કબાડીમાંથી ઉઠાવી ગાડી અને પછી બનાવી દીધી દુનિયાની સૌથી લાંબી અને આલીશાન લક્ઝુરિયસ કાર, સ્વિમિંગ પુલથી લઈને હેલિપેડની પણ છે સુવિધા: Video
કારના શોખીનો દુનિયાભરમાં તમને મળી જશે. દુનિયાની અંદર ઘણી એવી કાર છે જેને ખરીદવાનું લાખો લોકો સપનું જોતા હોય છે અને પોતાની મનગમતી કાર જોવા મળતા જ તેની સાથે તસવીરો પણ ખેંચાવતાં હોય છે. ત્યારે હાલ વિશ્વની સૌથી લાંબી કારની તસવીરો અને વીડિયો સોશિયલ મીડિયામાં ખુબ જ વાયરલ થઇ રહ્યો છે.
વિશ્વની સૌથી લાંબી આ કારને પુનઃસ્થાપિત કરવામાં આવી છે, અને હવે તેણે પોતાનો જ રેકોર્ડ તોડી નાખ્યો છે. ગિનિસ વર્લ્ડ રેકોર્ડ્સ અનુસાર, “ધ અમેરિકન ડ્રીમ” નામનો સુપર લિમો હવે 30.54 મીટર (100 ફૂટ અને 1.50 ઇંચ) ઊંચી છે. ગિનિસ વર્લ્ડ રેકોર્ડ્સે હવે તેની વેબસાઇટ અને સોશિયલ મીડિયા પ્લેટફોર્મ પર પુનઃસ્થાપિત કારની તસવીર પોસ્ટ કરી છે. સામાન્ય કાર સરેરાશ 12 થી 16 ફૂટ લાંબી હોય છે.
ગિનીસ વર્લ્ડ રેકોર્ડ્સ અનુસાર કાર મૂળ રૂપે 1986માં બરબેંક, કેલિફોર્નિયામાં કાર કસ્ટમાઇઝર જય ઓહરબર્ગ દ્વારા બનાવવામાં આવી હતી. તે સમયે, તે 60 ફૂટની હતી અને 26 પૈડાં પર ચાલતી હતી અને આગળ અને પાછળના ભાગમાં V8 એન્જિનની જોડી હતી. જે બાદમાં વધારીને 30.5 મીટર કરવામાં આવ્યું હતું. તે હવે થોડી લાંબી છે. ભારતીય બજાર અનુસાર, છ હોન્ડા સિટી સેડાન (દરેક 15 ફૂટ) “ધ અમેરિકન ડ્રીમ” ની સાથે-સાથે પાર્ક કરી શકાય છે.
ગિનિસ વર્લ્ડ રેકોર્ડ્સ વધુમાં જણાવે છે કે, “ધ અમેરિકન ડ્રીમ” 1976ની કેડિલેક એલ્ડોરાડો લિમોઝીન પર આધારિત છે અને તેને બંને છેડેથી ચલાવી શકાય છે, આ કારને બે ભાગમાં બાંધવામાં આવે છે અને ખૂણાને ફેરવવા માટે મધ્યમાં એક મિજાગરા દ્વારા જોડવામાં આવે છે. તેમાં બેસીને તમને વૈભવી લાઈફ સ્ટાઇલનો અહેસાસ થશે. તેમાં ડાઇવિંગ બોર્ડ, જેકુઝી, બાથટબ, મિની-ગોલ્ફ કોર્સ સાથેનો સ્વિમિંગ પૂલ છે અને એક હેલિપેડ પણ છે.
ધ અમેરિકન ડ્રીમના પુનઃસંગ્રહ સાથે સંકળાયેલા માઈકલ મેનિંગે ગિનીસ વર્લ્ડ રેકોર્ડ્સને જણાવ્યું હતું કે, “હેલિપેડ માળખાકીય રીતે સ્ટીલના નીચેના કૌંસવાળા વાહન પર માઉન્ટ થયેલ છે અને તે પાંચ હજાર પાઉન્ડ સુધીનું વજન પકડી શકે છે.” ત્યાં રેફ્રિજરેટર્સ, એક ટેલિફોન અને કેટલાક ટેલિવિઝન સેટ પણ છે. ગિનિસ વર્લ્ડ રેકોર્ડ્સ અનુસાર, કારમાં 75થી વધુ લોકો બેસી શકે છે.
“ધ અમેરિકન ડ્રીમ” ઘણી ફિલ્મોમાં દેખાઈ હતી અને ઘણી વખત તેને લેવામાં આવી હતી. પરંતુ તેની વધુ જાળવણી ખર્ચ અને પાર્કિંગની સમસ્યાઓને કારણે, લોકોનો કારમાંથી રસ ઊડી ગયો અને તેને કાટ લાગી ગયો. મેનિંગે પછી કારને પુનઃસ્થાપિત કરવાનું નક્કી કર્યું અને તેને eBay પરથી ખરીદી લીધી.
ગિનિસ વર્લ્ડ રેકોર્ડ્સ અનુસાર, પુનઃસ્થાપનમાં શિપિંગ, સામગ્રી અને શ્રમમાં $250,000નો ખર્ચ થયો અને તેને પૂર્ણ કરવામાં ત્રણ વર્ષ લાગ્યાં. પરંતુ “ધ અમેરિકન ડ્રીમ” રસ્તા પર આવશે નહીં. તે ડીઝરલેન્ડ પાર્ક કાર મ્યુઝિયમના અનન્ય અને ક્લાસિક કાર સંગ્રહનો એક ભાગ હશે.
