છેલ્લા થોડા દિવસમાં દેશવાસીઓના મોઢા ઉપર એક જ ફિલ્મની ચર્ચાઓ સતત થતી જોવા મળી રહી છે. “ધ કાશ્મીર ફાઇલ્સ” ફિલ્મમાં કાશ્મીરી પંડિતોની વેદનાને ઉજાગર કરવામાં આવી છે, ત્યારે લોકો પણ આ ફિલ્મને અચૂક માણી રહ્યા છે, જેના કારણે બોક્સ ઓફિસ ઉપર પણ આ ફિલ્મ તગડી કમાણી કરી રહી છે.
નિર્દેશક વિવેક અગ્નિહોત્રીની ફિલ્મ “ધ કાશ્મીર ફાઇલ્સ” બોક્સ ઓફિસ પર નોન-સ્ટોપ કમાણી કરી રહી છે. 11 માર્ચથી સિનેમાઘરોમાં આવેલી આ ફિલ્મને હાઉસફુલ શો મળી રહ્યા છે. 3.55 કરોડની શરૂઆત પછી, કાશ્મીર ફાઇલ્સ ફિલ્મે બીજા દિવસથી ડબલ ડિજિટમાં કલેક્શન કરવાનું શરૂ કર્યું. હવે પાંચમા દિવસે ફિલ્મનું કલેક્શન 50 કરોડને પાર કરી ગયું છે.
ટ્રેડ એનાલિસ્ટ તરણ આદર્શે ફિલ્મનું લેટેસ્ટ કલેક્શન શેર કર્યું છે. તેણે લખ્યું- ‘#TheKashmirFiles બોક્સ ઓફિસ પર સુનામી જેવું છે….ફેન્ટાસ્ટિક ટ્રેન્ડિંગ, ફૂટફોલ્સ, ઓક્યુપન્સી, નંબર્સ બધું જ વધી રહ્યું છે… બાકીના દિવસો કરતાં 5મો દિવસ વધુ…બ્લૉકબસ્ટર… શુક્રવાર 3.55 કરોડ, શનિવાર 8.50 કરોડ, રવિવાર 15.10 કરોડ, સોમવાર 15.05 કરોડ, મંગળવાર 18 કરોડ, કુલ – 60.20 કરોડ.
“ધ કાશ્મીર ફાઇલ્સ”નો આ આંકડો ખૂબ જ અદભૂત છે. આ નાના બજેટની ફિલ્મે પાંચ દિવસમાં એટલું સારું કલેક્શન કરીને સાબિત કર્યું છે કે એક સારી વાર્તા આજે પણ પસંદ કરવામાં આવે છે. ફિલ્મનું આટલું જબરદસ્ત કલેક્શન વીકએન્ડ સિવાય અઠવાડિયાના દિવસોમાં પણ ખુબ જ આશ્ચર્યજનક છે.
#TheKashmirFiles is a TSUNAMI at the #BO… FANTASTIC TRENDING, as footfalls, occupancy, numbers continue to soar… Day 5 higher than *all* previous days… BLOCKBUSTER… Fri 3.55 cr, Sat 8.50 cr, Sun 15.10 cr, Mon 15.05 cr, Tue 18 cr. Total: ₹ 60.20 cr. #India biz. pic.twitter.com/uaDH3ooVsO
— taran adarsh (@taran_adarsh) March 16, 2022
“ધ કાશ્મીર ફાઇલ્સે” આ મામલે પ્રી-કોવિડ રિલીઝ ફિલ્મો ‘સૂર્યવંશી’, ‘ગંગુબાઈ કાઠિયાવાડી’ અને ’83’ને પણ પાછળ છોડી દીધી છે. પાંચમા દિવસે એટલે કે મંગળવારે ‘સૂર્યવંશી’એ 11.22 કરોડ, ‘ગંગુબાઈ’ 10.01 કરોડ અને ’83’ માત્ર 6.70 કરોડની કમાણી કરી શકી. તો કોવિડ પહેલાના સમયમાં રિલીઝ થયેલી ‘તાનાજી’એ 15.28 કરોડ રૂપિયા અને ઉરીઃ ધ સર્જિકલ સ્ટ્રાઈકે 9.57 કરોડ રૂપિયાની કમાણી કરી હતી.
आदरणीय गृह मंत्री @AmitShah जी! आज आपके निवास स्थान पर आपके #Article370 के हटाने के अन्थक प्रयासों के लिए ना केवल #KashmiriPandits समुदाय की तरफ़ से बल्कि टीम #TheKashmirFiles के तरफ़ से भी
धन्यवाद करने का मौक़ा मिला।आपका व्यक्तित्व और देश के प्रति प्यार प्रेरणात्मक! धन्यवाद!🙏 pic.twitter.com/Dw9ROs3XqN— Anupam Kher (@AnupamPKher) March 16, 2022
“ધ કાશ્મીર ફાઇલ્સ”ની ટીમ પીએમ મોદીને પણ મળી હતી અને તેમને પણ આ ફિલ્મના ખુબ જ વખાણ કર્યા હતા. જેના બાદ હવે ગૃહમંત્રી અમિત શાહ પણ ફિલ્મ “ધ કાશ્મીર ફાઇલ્સ”ની ટીમને મળ્યા છે. જેની માહિતી ફિલ્મના અભિનેતા અનુપમ ખેરે પોતાના સોશિયલ મીડિયા પર આ શેર કરી છે.
