ખબર વાયરલ

આપણા દેશમાં આ જગ્યાએ વહેતા ધોધે તો વિદેશીઓના પણ મન મોહી લીધા, વીડિયો જોઈને તમને પણ ત્યાં જવાનું મન થઇ જશે, જુઓ

દેશભરમાં સારો એવો વરસાદ જોવા મળી રહ્યો છે અને વરસાદની અંદર પ્રકૃતિ પણ પુરબહારમાં ખીલી ઉઠી છે, સાથે જ નદી નાળા પણ છલકાઈ ગયા છે અને પર્વતો ઉપરથી ઝરણાઓ પણ વહેવા લાગ્યા છે, ત્યારે આ નજારો જોવો એ પણ ખુબ જ આનંદની ક્ષણો માનવામાં આવે છે. સોશિયલ મીડિયામાં ઝરણામાંથી પાણી અને કેટલાક ધોધના ઘણા બધા વીડિયો પણ વાયરલ થતા રહે છે.

આવા જ એક ધોધનો વીડિયો આ દિવસોમાં ઈન્ટરનેટની દુનિયામાં લોકોના દિલ જીતી રહ્યો છે. આ ધોધ કર્ણાટકના શિમોગા જિલ્લામાં સ્થિત જોગ ધોધ છે. તે કર્ણાટકની સૌથી સુંદર પ્રાકૃતિક જગ્યાઓમાંથી એક છે, ખાસ કરીને ચોમાસામાં તેની સુંદરતા ઘણી જ વધી જાય છે. આ ધોધે ભારતના જ લોકોનું નહિ પરંતુ વિદેશના લોકોનું પણ દિલ જીતી લીધું છે.

સોશિયલ મીડિયા પર વાયરલ થઈ રહેલો આ વીડિયો નોર્વેના પૂર્વ રાજનયિક એરિક સોલહેમ દ્વારા શેર કરવામાં આવ્યો છે. એરિકે આ વીડિયોની ક્રેડિટ રઘુ નામના યુઝરને આપી છે. તેમણે પોસ્ટના કેપ્શનમાં લખ્યું, “આ નાયગ્રા ધોધ નથી. આ ભારતમાં કર્ણાટકના શિમોગા જિલ્લામાં આવેલો જોગ ધોધ છે.” આ સિવાય કેટલાક યુઝર્સે આ પોસ્ટના કોમેન્ટ સેક્શનમાં આ દિવસો અને પહેલાની ચોંકાવનારી તસવીરો પોસ્ટ કરી છે.

માઇક્રો-બ્લોગિંગ સાઇટ ટ્વિટર પર 24 સેકન્ડનો આ વાયરલ વીડિયો અત્યાર સુધીમાં લગભગ 18 લાખ વખત જોવામાં આવ્યો છે.  આ ઉપરાંત 85 હજારથી વધુ યુઝર્સે આ વીડિયોને લાઇક કર્યો છે અને લગભગ સાડા 11 હજાર લોકોએ આ વીડિયોને રિટ્વીટ કર્યો છે અને લગભગ સાડા ચારસો યુઝર્સે તેના પર ફની કમેન્ટ્સ કરી છે. કોમેન્ટ સેક્શનમાં યુઝર્સે આ ફોલ્સ અને તેની પ્રાકૃતિક સુંદરતાના વખાણ કરતા ઘણી વસ્તુઓ અને માહિતી લખી છે.

તમને જણાવી દઈએ કે તાજેતરમાં મહારાષ્ટ્રના નાનાઘાટનો એક વીડિયો સોશિયલ મીડિયા પર વાયરલ થયો હતો. તે પાણીનો વિપરીત પ્રવાહ દર્શાવે છે. આ વીડિયોમાં બે પહાડો વચ્ચે પડતું પાણી નીચે પડવાને બદલે ઉપર જતું બતાવવામાં આવ્યું છે. નાણેઘાટ ખાતે વરસાદ સાથેના જોરદાર પવનને કારણે આ મનોહર દૃશ્ય શક્ય બન્યું હતું. આ જગ્યા અમદાવાદથી 1200 કિમિ દૂર આવેલી છે.