બોનેટ પર “જય શ્રી રામ” લખેલી પહેલી લેમ્બોર્ગીની કાર, આ યુવકે ફોલોઅર્સને આપેલું વચન પૂર્ણ કર્યું, જુઓ વીડિયો
YouTuber wrote Jai Shri Ram on Lamborghini : આજના યુવાનોમાં ભગવાન શ્રી રામ પ્રત્યેની ભક્તિ ખુબ જ જોવા મળી રહી છે, તેની પાછળનું કારણ અયોધ્યામાં બની રહેલું રામ મંદિર છે. ત્યારે ઘણા યુવાનો આ રામ ભક્તિ અલગ અલગ રીતે પણ બતાવતા હોય છે. ત્યારે હાલ એક વીડિયો સામે આવ્યો છે જેને સૌના દિલ જીતી લીધા છે. યુટ્યુબર મૃદુલે તેની બ્રાન્ડ ન્યુ લેમ્બોર્ગિની હુરાકનના બોનેટ પર ‘જય શ્રી રામ’ લખીને ઇન્ટરનેટને આશ્ચર્યચકિત કર્યું. યુઝર નેમ I am Nitin દ્વારા ઓળખાતા YouTuber એ પોતાના દર્શકોને પ્રથમ વિડિયોમાં આપેલું વચન પૂરું કરવા માટે આ કર્યું.
પોતાના ફોલોઅર્સને આપ્યું હતું વચન :
મૃદુલે વચન આપ્યું હતું કે જો તેને તેના છેલ્લા વિડિયો પર 2 મિલિયન લાઇક્સ અને 100 હજાર કોમેન્ટ્સ મળે છે, તો તે તેના લેમ્બોના બોનેટ પર જય શ્રી રામ છાપશે. તેને જે વચન આપ્યું હતું તેના કરતાં વધુ લાઇક્સ અને ટિપ્પણીઓ મેળવ્યા પછી, મૃદુલે તેનું વચન પાળ્યું અને તેના લેમ્બોના બોનેટ પર હિન્દી ફોન્ટમાં ‘જય શ્રી રામ’ છાપ્યું. વીડિયોમાં તે તેની કારને તેના એક સહયોગી સાથે સ્ટીકરની દુકાનમાં લઈ જાય છે. તે તેની લેમ્બોર્ગિની હુરાકન કારમાં પ્રીમિયમ પેટ્રોલ ભરે છે અને કારના તમામ નિયંત્રણો સમજાવે છે.
કારણ બોનેટ પર લખાવ્યું “જય શ્રી રામ” :
મૃદુલ પેટ્રોલ પંપના કેટલાક કર્મચારીઓને આ શાનદાર નવી કાર સાથે સેલ્ફી લેવાની તક પણ આપે છે. સ્ટીકર બનાવ્યા પછી, તે પોતે તેને કારના બોનેટ પર ચોંટાડી દે છે અને દાવો કરે છે કે તે વિશ્વની પ્રથમ લેમ્બોર્ગિની છે જેના પર જય શ્રી રામ લખેલું છે. ફેરારી જેવી ઈટાલિયન કાર નિર્માતા કંપનીઓ કાર વેચાયા બાદ કોઈપણ પ્રકારના મોડિફિકેશનને મંજૂરી આપતી નથી. ફેરારીના માલિકોને કરાર મુજબ તેમના વાહનોમાં ફેરફાર કરવા પર પ્રતિબંધ છે.
લોકો પણ થયા પ્રભાવિત :
પરંતુ એકવાર ફેરારીમાં ફેરફાર થયા પછી, કારની વોરંટી રદ થઈ જાય છે, અને માલિકે ભાવિ સમારકામ અથવા બદલી માટે તેના પોતાના ખિસ્સામાંથી ચૂકવણી કરવી પડે છે. અલબત્ત, એકવાર તમારી પાસે ફેરારી હોય, તો તેમાં ફેરફાર કરવો ગેરકાયદેસર નથી. જો કે, લેમ્બોર્ગિની પર આવા કોઈ ફેરફાર પર પ્રતિબંધ નથી. ત્યારે હાલ યુટ્યુબર દ્વારા પોતાની કારના બોનેટ પર “જય શ્રી રામ”ના વીડિયોને જોઈને લોકો પણ ખુબ જ પ્રભાવિત થઇ રહ્યા છે
