સૌથી નાની ઉંમરમાં બની IAS ઓફિસર, ઘરે રેડ પડતા મળ્યા 19 કરોડ, ઓસ્ટ્રેલિયાથી આવેલ આ વ્યક્તિ સાથે હતું ઇલુ ઇલુ
આ દિવસોમાં IAS પૂજા સિંઘલ અને તેના પતિ એટલે કે બિઝનેસમેન અભિષેક ઝાનું નામ માત્ર ઝારખંડ જ નહીં પરંતુ દેશભરમાં ચર્ચાનો વિષય બની ગયું છે.પતિ-પત્ની અભિષેક ઝા અને પૂજા સિંઘલ આ દિવસોમાં મનરેગા કૌભાંડ અને અપ્રમાણસર સંપત્તિ કેસમાં EDના નિશાના પર છે. બંનેએ મળીને છેલ્લા કેટલાક વર્ષોમાં કરોડોની સંપત્તિ બનાવી છે. હવે આવી સ્થિતિમાં અભિષેક ઝા અને પૂજા સિંઘલની મિત્રતા, પ્રેમ અને લગ્નની કહાની પણ ધીમે ધીમે સામે આવી રહી છે. અત્યાર સુધી જે માહિતી સામે આવી છે તે મુજબ IAS પૂજા સિંઘલ અને અભિષેક ઝા વચ્ચેની ઓળખાણ ફેસબુકના માધ્યમથી શરૂ થઈ હતી.
ત્યારબાદ બંને ઓસ્ટ્રેલિયામાં મળ્યા અને બંને એકબીજાને પસંદ કરવા લાગ્યા. જ્યારે IAS પૂજા સિંઘલ અને અભિષેક ઝા ઓસ્ટ્રેલિયામાં તેમની મિત્રતા બાદ રાંચી પરત ફર્યા તો બંને વચ્ચે ધીમે-ધીમે નિકટતા વધવા લાગી. તે સમયે પૂજા સિંઘલ પલામુની ડીસી હતી અને અભિષેક તેને મળવા અને પ્રભાવિત કરવા માટે ગુલદસ્તો લઈને તેની ઓફિસ પહોંચતો હતો. કેટલાક મીડિયા રીપોર્ટ અનુસાર એવું કહેવામાં આવી રહ્યુ છે કે, ફેસબુક પર મિત્રતા બાદ એક જીમમાં જતી વખતે બંને વચ્ચે મિત્રતા વધી હતી.
જોકે તે સમયે પૂજાના લગ્ન થઈ ગયા હતા. 21 વર્ષ અને 7 દિવસમાં રેકોર્ડ IAS બનેલી પૂજા સિંઘલે તેના સિનિયર IAS રાહુલ પુરવાર સાથે લગ્ન કર્યા, પરંતુ બંને વચ્ચેનો આ સંબંધ લાંબો સમય ટકી શક્યો નહીં. બે-ત્રણ વર્ષ પછી તેમના પરસ્પર સંબંધોમાં તણાવ વધી ગયો. કારણો અલગ હતા. આખરે, પૂજા સિંઘલ અને રાહુલ પુરવારના છૂટાછેડા થઈ ગયા. રાહુલ અને પૂજા વચ્ચે અણબનાવ અને ઝઘડો શરૂ થયો હતો. અભિષેક ઝાએ આ વિવાદનો ઘણો ફાયદો ઉઠાવ્યો અને પૂજા સિંઘલની ખૂબ નજીક આવી ગયો.
