પોતાની બોલ્ડ અને સ્ટાઇલિશ અદાઓથી જાણીતી અભિનેત્રી અવનીત કૌર ફરી એકવાર ચર્ચામાં છે. અવારનવાર પોતાની ગ્લેમરસ તસવીરો શેર કરતી અવનીતે તાજેતરમાં તેના ઇન્સ્ટાગ્રામ પર એક નવું ફોટોશૂટ શેર કર્યું છે, જેમાં તે એક સુંદર દુલ્હનના અવતારમાં જોવા મળી રહી છે. તેના આ લેટેસ્ટ લુક પર ચાહકો ફિદા થઈ ગયા છે.
વાયરલ થઈ રહેલી તસવીરોમાં અવનીતે ખૂબ જ સુંદર પેસ્ટલ રંગનો લહેંગા પહેર્યો છે. આ લહેંગાની સાથે તેણે અત્યંત સ્ટાઇલિશ બ્લાઉઝ અને મેચિંગ દુપટ્ટો કેરી કર્યો છે, જે તેને એક ક્લાસી અને એલિગન્ટ લુક આપી રહ્યો છે.
પોતાના આ બ્રાઇડલ લુકને કમ્પ્લીટ કરવા માટે અવનીતે સિલ્વર જ્વેલરીનો ઉપયોગ કર્યો છે. તેણે ભારે ઈયરરિંગ્સ અને હાથમાં ગુલાબી બંગડીઓ પહેરી છે. ખાસ વાત એ છે કે, આટલા હેવી આઉટફિટ સાથે તેણે મેકઅપ ખૂબ જ ‘મિનિમલ’ (હળવો) રાખ્યો છે અને આકર્ષક હેરસ્ટાઇલ સાથે પોતાનો લુક પૂર્ણ કર્યો છે.
અવનીત કૌરની સોશિયલ મીડિયા પર જબરદસ્ત લોકપ્રિયતા છે, ઇન્સ્ટાગ્રામ પર તેના ૩૧ મિલિયનથી વધુ ફોલોઅર્સ છે. તેના આ ડિફરન્ટ પોઝ અને કાતિલ સ્મિત જોઈને ચાહકો કોમેન્ટ સેક્શનમાં વખાણના પુલ બાંધી રહ્યા છે. હંમેશની જેમ આ ફોટા પણ થોડી જ મિનિટોમાં સોશિયલ મીડિયા પર ટ્રેન્ડ કરવા લાગ્યા છે.
