઈને ગૌરવ અનુભવી રહ્યા છે.
પેસેન્જરે સપનામાં પણ નહોતું વિચાર્યું :
આ દરમિયાન પ્લેનમાં બેઠેલા એક મુસાફર સાથે કંઈક એવું થયું જે તેણે સપનામાં પણ વિચાર્યું નહીં હોય. મુસાફરે ચંદ્રયાન-3ને પોતાની આંખોથી વાદળોની પાર જતા જોયું. આકાશમાં વિમાનની સામે ચંદ્રયાન-3ને ઉડતું જોઈને તેણે તરત જ તે ક્ષણને પોતાના કેમેરામાં કેદ કરી લીધી. તેણે આ વાત ટ્વિટર પર એક વીડિયો શેર કરીને શેર કરી છે.
અમૂલ્ય ઘટનાને ફ્લાઇટની બારીમાંથી કરી કેદ :
LVM3-M4 રોકેટની મદદથી સતીશ ધવન સ્પેસ સેન્ટરથી અવકાશ તરફ પ્રક્ષેપણ. જ્યારે ચંદ્રયાન તેજ ગતિએ ઉડી રહ્યું હતું, તે જ સમયે ચેન્નાઈથી ઢાકા જતી ઈન્ડિગોની ફ્લાઈટ પણ આકાશમાં હતી. ચંદ્રયાન-3ને આકાશમાં જોઈને ફ્લાઈટના પાઈલટે તમામ મુસાફરોને કહ્યું કે તમારી ડાબી બાજુ ઈતિહાસ રચાઈ રહ્યો છે. લોકોએ આ ઐતિહાસિક પળને જોતાની સાથે જ તેનો વીડિયો બનાવી લીધો. એક પેસેન્જરે તેની વિન્ડો સીટ પરથી તેના મોબાઈલમાં આ ક્ષણ કેદ કરી લીધી. બાદમાં તેણે ટ્વિટર પર પણ શેર કર્યું હતું.
ચેન્નાઇથી ઢાકા જતી હતી ફ્લાઇટ :
જ્યારે ચંદ્રયાન તેજ ગતિએ ઉડી રહ્યું હતું, તે જ સમયે ચેન્નાઈથી ઢાકા જતી ઈન્ડિગોની ફ્લાઈટ પણ આકાશમાં હતી. ચંદ્રયાન-3ને આકાશમાં જોઈને ફ્લાઈટના પાઈલટે તમામ મુસાફરોને કહ્યું કે તમારી ડાબી બાજુ ઈતિહાસ રચાઈ રહ્યો છે. લોકોએ આ ઐતિહાસિક પળને જોતાની સાથે જ તેનો વીડિયો બનાવી લીધો. એક પેસેન્જરે તેની વિન્ડો સીટ પરથી તેના મોબાઈલમાં આ ક્ષણ કેદ કરી લીધી. બાદમાં તેણે ટ્વિટર પર પણ શેર કર્યું હતું.
View this post on Instagram
23 ઓગસ્ટના રોજ ચંદ્રયાન ચન્દ્ર પર પગ મુકશે :
ચંદ્રયાન-3 એ ચંદ્ર પર જવા માટે દેશની ધરતી છોડી દીધી છે. જોકે ત્યાં પહોંચવામાં સમય લાગશે. ઈસરોના ચીફ એસ સોમનાથે કહ્યું કે જો બધું બરાબર રહ્યું તો ચંદ્રયાન-3 આવતા મહિને 23 ઓગસ્ટે સાંજે 5.47 વાગ્યે ચંદ્ર પર પગ મૂકશે. આ પહેલા તે 41 દિવસ ચંદ્રની આસપાસ ફરશે. ચંદ્રની ભ્રમણકક્ષા સુધી પહોંચવા માટે, તે ચંદ્રની સપાટીથી 100 કિમી સુધી પહોંચે ત્યાં સુધી તે એક મહિનાથી વધુ લાંબી મુસાફરી પર આગળ વધશે.