પૂજા સિંઘલને તેના પતિ સાથેના તૂટેલા સંબંધો વચ્ચે અભિષેક ઝા સાથે વધતો નવો પ્રેમ પણ ખૂબ પસંદ હતો. અભિષેક હંમેશા પૂજા સિંઘલ પાસે ગુલદસ્તો લઈ જતો અને કહેતો કે તે તેના કામથી ખૂબ જ પ્રભાવિત છે. ધીમે ધીમે તેમના સંબંધો પણ મજબૂત થવા લાગ્યા. અભિષેકે પૂજા સિંઘલની મદદથી ઘણી નોકરીઓ પણ લીધી હતી. ત્યાં પૂજા સિંઘલ અને તેના પહેલા પતિ રાહુલ પુરવાર વચ્ચેના સંબંધોમાં તિરાડ આવી હતી અને થોડા મહિનાઓ પછી પૂજા સિંઘલ અને રાહુલ પુરવારના છૂટાછેડા થઈ ગયા.
ત્યારબાદ અભિષેક અને 2000 બેચના IAS વચ્ચેના સંબંધો વધુ મજબૂત બન્યા હતા અને બંનેએ લગ્ન કરી લીધા. પૂજા અને અભિષેકના લગ્ન બંને પરિવારોની સહમતિથી થયા હતા. તમને જણાવી દઈએ કે, બિહારના મુઝફ્ફરપુરનો રહેવાસી અભિષેક ઝા હાલમાં રાંચીમાં પલ્સ એસ્ટલના ઓપરેટર છે. અભિષેક ઝારખંડ કેડરના સિનિયર IAS પૂજા સિંઘલનો બીજો પતિ છે. સરકારી અધિકારીઓની સાથે-સાથે નેતાઓમાં પણ તેનો સારો પ્રવેશ છે. અભિષેક ઝાના પિતા કામેશ્વર ઝા કલ્યાણ વિભાગમાં અધિકારી તરીકે કાર્યરત છે.
અભિષેકે તેનું કોલેજનું શિક્ષણ ઝેવિયર કોલેજમાંથી કર્યું હતું, ત્યારબાદ તે MBA અભ્યાસ માટે ઓસ્ટ્રેલિયા ગયો હતો અને અભ્યાસ બાદ તે ઓસ્ટ્રેલિયાથી ભારત પાછો આવ્યો હતો. જો કે, તેના પિતાની મદદથી અભિષેકે ફરીથી નાના કરાર અને લીઝ પર કામ કરવાનું શરૂ કર્યું. આ દરમિયાન પૂજા સિંઘલ સાથે તેની મિત્રતા ગાઢ બની હતી. પૂજા સિંઘલ તે સમયે પલામુની ડીસી હતી.પૂજા સિંઘલ સાથે લગ્ન કર્યા બાદ અભિષેક ઝાએ રાંચીના બરિયાતુ વિસ્તારમાં એક આલીશાન હોસ્પિટલ પણ બનાવી છે.
હવે આ હોસ્પિટલ અભિષેક માટે મુશ્કેલી બની ગઈ છે કારણ કે હોસ્પિટલના નામે લગભગ 25 કરોડની લોન છે, જ્યારે હોસ્પિટલના નિર્માણનો ખર્ચ 100 કરોડથી વધુનો અંદાજવામાં આવી રહ્યો છે. તો આ પૈસા ક્યાંથી આવ્યા ? EDની ટીમે સતત બે દિવસ અભિષેક ઝાની પૂછપરછ કરી છે. પરંતુ ED અધિકારીઓ હજુ સુધી અભિષેક ઝાના પ્રશ્નોથી સંતુષ્ટ નથી. હવે અભિષેક ઝાની ગમે ત્યારે ધરપકડ થવાના સમાચાર પણ સામે આવવા લાગ્યા છે.
IAS ઓફિસરના ઘરેથી લગભગ 20 કરોડ રૂપિયાની રોકડ મળી આવી હતી. રકમ એટલી વધારે હતી કે EDના અધિકારીઓએ તેને ગણવા માટે મશીનો પણ મંગાવવા પડ્યા હતા. આ દરોડા પછી પૂજા સિંઘલ અને તેના પતિ અભિષણ ઝાને સોશિયલ મીડિયા પર ખૂબ સર્ચ કરવામાં આવી રહ્યા છે.
