ઘણા લોકો એવા હોય છે જે પોતાના પ્રેમને પામવા માટે કંઈપણ કરતા હોય છે, ઘણા લોકો વર્ષો સુધી રાહ જોતા હોય છે તો ઘણા લોકો પ્રેમ માટે જીવ પણ કુરબાન કરી દેતા હોય છે. સોશિયલ મીડિયામાં આવી ઘણી પ્રેમ કહાનીઓ વાયરલ પણ થતી હોય છે, પરંતુ હાલ એક એવી પ્રેમ કહાની વાયરલ થઇ રહી છે જેને લાખો લોકોના દિલ જીતી લીધા છે.
પંજાબના એક નવવિવાહિત કપલનો વીડિયો ઈન્ટરનેટ પર ખૂબ જ જોવા મળી રહ્યો છે. આ દંપતી રોડ કિનારે ફૂડ સ્ટોલ પર ‘ફાસ્ટ ફૂડ’ વેચે છે. તેની સ્ટાઇલ એટલી સુંદર છે કે લોકો તેના ફેન બની ગયા છે. વળી, કપલની લવસ્ટોરી પણ દિલ જીતી રહી છે! આ બંનેની મુલાકાત ઇન્સ્ટાગ્રામ પર થઈ હતી, ત્યારબાદ તેમનો પ્રેમ એટલો મજબૂત બન્યો કે તેઓ લગ્નના બંધનમાં બંધાઈ ગયા. હવે તે બંને રોજીરોટી માટે જલંધરમાં ‘ફ્રેશ બાઈટ્સ’ નામનો રોડ કિનારો ફૂડ સ્ટોલ ચલાવે છે.
આ વીડિયોમાં નવવિવાહિત કપલ દિલથી પિઝા અને પાસ્તા બનાવતા જોવા મળ્યા હતા. વીડિયો બનાવનારે દંપતીને કેટલાક પ્રશ્નો પૂછે છે, બંને ખૂબ જ આનંદી રીતે જવાબ આપે છે. આ વાતચીત દરમિયાન, તેઓએ ખુલાસો કર્યો કે તેમના લગ્નને લગભગ એક વર્ષ થઈ ગયું છે. અને હા, બંનેની લવ સ્ટોરી ઈન્સ્ટાગ્રામથી શરૂ થઈ હતી. મતલબ, તેઓ આ પ્લેટફોર્મ પર મળ્યા હતા. હવે બંને સાથે મળીને જલંધરમાં ‘ફ્રેશ બાઈટ્સ’ (ફૂડ સ્ટોલ) ચલાવે છે. મજાકમાં, મહિલાએ એ પણ કહ્યું કે તે એક સારી કુક છે… અને તે જ ઘરે જમવાનું પણ બનાવે છે.
View this post on Instagram
આ સુંદર વીડિયો ઈન્સ્ટાગ્રામ હેન્ડલ @therealharryuppal દ્વારા શેર કરવામાં આવ્યો છે. તેણે કેપ્શનમાં કહ્યું, ‘આ નવવિવાહિત કપલ પંજાબમાં પિઝા વેચે છે.’ તમને જણાવી દઈએ કે, અત્યાર સુધી આ ક્લિપને 33.5 મિલિયન (3.5 કરોડ) વ્યૂઝ અને 45 લાખથી વધુ લાઈક્સ મળી ચૂક્યા છે. ઉપરાંત, સેંકડો વપરાશકર્તાઓ આના પર તેમના હૃદયની વાત લખી રહ્યા છે. એક યુઝરે કહ્યું- કેટલું સુંદર અને બુદ્ધિશાળી કપલ છે, નહીં? તેઓ સાથે આગળવધી રહ્યા છે અને તેમના સપનાને વાસ્તવિકતામાં ફેરવી રહ્યા છે.