જૂનાગઢ શહેરમાં રાજકોટ હાઇવે પર પ્રખ્યાત હોટલમાં વહેલી સવારે જંગલના સિંહની પધરામણી થઇ હતી. સિંહ હોટલમાં આંટા ફેરા મારતો સીસીટીવી કેમેરામાં કેદ થયો હતો.હાલ હોટલમાં સિંહ લટાર મારતાં સીસીટીવીમાં કેદ થયેલાં દૃશ્યો સોશિયલ મીડિયામાં વાઇરલ થયાં છે.
શહેરની એક હોટલમાં સિંહ આવીને આંટાફેરા મારતો હોય તે ઘટના સીસીટીવી કેમેરામાં કેદ થયા હતા. સિક્યુરિટી ગાર્ડ પણ સિંહને જોઇને ડરી ગયો હતો. તે પોતાની કેબિનમાંથી બહાર ન નીકળ્યો હતો. સિંહ કોઈ પણ નુકસાન પહોંચાડ્યા વગર ચાલ્યો ગયો હતો.
આ વીડિયોમાં જોઇ શકાય છે કે, સિંહ આવીને આરામથી જોવે છે કે દરવાજો બંધ છે. બાદમાં તે એક કૂદકો મારેે છે અને દરવાજો પાર કરે છે. સિક્યોરીટી ગાર્ડ પણ અચાનક ઉઠી જાય છે અને જોવે છે કે, આ શું છે. સિંહને જોઇને સિક્યોરીટી ગાર્ડ પણ ગભરાઇ જાય છે. જો કે, હોટેલમાં આવેલ સિંહ લટાર મારીને પરત જતો રહેતા સુરક્ષાકર્મીએ રાહતનો શ્વાસ લીધો હતો.
ઉલ્લેખનીય છે કે, જંગલનો રાજા સિંહ ઘણીવાર રસ્તાઓ પર લટાર મારતો જોવા મળે છે. સિંહની લટારના અનેક વીડિયો વાયરલ થતા હોય છે. તેવામાં હાલમાં જ સિંહનો ફરી એક વીડિયો વાયરલ થયો છે. જો કે, આ વીડિયોમાં સિંહ હોટલમાં લટાર મારતો કેમેરામાં કેદ થયો છે.
A #lion recently entered the premises of the Sarovar Portico hotel near the #Junagadh railway station, moved around but did not harm anyone. He surely is a royal animal.@GujForestDept @drrajivguptaias @Ganpatsinhv @WWFINDIA pic.twitter.com/zFpQIeYpyb
— Parimal Nathwani (@mpparimal) February 10, 2021
