કોરોના કાળની અંદર ઘણા લોકોના નોકરી ધંધા છૂટી ગયા, અને ઘણા લોકોએ પોતાના વ્યવસાય શરૂ કરીને લાખો કરોડોનો વ્યવસાય પણ બનાવી દીધો. ત્યારે ઘણા લોકો આજે પણ નોકરીની શોધ કરી રહ્યા છે. ઘણા લોકો પોતાના વ્યવસાયના કારણે લોકો માટે પણ પ્રેરણા રૂપ બની ગયા છે, ત્યારે હાલ એવી જ યુવતીની કહાની સોશિયલ મીડિયા ઉપર વાયરલ થઇ રહી છે, જેન કહાની ઘણા લોકો માટે પ્રેરણા દાયક છે.
જો તમે પટના મહિલા કોલેજની આસપાસ ચાના સ્ટોલ લઈને આવેલી છોકરીને જોશો તો નવાઈ પામશો નહીં. હકીકતમાં 24 વર્ષની પ્રિયંકા ગુપ્તા સામાન્ય ચા વેચનાર નથી, પરંતુ ગ્રેજ્યુએટ ચા વેચનાર છે. પ્રિયંકાએ મહાત્મા ગાંધી કાશી વિદ્યાપીઠ, વારાણસીમાંથી અર્થશાસ્ત્રમાં ગ્રેજ્યુએશન કર્યું છે. આ દિવસોમાં પૂર્ણિયાની રહેવાસી પ્રિયંકા ગુપ્તા પટના મહિલા કોલેજ પાસે ચાનો સ્ટોલ લગાવીને ચા વેચે છે.
તેનું કારણ એ છે કે પ્રિયંકા છેલ્લા 2 વર્ષથી સતત સ્પર્ધાત્મક પરીક્ષાઓ આપી રહી છે, જેમાં બેંકની સ્પર્ધાત્મક પરીક્ષાનો પણ સમાવેશ થાય છે. પરંતુ તે પરીક્ષા પાસ કરવામાં નિષ્ફળ રહી, તેથી તેણે પોતાના ઘરે પાછા ફરવાને બદલે પટનામાં જ ચાનો સ્ટોલ સ્થાપીને આજીવિકા મેળવવાનું આયોજન કર્યું.
હાલમાં જ 11 એપ્રિલે પ્રિયંકાએ ચા વેચવાનું શરૂ કર્યું છે. પ્રિયંકા કહે છે કે અર્થશાસ્ત્રમાં ગ્રેજ્યુએટ હોવા છતાં પટનામાં ચાની દુકાન ખોલવામાં તેને કોઈ સંકોચ નથી. તે માને છે કે તેમનું કાર્ય ભારતને આત્મનિર્ભર બનાવવાની દિશામાં એક પગલું છે. જો તમે પ્રિયંકાની ચાની દુકાન પર પહોંચો છો, તો તમને કુલહડ ચા, મસાલા ચા, પાન ચા અને ચોકલેટ ચા જેવી વિવિધ પ્રકારની ચા મળશે. ખાસ વાત એ છે કે એક કપ ચાની કિંમત માત્ર ₹15 થી ₹20 છે.
બીજી ખાસ વાત એ છે કે પ્રિયંકાએ પટના મહિલા કોલેજની બહાર પોતાની દુકાન ખોલી છે, તેથી વિદ્યાર્થીઓ તેના મુખ્ય ગ્રાહક છે. પ્રિયંકા અમદાવાદમાં ચાની દુકાન ચલાવતા પ્રફુલ બિલોરને પોતાનો રોલ મોડલ માને છે, જેમણે એમબીએ કર્યું હોવા છતાં ચાની દુકાન શરૂ કરી હતી અને આજે તેની ચાની દુકાન મોટા બિઝનેસમાં ફેરવાઈ ગઈ છે.
તેના ગ્રાહકોને ચાના સ્ટોલ પર લઈ જવા માટે, પ્રિયંકાએ પ્રફુલ બિલોર જેવી જ રસપ્રદ પંચલાઈનોનો પણ ઉપયોગ કર્યો છે જેમ કે “પીના હી પડગા” અને “સોચ માત…ચાલુ કર દે બસ”. પ્રિયંકાએ કહ્યું કે હું પ્રફુલ બિલરને મારો રોલ મોડલ માનું છું. હું તેમના વીડિયો જોઈને પ્રેરણા લેતી હતી, ત્યાર બાદ મેં પટનામાં ચાની દુકાન શરૂ કરવાની યોજના બનાવી. 30 જાન્યુઆરીએ પૂર્ણિયાથી પટના આવતી વખતે તેણે તેના પિતાને કહ્યું કે તે ભણવા માટે પટના જઈ રહી છે. આ બે મહિના દરમિયાન, તેણીએ પટનામાં ઘણી ચાની દુકાનોની મુલાકાત લીધી અને ચાની દુકાનનો વ્યવસાય કેવી રીતે ચાલે છે તે સમજવાનો પ્રયાસ કર્યો.
પ્રિયંકા કહે છે કે જ્યારે તેણે નક્કી કર્યું કે હવે તે પટનામાં ચાની દુકાન શરૂ કરશે, તો આ માટે તેણે ઘણી બેંકોનો સંપર્ક કર્યો જેથી કરીને તે પ્રધાનમંત્રી મુદ્રા લોન યોજના હેઠળ લોન મેળવી શકે. પરંતુ કોઈ બેંકે તેમના ધંધામાં રસ દાખવ્યો ન હતો. બેંકોના ચક્કર લગાવીને પણ લોન ન મળતા આખરે 21 માર્ચે તેના મિત્ર રાજ ભગતે તેને ચાની દુકાન શરૂ કરવા માટે 30 હજાર રૂપિયા આપ્યા હતા.
Bihar: Priyanka Gupta, an economics graduate sets up a tea stall near Women’s College in Patna
I did my UG in 2019 but was unable to get a job in the last 2 yrs. I took inspiration from Prafull Billore. There are many chaiwallas, why can’t there be a chaiwali?, she says pic.twitter.com/8jfgwX4vSK
— ANI (@ANI) April 19, 2022
પ્રિયંકાના કહેવા પ્રમાણે, મિત્ર દ્વારા આપવામાં આવેલી આર્થિક મદદ બાદ તેણે 12500 રૂપિયામાં ચાની ગાડી અને અન્ય વસ્તુઓ ખરીદી. ત્યારબાદ 11 એપ્રિલથી પટના મહિલા કોલેજ પાસે ચાની દુકાન શરૂ કરી. પ્રિયંકા જણાવે છે કે જ્યારે તેને જાણતા લોકોને ખબર પડી કે તે પટનામાં ચાની સ્ટોલ લગાવવા જઈ રહી છે ત્યારે તેને ઘણી રીતે નિરાશ કરવાના પ્રયાસો કરવામાં આવ્યા પરંતુ તે પોતાનું સપનું સાકાર કરવા માટે તમામ પ્રયાસ કરી રહી છે.