જીવનની ભાગ દોડ વચ્ચે, જો કામ કાજ અને મુશ્કેલીઓમાંથી થોડા દિવસો આરામ માટે મળી જાય, તો મનને શાંતિ મળે છે. વ્યસ્ત જીવનશૈલી અને કામનો ભાર માત્ર તણાવ વધારતો નથી, પણ તમારો મૂડ પણ ચીડિયો બનાવે છે. આવા સમયે ટ્રાવેલીંગ તમને ખુશ અને વધુ સંતુષ્ટ બનાવે છે. કેટલાક લોકો મુસાફરી માટે માત્ર વિદેશી દેશોને જ શ્રેષ્ઠ માને છે. તેમને લાગે છે કે વિદેશમાં જ એડવેન્ચર પ્લેસીસ છે જ્યાં તેઓ મજા કરી શકે છે. જો તમને પણ એડવેન્ચર ગમે છે અને આવનારા દિવસોમાં ક્યાંક મુસાફરી કરવાનું વિચારી રહ્યા છો, તો આપણા દેશમાં આવી ઘણી જગ્યાઓ છે જ્યાં તમે ફરવાની તમારી ઈચ્છા પૂરી કરી શકો છો.
1. ગુલમર્ગ છે શ્રેષ્ઠ એડવેન્ચર પ્લેસ : ગુલમર્ગને પૃથ્વી પરનું સ્વર્ગ કહેવામાં આવે છે જે એડવેન્ચર માટે ઉત્તમ સ્થળ છે. ગુલમર્ગ પીર પંજાલ રેંજની એક સુંદર ખીણ છે, શિયાળામાં અહીંના પહાડો બરફની સફેદ ચાદરથી ઢંકાઈ જાય છે, જેમાં ઘણી વિન્ટર ગેમનો આનંદ માણી શકાય છે. સ્કીઇંગ, સ્નોબોર્ડિંગ, આઇસ સ્કેટિંગ, ગોંડોલા, હેલી સ્કીઇંગનો અહીં આનંદ લઇ શકાય છે.
2. ઓલી ઉત્તરાખંડમાં શ્રેષ્ઠ જગ્યા : ઉત્તરાખંડમાં સ્થિત અઓલી દિલ્હીથી 372 કિમી દૂર છે. ઓલીને મિની કાશ્મીર પણ કહેવામાં આવે છે, તે શિયાળાની ઋતુમાં સંપૂર્ણપણે કાશ્મીર જેવું બની જાય છે. અહીં તમે સ્કીઇંગની મજા માણી શકો છો. આ સિવાય તમે આઇસ સ્કેટિંગ અને સ્નોબોર્ડિંગની પણ મજા માણી શકો છો.
3. હિમાચલની સોલંગ ખીણ : હિમાચલમાં સ્થિત, સોલંગ વેલી મનાલીથી થોડા અંતરે સ્થિત છે, જે સાહસપ્રેમીઓ માટે ઉત્તમ સ્થળ છે. અહીં પેરાગ્લાઇડિંગ, ઝોર્બિંગ, એટીવી રાઇડ, રોક ક્લાઇમ્બિંગ, રેપેલિંગ, રિવર ક્રોસિંગ, સ્કીઇંગ, સ્નોબોર્ડિંગ અને સ્નો ટ્રેકિંગ જેવા એડવેન્ચર પ્રવાસીઓ માટે આકર્ષણનું મુખ્ય કેન્દ્ર છે.
4. નારકંડા હિમાચલ પ્રદેશનું સુંદર સ્થળ : નારકંડા હિમાચલ પ્રદેશનું ખૂબ જ સુંદર સ્થળ છે, જે શિમલાથી 65 કિમીના અંતરે આવેલું છે. હિમવર્ષા દરમિયાન એડવેન્ચર પ્રેમીઓ માટે નારકંડાનો પ્રવાસ બેસ્ટ સ્થળ છે. સ્કીઇંગ અને સ્નોબોર્ડિંગનો અહીં સૌથી વધુ આનંદ લઇ શકાય છે.
કોરોના ગાઈડલાઈનનું પાલન જરૂરી : જો તમે ક્યાંય જઇ રહ્યા છો, તો તે રાજ્યની સત્તાવાર વેબસાઇટ પર જાઓ અને કોરોના સંબંધિત માર્ગદર્શિકા વાંચો. ઉત્તરાખંડની મુસાફરી માટે, કોવિડ -19 નો નેગેટિવ રિપોર્ટ અથવા બંને ડોઝનું રસી પ્રમાણપત્ર બતાવવું જરૂરી છે. ઉત્તરાખંડના ઘણા શહેરોમાં નાઇટ કર્ફ્યુ હજુ પણ લાગુ છે. મસૂરી આવનારા પ્રવાસીઓએ સ્માર્ટ સિટી પોર્ટલ પર નોંધણી અને હોટેલ બુકિંગના પુરાવા દર્શાવવા પડશે. તે જ સમયે, હિમાચલ પ્રદેશની મુસાફરી કરતી વખતે તમામ કોવિડ પ્રોટોકોલનું પાલન કરવું પડશે. જમ્મુ અને કાશ્મીર જવા માટે, રસીના બંને ડોઝના પ્રમાણપત્રો બતાવવા જરૂરી છે. જો તે નથી, તો 72 કલાક પહેલાનો આરટીપીસીઆર રિપોર્ટ જરૂરી રહેશે.
