હિન્દુ ધર્મમાં પિતૃ પક્ષનું વિશેષ મહત્વ છે. પિતૃ પક્ષના દિવસોમાં પૂર્વજોની આરાધના અને શ્રાદ્ધ કર્મ કરવામાં આવે છે. પરંતુ આ વર્ષે પિતૃ પક્ષનો આરંભ એક અત્યંત દુર્લભ અને શુભ સંયોગ સાથે થવા જઈ રહ્યો છે. જ્યોતિષશાસ્ત્ર અનુસાર, પિતૃ પક્ષના પહેલા જ દિવસે આકાશ મંડળમાં ‘લક્ષ્મીનારાયણ રાજયોગ’નું નિર્માણ થઈ રહ્યું છે, જે કેટલીક રાશિઓ માટે અત્યંત લાભદાયી સાબિત થશે.
ક્યારે અને કેવી રીતે બનશે લક્ષ્મીનારાયણ યોગ?
પંચાંગ અનુસાર, બુદ્ધિ, વેપાર અને સંવાદના દાતા ગ્રહ બુધ પોતાની રાશિ બદલીને તુલા રાશિમાં પ્રવેશ કરશે. જ્યારે ધન, વૈભવ અને સમૃદ્ધિના દાતા શુક્ર ગ્રહ અગાઉથી જ તુલા રાશિમાં બિરાજમાન છે. તુલા રાશિમાં બુધ અને શુક્રના આ મિલનથી અત્યંત શક્તિશાળી ‘લક્ષ્મીનારાયણ યોગ’ રચાઈ રહ્યો છે. પિતૃ પક્ષના પ્રારંભમાં જ આ યોગ બનવાથી પૂર્વજોના આશીર્વાદની સાથે જાતકોને ધન-સંપત્તિમાં પણ મોટો ફાયદો થશે.
આ 4 રાશિઓ માટે ‘ગોલ્ડન ટાઈમ’ રહેશે ખાસ:
-
તુલા રાશિ: આ યોગ તમારી જ રાશિના પ્રથમ ભાવમાં બની રહ્યો છે. જેનાથી તમારા વ્યક્તિત્વમાં નિખાર આવશે અને આકર્ષણ વધશે. વેપારમાં નવી તકો મળશે અને અટવાયેલા સોદા પૂરા થશે. કાર્યક્ષેત્રમાં માન-પ્રતિષ્ઠામાં વધારો થશે.
-
મિથુન રાશિ: બુધ તમારી રાશિનો સ્વામી છે અને આ ગોચર પાંચમા ભાવમાં થશે. વિદ્યાર્થીઓ અને સ્પર્ધાત્મક પરીક્ષાની તૈયારી કરતા યુવાનો માટે સમય શ્રેષ્ઠ છે. અચાનક ધનલાભ થવાની પ્રબળ સંભાવના છે. શેરબજાર કે મીડિયા સાથે જોડાયેલા લોકોને અપેક્ષા કરતા બમણો નફો મળી શકે છે.
-
મકર રાશિ: દસમા ભાવ (કર્મ અને કારકિર્દી)માં આ યોગ રચાવાથી નોકરી કરતા લોકોને પ્રમોશન કે સેલેરી હાઇક મળી શકે છે. નવી નોકરી શોધી રહેલા લોકોને સારા સમાચાર મળશે. વેપારનો વિસ્તાર થશે અને પૂર્વજોની સંપત્તિ સંબંધિત જૂના વિવાદો ઉકેલાશે.
-
કુંભ રાશિ: નવમા ભાવ (ભાગ્ય સ્થાન)માં બુધનું આગમન ભાગ્યનો પૂરો સાથ અપાવશે. ધાર્મિક અને આધ્યાત્મિક કાર્યોમાં રુચિ વધશે. લાંબા સમયથી અટકેલા સરકારી કે કાનૂની કાર્યો પૂરા થશે. વિદેશ યાત્રા અથવા લાંબા અંતરની મુસાફરીથી મોટો આર્થિક લાભ થઈ શકે છે.
(નોંધ: ઉપરોક્ત માહિતી સામાન્ય માન્યતાઓ, જ્યોતિષશાસ્ત્ર અને જાણકારીઓ પર આધારિત છે, ગુજ્જુરોક્સ આની પુષ્ટિ કરતું નથી.)
