ઘણા લોકો ખુબ જ ખુદ્દાર હોય છે. તે પોતાના જીવનમાં કોઈની આગળ હાથ લાંબો કરવાના બદલે પોતાનાથી થતા બધા જ પ્રયત્નો કરી છૂટે છે. આવા ઘણા લોકોની કહાની સોશિયલ મીડિયા ઉપર પણ વાયરલ થતી હોય છે. થોડા સમય પહેલા એવા જ એક ખુદ્દાર ગરીબ રીક્ષા ડ્રાઈવરની કહાની સોશિયલ મીડિયામાં વાયરલ થઇ હતી.
મુંબઈમાં રહેવા વાળા 47 વર્ષના એક રીક્ષા ડ્રાઈવર દેશરાજે થોડા સમય પહેલા પોતાની પૌત્રીને ભણાવવા માટે પોતાનું ઘર વેચી દીધું હતું. અને છેલ્લા કેટલાય સમયથી તે પોતાની રિક્ષામાં જ ઘર બનાવીને રહેતો હતો.
આ વ્યક્તિની કહાની સોશિયલ મીડિયા ઉપર ખુબ જ વાયરલ થઇ અને લોકો તેમને મદદ કરવા માટે આગળ આવ્યા. તેમની કહાની હજારો લોકોએ સાંભળી અને મદદ માટે ફંડ ભેગું કર્યું અને તે રીક્ષા ડ્રાઈવરને 24 લાખ રૂપિયાની મદદ કરવામાં આવી.
“I sold my house to educate my granddaughter and now I live in my auto…”https://t.co/LPPOEHVOVi#Inspiration pic.twitter.com/946M8Ns3gp
— Humans Of Bombay (@HumansOfBombay) February 11, 2021
સોશિયલ મીડિયા ઉપર ખુબ જ લોકપ્રિય થયેલા “હ્યુમન્સ ઓફ બોમ્બે” નામના પેજ ઉપર સૌથી પહેલા આ વ્યક્તિની કહાની સામે આવી હતી. જેના બાદ દેશરાજ ખુબ જ વાયરલ થવા લાગ્યા. તેમની કહાની સાંભળીને ઘણા સોશિયલ મીડિયા યુઝર્સ ઈમોશનલ થઇ ગયા અને તેમને મદદ કરવાના પ્રયાસોમાં લાગી ગયા.
દેશરાજ માટે 20 લાખ રૂપિયા ફંડ ભેગું કરવાનું ટાર્ગેટ રાખવામાં આવ્યું હતું, પરંતુ લોકોએ એ હદે મદદ કરી કે 20ના બદલે 24 લાખ રૂપિયા ભેગા થઇ ગયા જેના કારણે તે પોતાનું ઘર લઇ શકે. હ્યુમન ઓફ બોમ્બે પેજ દ્વારા હાલમાં જ એક વીડિયો શેર કરવામાં આવ્યો છે જેમાં તે 24 લાખ રૂપિયાનો ચેક લેતા જોવા મળી રહ્યા છે.
દેશરાજના બંને દીકરાઓનું થોડા સમયના અંતરાલમાં જ મોત થયું હતું. ત્યારબાદ 7 લોકોના પરિવારની જવાબદારી તેમના ઉપર હતી. પત્નીના બીમાર થયા બાદ દેશરાજની હાલત ખુબ જ ખરાબ થઇ ગઈ હતી.
The support Deshraj ji has received is immense! Because you all went out of your way to help him, he now has a roof over his head, and will be able to educate his grand daughter! Thank you so much 💜#Love #Inspiration #Gratitude #PawriHoRahiHai pic.twitter.com/aYjBR3OG1J
— Humans Of Bombay (@HumansOfBombay) February 23, 2021
દેશરાજે મુંબઈમાં એક રીક્ષા લીધી અને તેમાં જ તે સુઈ જતા હતા. જો કે આટલી બધી સમસ્યાઓ હોવા છતાં પણ તે પોતાની પૌત્રીને ભણાવવા માટે તતપર હતા અને તેમના આજ કાર્યની સોશિયલ મીડિયામાં લોકો પ્રસંશા કરી રહ્યા છે.
