ઘરનું સમારકામ કરતા કરતા મળ્યો આ કપલને ખજાનો ! એટલી રોકડ મળી કે…

પોતે ખરીદેલું ઘર રિપેરિંગ કરતાં કરતાં કપલને જૂની પેટી મળી ખોલીને જોયું તો કિસ્મત ચમકી ગઈ

ફિલ્મો અને ટીવી શોમાં બતાવવામાં આવે છે કે જર્જરિત અને જૂની ઇમારતોમાં ભૂત રહે છે ! પરંતુ એવું જરૂરી નથી કે દરેક જૂનુ ઘર ભૂતનો અડ્ડો હોય, કારણ કે અમેરિકામાં એક યુગલને જૂના ઘરમાંથી ખજાનો મળ્યો છે. જી હા, તે ખજાનામાંથી જે રકમ મળી આવી છે તે રકમ જાણ્યા પછી તમે ખરેખર ચોંકી જશો. અમેરિકાના ઓહાયોમાં રહેતા એક ખૂબ જ નસીબદાર કપલની આ કહાની છે, જેમને તેમના ઘરના ભોંયરામાં સમારકામ કરતી વખતે એક જૂની સૂટકેશ મળી. જો કે, તેમને આશા નહોતી કે જૂનું બોક્સ તેમની ખુશીનું કારણ બનશે. Branik12 નામના વ્યક્તિએ Imgur પર કેટલીક તસવીરો શેર કરી અને આ ચોંકાવનારી ઘટના વિશે જણાવ્યું.

તેણે તેની પોસ્ટને કેપ્શન આપ્યું – જૂના મકાનના સમારકામ દરમિયાન મળ્યો ખજાનો. તેણે પોતાની પોસ્ટમાં લખ્યું – મારા પરિવાર સાથે જ્યાં રહું છું તે ઘર અમે થોડા વર્ષો પહેલા ખરીદ્યું હતું. આ ઘર 40ના દાયકાના અંતમાં બનાવવામાં આવ્યું હતું. આ વ્યક્તિએ આગળ લખે છે કે હું જાતે ઘરનું સમારકામ કરતો હતો. પહેલા અને બીજા માળ પછી, જ્યારે ભોંયરામાં આવ્યો, ત્યારે જૂના દિવાલ પેઇન્ટિંગ્સ વગેરે દૂર કર્યા. ઘણી બધી ધૂળ અને ગંદકી હતી. જ્યારે હું ધૂળવાળા ટેરેસ પર ગયો, ત્યારે મને સૂટકેસ ભોંયરામાં ટોચ પર અને ગ્રાઉન્ડ ફ્લોરની નીચે છુપાવેલી મળી.

તેણે તરત જ નક્કી કર્યું કે તે આ બધું દસ્તાવેજીકૃત કરશે અને તેથી તેણે તસવીરો ક્લિક કરી લીધી. પોસ્ટ અનુસાર, તે માણસને ભોંયરામાં બે લીલા સૂટકેસ મળી આવ્યા. શરૂઆતમાં તેણે  વિચાર્યું કે સ્પોર્ટ્સ કાર્ડનો સંગ્રહ છે. કારણ કે બોક્સ ભારે ન હતા. તેણે ભોંયરામાંથી બોક્સ બહાર કાઢ્યા અને જ્યારે તેણે તેની પત્ની સાથે મળીને તેને ખોલ્યા, ત્યારે બંનેની ખુશીની સીમા જ ન રહી. તેઓને બોક્સમાં હજારો ડોલરની રોકડ મળી.

ઉલ્લેખનીય છે કે, બોક્સમાં જૂના અખબારમાં લપેટેલી નોટો મળી આવી હતી. નોટોના ત્રણ બંડલ હતા. પ્રથમ સૂટકેસમાંથી $23,000ની નોટો મળી આવી હતી. જ્યારે બીજામાં એટલી રોકડ મળી કે કુલ રકમ 45 હજાર ડોલર (33 લાખ રૂપિયાથી વધુ) થઈ ગઈ. આ કપલને વિશ્વાસ ન હતો કે આ ચમત્કાર તેમની સાથે થઈ રહ્યો છે. તે પોતાની ખુશીને કાબૂમાં રાખી શક્યા નહીં. વ્યક્તિએ કહ્યું કે હવે તે આ રકમથી તેની લોન ચૂકવી શકશે.

Shah Jina