ગ્વાલિયરમાં સોમવારે રાત્રે એક ચોંકાવનારી અને હ્રદયદ્રાવક ઘટના બની હતી. ઘરના એક દરવાજાથી લગ્ન કર્યા પછી નણંદને વિદાય આપવામાં આવી રહી હતી તો તે જ ઘરના બીજા દરવાજેથી તેની ભાભીની નનામી નીકળી હતી. નણંદના લગ્નની તૈયારીઓ કરી રહેલા ભાભીને વીજકરંટ લાગ્યો હતો. તડપી રહેલા ભાભી મોતને ભેટ્યા હતા. થોડી મિનિટોમાં જ લગ્નની ખુશીઓ શોકમાં બદલાઈ હતી.
સોમવારે બપોરે લગ્નની કેટલીક વિધિ પૂર્ણ કર્યા પછી, રેણુ નજીકમાં જ તેના બીજા ઘરે જવા લાગી. ગલીમાં તંબુ લગાવેલો હતો, તેથી તે પાછળથી જય રહી હતી. અહીં જ એક વીજપોલને કરંટનો એક વાયર સ્પર્શ કરી રહ્યો હતો. વીજપોલ પર હાથ મુકતાની સાથે જ તે વીજકરંટની ઝપેટમાં આવી ગઈ હતી અને ગંભીર રીતે દાઝી ગઈ હતી. આ ઘટનાની જાણ થતાં જ પરિવારના સભ્યો અને અન્ય સંબંધીઓ તેને હોસ્પિટલમાં લઈ ગયા, જ્યાં ડોક્ટરો સારવાર શરૂ કાટે તે પહેલા જ રેણુ મોતને ભેટી હતી.
રેણુ અને અજયને ત્રણ બાળકો છે. એક દીકરો અને બે દીકરીઓ. દીકરો દેવ 10 વર્ષનો છે જયારે એક દીકરી માનસી 8 વર્ષ અને બીજી દીકરી નૈનસી 4 વર્ષની છે. રેણુના નિધનની જાણ થતા જ પરિવાર ઘણો સદમામાં છે.
