બોલિવુડ અભિનેત્રી આલિયા ભટ્ટ બાદ હવે બિપાશા બસુ પણ માતા બની ગઇ છે. તેના ઘરે પણ નાની પરીનો જન્મ થયો છે. કરણ સિંહ ગ્રોવર અને બિપાશા બસુએ સોશિયલ મીડિયા પર ઓફિશિયલ કરતા એલાન કર્યુ હતુ કે તેમના ઘરે નાની પ્રિન્સેસ આવી છે. આ સાથે તેમણે દીકરીની પહેલી ઝલક અને તેનું નામ પણ જણાવ્યુ છે. દીકરી સાથે પહેલી તસવીર શેર કરી બિપાશા અને કરણે પોતાને બ્લેસ્ડ બતાવ્યા.
તસવીરમાં કપલના હાથમાં બાળકીના પગ જોવા મળી રહ્યા છે. ક્યુટ નાના પગની આ તસવીર ઘણી પ્રેમાળ છે.આના પરથી ખબર પડે છે કે કપલની નાની લાડલી ખૂબ જ ક્યૂટ છે. ફોટાની સાથે લખવામાં આવ્યુ છે, ’12. 11. 22, દેવી બાસુ સિંહ ગ્રોવર. અમારા પ્રેમ અને માતાના આશીર્વાદની વાસ્તવિક નિશાની હવે દુનિયામાં આવી ગઈ છે અને તે દિવ્ય છે. બિપાશા અને કરણ. બિપાશા બાસુએ 43 વર્ષની ઉંમરે પોતાના પહેલા બાળકને જન્મ આપ્યો છે.
પોતાની દીકરીના દુનિયામાં આગમનથી તે ખૂબ જ ખુશ છે. બિપાશા અને કરણે પહેલેથી જ કહ્યું હતું કે તેઓ બાળકના આવવાની આતુરતાથી રાહ જોઈ રહ્યા છે. બંને પોતાના બાળકને પ્રેમથી બગાડવાની રાહ જોઈ શકતા નથી. તેમની પુત્રી દેવીના આગમન બાદ ચાહકો અને બોલિવૂડ સેલેબ્સે તેમને અભિનંદન પાઠવવાનું શરૂ કરી દીધુ છે. ટીવી કલાકારો અયાઝ ખાન, સુરભી જ્યોતિ, નીલુ કોહલી, હેરસ્ટાઈલિસ્ટ આલીમ હકીમથી લઈને અભિનેત્રી સોફી ચૌધરી સુધી ઘણા સેલેબ્સે કપલની પોસ્ટ પર કોમેન્ટ કરી છે.
સોફીએ લખ્યું, ‘આ અત્યાર સુધીના સૌથી સારા સમાચાર છે. હું તમારા બંને માટે ખૂબ જ ખુશ છું. તમારા નાના બાળકને ઘણા આશીર્વાદ. સુરભી જ્યોતિએ લખ્યું, ‘અભિનંદન.’ કરણ અને બિપાશાના ખુશખબર સાંભળીને ચાહકો પણ ખુશ નથી. કેટલાકે કહ્યું કે બાળકનું સ્વાગત છે, જ્યારે કેટલાકે કહ્યું કે પાર્ટી અભી શરૂ હુઈ હે. ઘણા યુઝર્સ બાળકીને પ્રાર્થના અને આશીર્વાદ આપી રહ્યા છે. ઘણા એવા યુઝર્સ પણ છે જેમણે બિપાશા અને કરણને નવા પેરેન્ટ્સ બનવા બદલ અભિનંદન પાઠવ્યા છે.
કરણ સિંહ ગ્રોવર અને બિપાશા બાસુની પહેલી મુલાકાત ફિલ્મ ‘અલોન’ના સેટ પર થઈ હતી. બંને પ્રેમમાં પડ્યા અને વર્ષ 2016માં લગ્ન કરી લીધા. હવે દીકરીના આગમન બાદ બંનેના જીવનની નવી શરૂઆત થઈ છે. બંને પોતાની નવી ભૂમિકાઓનો આનંદ માણવા જઈ રહ્યા છે. તાજેતરમાં આલિયા ભટ્ટ અને રણબીર કપૂરને એક પુત્રીનો જન્મ થયો હતો, અને હાલમાં ટીવી અભિનેત્રી દેબીના બેનર્જી અને ગુરમીતના ત્યાં પણ પુત્રીનો જન્મ થયો છે.
