દેશમાં આ દિવસોમાં મોંઘવારી એક આફત બની ગઈ છે, જેના કારણે સામાન્ય લોકોના ખિસ્સાનું બજેટ સતત બગડી રહ્યું છે. બજારોમાં ખાદ્યતેલના ભાવ સતત આકાશને સ્પર્શી રહ્યા છે જેના કારણે લોકોમાં હોબાળો મચી ગયો છે. જ્યારે લોકો માર્કેટમાં જાય છે ત્યારે તેલની કિંમત જાણીને આશ્ચર્ય થાય છે, પરંતુ આ દરમિયાન ગ્રાહકો માટે એક સારા સમાચાર આવ્યા છે. ભારતીય બજારમાં ખાદ્યતેલના ભાવમાં ઘટાડો જોવા મળ્યો છે અને તેનું કારણ છે વૈશ્વિક બજારમાં ઘટાડો… દિલ્હીના તેલ-તેલીબિયાં બજારમાં સરસવ, સોયાબીન, સીપીઓ, પામોલિન અને કપાસિયા સહિતના ઘણા તેલના ભાવમાં ગઈકાલે ઘટાડો જોવા મળ્યો છે.
ત્યાં કેટલાક તેલ એવા છે જેની કિંમતોમાં કોઈ ફેરફાર થયો નથી.જણાવી દઇએ કે, અમેરિકામાં કૃષિ બજારોમાં સોયાતેલના ભાવ પ્રોજેક્શનમાં 155થી 160 પોઇન્ટ તૂટ્યાના સમાચાર હતા. ત્યારે મલેશિયાના પામતેલના બજારો આજે બંધ રહ્યા હતા. માયાનગરી મુંબઇમાં 10 કિલોના આયાતી પામતેલના ભાવ 1590 રૂપિયા થયા હતા. ઉલ્લેખનીય છે કે,4 મે સુધી નિષ્ણાતોના મતે મલેશિયા એક્સચેન્જ પર કોઇ ટ્રેડિંગ નહિ થાય. ત્યાં શિકાગો એક્સચેન્જમાં 3.5%નો ઘટાડો જોવા મળ્યો. રીપોર્ટ્સ અનુસાર, બજારમાં ખાદ્યતેલોની માંગ નબળી છે અને તેના કારણે ઘટાડો જોવા મળી રહ્યો છે.
ગયા સપ્તાહે સરસવની આવક લગભગ 7 લાખ બેગથી ઘટીને સોમવારે 5.5 લાખ થઈ હતી. માંગ નબળી હોવાને કારણે સરસવના તેલ-તેલીબિયાંના ભાવમાં ઘટાડો જોવા મળ્યો હતો. જો આપણે તેલના ભાવની વાત કરીએ તો, સરસવના તેલીબિયાં – રૂ 7,790-7,840 (42 ટકા સ્થિતિ દર) પ્રતિ ક્વિન્ટલ, મગફળી – રૂ 7,160 – રૂ 7,295 પ્રતિ ક્વિન્ટલ, મગફળી ઓઈલ મિલ ડિલિવરી (ગુજરાત) – રૂ. 16,550 પ્રતિ ક્વિન્ટલ, મગફળી સોલવન્ટ રિફાઇન્ડ તેલ રૂ. 2,735 – રૂ. 2,925 પ્રતિ ટીન, સરસવનું તેલ દાદરી – રૂ. 15,700 પ્રતિ ક્વિન્ટલ, સરસોન પાકી ઘની – રૂ. 2,465-2,545 પ્રતિ ટીન, મસ્ટર્ડ કાચી ઘની – રૂ. 2,505-2,615 પ્રતિ ટીન છે.
જયારે તલના તેલની મિલ ડિલિવરી – રૂ. 17,000-18,500 પ્રતિ ક્વિન્ટલ, સોયાબીન ઓઈલ મિલ ડિલિવરી દિલ્હી – રૂ. 17,550 પ્રતિ ક્વિન્ટલ, સોયાબીન મિલ ડિલિવરી ઈન્દોર – રૂ. 17,050 પ્રતિ ક્વિન્ટલ, સોયાબીન તેલ દેગમ, કંડલા – રૂ. 15,900 પ્રતિ ક્વિન્ટલ, સીપીઓ એક્સ-કંડલા – રૂ. 15,600 પ્રતિ ક્વિન્ટલ, કપાસિયા મિલ ડિલિવરી (હરિયાણા) – રૂ 16,300 પ્રતિ ક્વિન્ટલ, પામોલીન આરબીડી, દિલ્હી – રૂ. 17,200 પ્રતિ ક્વિન્ટલ, પામોલીન એક્સ-કંડલા – રૂ. 15,900 (જીએસટી વિના) પ્રતિ ક્વિન્ટલ, સોયાબીન અનાજ – રૂ 7,100-7,200 પ્રતિ ક્વિન્ટલ, સોયાબીન લુઝ રૂ. 6,800- રૂ. 6,900 પ્રતિ ક્વિન્ટલ, મકાઈ ખાલ (સરિસ્કા) રૂ 4,000 પ્રતિ ક્વિન્ટલ છે.
માયાનગરી મુંબઇની વાત કરીએ તો, મુંબઇમાં દિવેલના ભાવ 10થી 12 રૂપિયા તૂટ્યા હતા. જયારે એરંડાના ભાવ 60 રૂપિયા તૂટ્યા હતા. ક્રૂડ પામ ઓઈલ સીપીઓ કંડલાના ભાવ ઘટી રૂ.1590થી 1595 રહ્યા હતા.આ દરમિયાન મુંબઈ બજારમાં સિંગતેલના ભાવ રૂ.1700ના મથાળે શાંત હતા જ્યારે કપસાયિા તેલના ભાવ ઘટી રૂ.1685 રહ્યા હતા, સૌરાષ્ટ્ર બાજુ સિંગતેલના ભાવ રૂ.1650 તથા 15 કિલોના રૂ.2620થી 2630 રહ્યા હતા જ્યારે કોટન વોશ્ડના ભાવ 1605થી 1610 રહ્યાના નિર્દેશો હતા.
