કોમેડિયન ભારતી સિંહ હાલમાં મધરહુડનો આનંદ માણી રહી છે. ભારતીએ ગયા મહિને એક પુત્રને જન્મ આપ્યો હતો, જેને તે પ્રેમથી ‘ગોલા’ કહે છે. તે તેના ઇન્સ્ટા હેન્ડલ અને તેની યુટ્યુબ ચેનલ પર તેના ચાહકોને તેના નવા તબક્કા વિશે અપડેટ કરતી રહે છે.ભારતીએ બાળકના જન્મ પહેલા જ બાળક માટે ઘણી વસ્તુઓ બનાવવાનું શરૂ કરી દીધું હતું, જેને તે દરરોજ ચાહકો સાથે શેર કરતી રહે છે. ભારતીએ તેના રાજકુમાર માટે એક નર્સરી બનાવી છે, જેની ઝલક તાજેતરમાં જોવા મળી હતી.
ભારતીએ તેના પતિ હર્ષ સાથે ઈન્સ્ટાગ્રામ હેન્ડલ પર એક સુંદર વાર્તા શેર કરી છે. રંગબેરંગી સપ્તરંગી-થીમ આધારિત બેડસ્પ્રેડ અને સોફ્ટ ટોયથી શણગારવામાં આવેલ સુંદર સફેદ બેબી કોટ સાથે દંપતીના પુત્રની નર્સરીની ઝલક જોવા મળી હતી. કપલ તેમના પુત્રના બેબી કોટ એટલે કે પારણાની બાજુમાં પોઝ આપતાં જોવા મળ્યા હતા. રિપોર્ટ અનુસાર, આ બેબી કોટની કિંમત 31,500 રૂપિયા છે. ભારતીએ 3 એપ્રિલે એક સુંદર પુત્રને જન્મ આપ્યો હતો.
જો કે, એક મહિનો થયો હોવા છત્તાં પણ હજુ સુધી ભારતીએ ન તો તેના પુત્રનો ચહેરો બતાવ્યો છે કે ન તો તેનું નામ જાહેર કર્યું છે. ભારતીના લાડલાની તસવીર જોવા માટે ચાહકો ખૂબ જ ઉત્સાહિત છે. જણાવી દઇએ કે, 15 એપ્રિલ 2022ના રોજ ભારતી સિંહ તેના બાળકના જન્મના 12 દિવસ પછી જ કામ પર પરત ફરી હતી. તેના શો ‘હુનરબાઝ’ના સેટ પરથી એક વીડિયોમાં ભારતીએ ખુલાસો કર્યો હતો કે તે ખૂબ રડી હતી.
તેણે શેર કર્યું હતું કે, તેનું બાળક ખરેખર નાનું છે અને તેને ઘરે છોડવું મુશ્કેલ કામ હતું. બ્લેક એન્ડ વ્હાઇટ પ્રિન્ટેડ ડ્રેસમાં તે સુંદર લાગતી હતી અને તેના ચહેરા પર નવી મમ્મી બની હોવાની ચમક સ્પષ્ટ દેખાતી હતી. ભારતી સિંહ અને હર્ષ લિમ્બાચીયા પહેલીવાર ‘કોમેડી સર્કસ’ ના સેટ પર એકબીજાને મળ્યા હતા, જેમાં ભારતી એક સ્પર્ધક હતી અને હર્ષ પટકથા લેખક હતો.
જો કે તે ‘પ્રથમ નજરનો પ્રેમ’ ન હતો, પરંતુ જ્યારે તેઓએ સાથે કામ કર્યું ત્યારે તેઓએ એક જોડાણ અનુભવ્યું. થોડા વર્ષો સાથે રહ્યા બાદ બંનેએ ગર્વથી કબૂલ્યું હતું કે તેઓ એકબીજાના પ્રેમ છે. થોડા વર્ષો પછી બંનેએ લગ્ન કરી લીધા અને હવે તેઓ તેમના પરિવાર સાથે ખૂબ જ ખુશ છે.
