પીળા રંગના ડ્રેસમાં છૂપાવ્યો બેબી બંપ, પ્રેગ્નેંસી ગ્લોથી લૂંટી લીધી બધી જ લાઇમલાઇટ
આલિયા ભટ્ટ આ દિવસોમાં પોતાની અંગત અને વ્યવસાયિક જીવન બંનેને લઈને સાતમા આસમાન પર છે. તમને જણાવી દઈએ કે જ્યાં આલિયા પતિ રણબીર કપૂર સાથે તેના પહેલા બાળકનું સ્વાગત જલ્દી જ કરવાની છે, ત્યાં બીજી તરફ તે તેના પ્રથમ પ્રોડક્શન ‘ડાર્લિંગ’ માટે હેડલાઇન્સ બનાવી રહી છે. આલિયા ભટ્ટની આગામી ફિલ્મ ‘ડાર્લિંગ’નું ટ્રેલર તાજેતરમાં જ લોન્ચ કરવામાં આવ્યું છે. ટ્રેલર લોન્ચ ઈવેન્ટમાં પહોંચેલી આલિયાએ સોશિયલ મીડિયા પર પોતાના નવા લૂકમાં તસવીરો શેર કરી છે.
ફોટામાં અભિનેત્રી યલો કલરના ડ્રેસમાં ખૂબ જ સુંદર લાગી રહી છે. પ્રેગ્નન્સીની જાહેરાત બાદ આલિયા પહેલીવાર જાહેરમાં જોવા મળી. આલિયા યલો બેલ શેપ્ડ ડ્રેસમાં પોઝ આપતી પણ જોવા મળી હતી. આ ડ્રેસમાં તેણે તેનો બેબી બમ્પ પણ છુપાવ્યો હતો. તેણે પોનીટેલ અને લાઇટ મેકઅપ સાથે પોતાનો લુક કમ્પ્લીટ કર્યો હતો. આલિયાની સ્ટાઇલ સેન્સ પણ અદ્ભુત છે. પોતાના બેલી બમ્પને છુપાવવા માટે આલિયાએ લૂઝ ફિટિંગ ડ્રેસ પસંદ કર્યો હતો.
જેની ડિઝાઇન તેને સ્ટાઇલિશ બનાવી રહી હતી. આલિયા ભટ્ટે બલૂન ડિઝાઇનના ડ્રેસ સાથે ગુલાબી હીલ પસંદ કરી હતી. જેમાં તે હંમેશાની જેમ આકર્ષક લાગી રહી છે. મેકઅપની વાત કરીએ તો આલિયાએ તેના વાળમાં અવ્યવસ્થિત લો પોનીટેલ બનાવી હતી અને ગુલાબી શેડમાં ગ્લોસી લિપસ્ટિક સાથે ગુલાબી બ્લશ અને બીમિંગ હાઇલાઇટર સાથે ચિકને હાઇલાઇટ કર્યા હતા. આલિયાએ તેના લુકની તસવીરો પણ ઈન્સ્ટાગ્રામ પર શેર કરી છે.
જેને જોયા બાદ સ્ટાર્સ કોમેન્ટ કરી રહ્યા છે.આલિયા અને રણબીરે 14 એપ્રિલ 2022ના રોજ નજીકના મિત્રો અને પરિવાર વચ્ચે લગ્ન કર્યા હતા. તેણે ગયા મહિને પોતાની પ્રેગ્નન્સીની જાહેરાત કરી હતી. અભિનેત્રીએ સોનોગ્રાફી કરાવતી વખતે એક ફોટો સોશિયલ મીડિયા પર શેર કર્યો હતો. ફોટોમાં તેની સાથે રણબીર કપૂર જોવા મળ્યો હતો. આલિયાએ કેપ્શનમાં લખ્યું છે કે, અમારું બાળક જલ્દી આવી રહ્યું છે. વર્કફ્રન્ટની વાત કરીએ તો, નેટફ્લિક્સની ડાર્ક કોમેડી ફિલ્મ ‘ડાર્લિંગ’માં આલિયા ઉપરાંત શેફાલી શાહ અને વિજય શર્મા પણ લીડ રોલમાં છે.
આ ફિલ્મ ગૌરી ખાન, આલિયા ભટ્ટ અને ગૌરવ વર્મા દ્વારા સંયુક્ત રીતે પ્રોડ્યુસ કરવામાં આવી છે. આ ફિલ્મ નેટફ્લિક્સ પર 5 ઓગસ્ટે રિલીઝ થશે. ફિલ્મની રિલીઝ ડેટની જાહેરાત કરતી વખતે આલિયાએ લખ્યું, “ડાર્લિંગ્સ મારા માટે ખૂબ જ ખાસ ફિલ્મ છે. નિર્માતા તરીકે આ મારી પ્રથમ ફિલ્મ હશે અને તે પણ રેડ ચિલીઝ એન્ટરટેઈનમેન્ટ સાથે. ફિલ્મ ‘ડાર્લિંગ’ સિવાય આલિયા અયાન મુખર્જીની બહુપ્રતિક્ષિત ફિલ્મ ‘બ્રહ્માસ્ત્ર’માં જોવા મળશે.
આ ફિલ્મમાં આલિયા અને રણબીર કપૂર પહેલીવાર સાથે જોવા મળશે. અભિનેત્રી હાલમાં જ તેના પ્રથમ હોલીવુડ પ્રોજેક્ટ ‘હાર્ટ ઓફ સ્ટોન’નું શૂટિંગ કરીને ભારત પરત આવી છે. આ સિવાય તે કરણ જોહરની ફિલ્મ ‘રોકી ઔર રાની કી પ્રેમ કહાની’માં રણવીર સિંહ સાથે જોવા મળશે. આલિયા પ્રેગ્નેંસીમાં પણ કામ કરી રહી છે અને ફિલ્મનું શુટિંગ કરી રહી છે તેમજ પ્રમોશન ઇવેન્ટમાં પણ સામેલ થઇ રહી છે.
