વર્ષ 2021નું છેલ્લુ એઠવાડિયું ચાલી રહ્યું છે અને લોકો નવા વર્ષને વધાવવાની તૈયારી કરી રહ્યા છે. નવા વર્ષની શરૂઆત પહેલા ઘણા લોકો માટે 2021નું છેલ્લુ સપ્તાહ કઈંક ખાસ રહેવાનું છે. તો આવો જાણીએ તમારા પર વર્ષના છેલ્લા અઠવાડિયાની કેવી અસરરહેશે.
મેષ : જ્યોતિષોના મતે આ રાશિના લોકો છેલ્લા સપ્તાહ દરમિયાન ખુશ રહેશે. આ ઉપરાંત પરિવાર અને મિત્રો માટે સમય કાઢવો જરૂરી રહેશે. થોડા ઘણા પડકારો આવી શકે છે પરંતુ તેમાથી પ્રગતિના માર્ગો ખુલશે. કામમાંથી થોડો સમય બ્રેક લો તમારી કાર્ય કરવાની ક્ષમતામાં વધારો કરશે.
વૃષભ : આ સમય દરમિયાન તમે તમારી જવાબદારીમાંથી છટકી નહીં શકો પરંતુ થોડા સમય માટે રજા લઈ શકો છે. આ સપ્તાહે તમારા સ્વાસ્થ્ય પર ધ્યાન આપો અને વધારે લાગણીશીલ ન બનો. દરેક વાતનો નિર્ણય સમજી વિચારીને લો.
મિથુન : મિથુન રાશિના લોકો ઉતાવળે કોઈ નિર્ણય ન લે અને તમે તમારા ભવિષ્ય માટે બનાવેલી યોજનાઓ વિશે ફરીથી વિચાર કરો. આ સમયગાળો તમારી લવ લાઈફ અને લગ્ન માટે શ્રેષ્ઠ છે. તમારા લગ્નનો યોગ બની રહ્યો છે.
કર્ક : વર્ષના છેલ્લા સપ્તાહે પોઝિટિવ રહો. આ સમયગાળા દરમિયાન તમને નવા નવા પ્રોજક્ટ મળવાની પુરી સંભાવના છે. તમારી આર્થિક પ્રગતિ થશે. તમે નજીકના લોકો સાથે સ્પર્ધા કરવાને બદલે તમારા કામ પર ધ્યાન આપો. તમારા સહયોગી તરફથી સહકાર મળતો રહેશે.
સિંહ : ધંધામાં તમારા માટે પડકારો આવશે તેથી ભાગીદારી કરતા પહેલા વિચારીને નિર્ણય લેજો. જો કોઈએ તમારી સાથે છેતરપિંડી કરી હશે તો તમને ન્યાય અવશ્ય મળશે. તેથી તેમની સાથે બદલો લેવાના ચક્કરમાં તમારો સમય બરબાદ ન કરો.
કન્યા : તમારા ગુસ્સા પર કાબુ રાખો અને સામેવાળી વ્યક્તિને માફ કરવાની વૃતિ રાખો. આમ કરવાથી તમારી માનસિક શાંતિ વધશે અને તમે અન્ય કામમાં યોગ્ય રીતે પર્ફોમન્સ કરી શકશો. તમારા શરીર સ્વાસ્થ્યનું ધ્યાન રાખો.
તુલા : જો તમારે આ સમયગાળા દરમિયાન કોઈ મોટુ કામ હાથમાં લેવુ હોય તો તમારે મજબૂત ઈચ્છા શક્તિની જરૂર પડશે. તેથી જે પણ કામ હાથમાં લો તેને પુરા મનથી પુર્ણ કરો. આ સમયગાળા દરમિયાન મિત્રો સાથે સાચવીને રહેજો નહીં તો ઝઘડો થવાની શક્યતા છે.
વૃશ્ચિક : આ સપ્તાહે તમારા અટકી પડેલા કામ પૂર્ણ થશે. તેથી સમયને વેડફ્યા વિના તેનો ફાયદો ઉઠાવો. તમારી પ્રગતિના દ્વારા ખુલી રહ્યા છે. જો આ સમયગાળા દરમિયાન તમે આળસ કરશો તો નુકશાની વેઠવી પડશે.
ધન : જો તમારા જીવનમાં બધુ યોગ્ય ન થઈ રહ્યું હોય તો આત્મમંથન કરો. તમને જાણવા મળશે કે તમે કઈ જગ્યાએ ખોટુ કરી રહ્યા છે. ત્યારબાદ તમારા આવનારા સમયગાળા માટે સારી યોજના બનાવો. તમને સારુ પરિણામ મળશે અને રોકાણ કરવા માટે આ સારો સમય છે.
મકર : આ રાશિના લોકો માટે લવ લાઈફ સારી રહેશે. આ સમય દરમિયાન તમે તમારા પ્રેમીને તમારા મનની વાત કહી શકો છે. યોગ અને ધ્યાનમાં સમય વિતાવો. તમને સારા પરિણામો મળશે.
કુમ્ભ : આ સપ્તાહે તમને ઘણા સારા પરિણામો જોવા મળશે થોડા પડકારો આવશે પરંતુ તમે અટક્યા વગર કામે લાગશો તો સફળતા અવશ્ય મળશે. જો કે તમારે તમારા સ્વાસ્થ્યનું ધ્યાન રાખવુ પણ જરૂરી છે. તેથી કસરત કરો અને મનને શાંત રાખવા સારા પુસ્તકો વાંચો.
મીન : આ સમયગાળા દરમિયાન તમે કોઈ દુવિધામાં ફસાઈ શકો છો. આ પરિસ્થિતિમાંથી બહાર નિકળવા માટે તમારે મનની વાત સાંભળીને નિર્ણય લો, પરંતુ લાગણીશીલ થઈને નિર્ણય ન લેતા. તમને વડિલોની સંપત્તિ મળી શકે છે.
