ખબર

લ્યો બોલો, દેશમાં 14 લાખ કેસ છે અને અનલોક 3માં થિયેટર, જિમ ખોલવાની તૈયારી- વાંચો શું ખુલ્લું થઇ શકે છે

કોરોના વાયરસને કારણે લગાવવામાં આવેલા લોકડાઉન બાદ છેલ્લા 2 મહિનાથી લોકડાઉનની અંદર છૂટછાટ આપવામાં આવી રહી છે, જેમાં ઘણા બધા એકમો ફરી શરૂ થવા લાગ્યા છે, આ પ્રક્રિયાને અનલોક નામ આપવામાં આવ્યું છે જેમાં અનલોક 1 બાદ અનલોક 2 જાહેર કરવામાં આવ્યું હતું, હવે 1લી ઓગસ્ટથી અનલોક 3 શરૂ થશે જેની અંદર સરકાર દ્વારા બીજા કેટલાક એકમોને ખોલવાની ચર્ચાઓ ચાલી રહી છે.

Image Source

અનલોક-3 નીઅંદર સિનેમા હોલ સોશિયલ ડિસ્ટેંસીન્ગ સાથે ખોલવામાં આવી શકે છે. સૂચના અને પ્રસારણ મંત્રાલય દ્વારા 1 ઓગસ્ટથી સિનેમા હોલ ખોલવા માટેનો પ્રસ્તાવ ગૃહ મંત્રાલયને મોકલવામાં આવ્યો છે. સૂચના મંત્રાલયની સિનેમા હોલ માલિકો સાથે છેલ્લા ઘણા દિવસથી ઘણીવાર ચર્ચા થઇ. છેલ્લા 4 મહિનાથી સતત સિનેમા હોલ બંધ છે. જેના કારણે સિનેમા હોલ માલિકોને મોટું નુકશાન વેઠવું પડી રહ્યું છે.

Image Source

સિનેમા હોલ માલિકો 50 ટકા દર્શકો સાથે થિયેટર ખોલવાના પક્ષમાં છે. જો કે મંત્રાલયનું માનવું છે કે શરૂઆતમાં 25 ટકા સીટો સાથે જ સિનેમા હોલ ખોલવામાં આવે અને નિયમોનું સખ્તીથી પાલન થાય. સૂચના મંત્રાલય સાથે ગૃહ મંત્રાલયને પ્રપોઝલ મોકલી દેવામાં આવ્યું છે. હવે છેલ્લો નિર્ણય ગૃહ મંત્રાલય દ્વારા લેવામાં આવશે.

Image Source

આ ઉપરાંત સુરક્ષાના કેટલાક નિયમો સાથે સરકાર જિમ ખોલવાની પણ મંજૂરી આપી શકે છે. જિમ પણ છેલ્લા કેટલાય સમયથી બંધ છે. જેના કારણે તેને ખોલવાની પણ મંજૂરી મળી શકે છે.

Image Source

સૂત્રો પ્રમાણે એવી પણ માહિતી મળી રહી છે કે અનલોક-3 દરમિયાન સ્કૂલો અને મેટ્રો હાલ શરૂ કરવામાં નહીં આવે, તેના માટે હજુ પણ સમય લાગી શકે છે.

Author: GujjuRocks Teamઆવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકલાડીલું પેજ GujjuRocks લાઈક કરી જોડાઓ.

લેખ ગમ્યો હોય તો લાઈક કરી મિત્રો સાથે શેયર કરજો.