જ્યોતિષ શાસ્ત્ર અનુસાર વર્ષનું પ્રથમ સૂર્યગ્રહણ ખૂબ જ ખાસ રહેવાનું છે. કેલેન્ડર મુજબ આ ગ્રહણ ચૈત્ર મહિનાની અમાવાસ્યાના દિવસે થશે. આ સંપૂર્ણ સૂર્યગ્રહણ હશે. પૂર્ણ સૂર્યગ્રહણ ત્યારે થાય છે જ્યારે ચંદ્ર સૂર્ય અને પૃથ્વીની વચ્ચે એવી રીતે આવે છે કે સૂર્યપ્રકાશ પૃથ્વી સુધી પહોંચતા થોડા સમય માટે સંપૂર્ણપણે અવરોધિત થઈ જાય છે, જેના કારણે ધરતી પર અંધકાર છવાઇ જાય છે. આને ખગ્રાસ સૂર્યગ્રહણ કહેવામાં આવે છે.
રિપોર્ટ અનુસાર, 8 એપ્રિલે સૂર્ય 7.05 મિનિટ માટે અદૃશ્ય થઈ જશે. એવું કહેવામાં આવી રહ્યું છે કે 50 વર્ષ પછી આવું સૂર્ય ગ્રહણ થવાનું છે. એવું કહેવામાં આવી રહ્યું છે કે આ દરમિયાન ચંદ્ર સૂર્યને સંપૂર્ણપણે ઢાંકી દેશે જેના કારણે દિવસ દરમિયાન થોડા સમય સુધી અંધકાર છવાઇ જશે. ગ્રહણના દિવસે સૂર્યથી પૃથ્વી અને ચંદ્રનું સરેરાશ અંતર લગભગ 15 કરોડ કિલોમીટર હશે. જેના કારણે 7.5 મિનિટ સુધી પૂર્ણ સૂર્યગ્રહણ જોવા મળશે. આ એક દુર્લભ ઘટના છે જે ઘણા વર્ષો પછી જોવા મળી રહી છે.
પ્રાપ્ત માહિતી મુજબ આ પહેલા 1973માં આફ્રિકા મહાદ્વીપમાં આટલું લાંબુ સૂર્યગ્રહણ જોવા મળ્યું હતું. મળતી માહિતી મુજબ સંપૂર્ણ સૂર્યગ્રહણ દક્ષિણ પ્રશાંત મહાસાગર, ઉત્તર અમેરિકા, મેક્સિકો અને કેનેડામાં જોવા મળશે. જ્યારે ક્યુબા, ડોમિનિકા, ફ્રેન્ચ પોલિનેશિયા, કોસ્ટા રિકા અને જમૈકા જેવા દેશોમાં આંશિક સૂર્યગ્રહણ જોવા મળશે. જો કે, આ સૂર્યગ્રહણ ભારતમાં દેખાશે નહીં કારણ કે ત્યારે રાત હશે. વર્ષનું પ્રથમ સૂર્યગ્રહણ ભારતીય સમય મુજબ 8 એપ્રિલે રાત્રે 9:12 થી 2:22 સુધી ચાલશે. આ ગ્રહણ ચૈત્ર માસની અમાવસ્યાના દિવસે થવાનું છે.
વર્ષનું પ્રથમ સૂર્યગ્રહણ મેષ, મિથુન, સિંહ, કન્યા અને ધનુ રાશિના લોકો માટે ખૂબ જ અદ્ભુત રહેશે. આ રાશિના લોકોને તેમના કરિયરમાં સફળતા મળશે. નાણાકીય સ્થિતિ સારી રહેશે. ઈચ્છિત નોકરી મળવાની સંભાવના છે. મકાન અને વાહન ખરીદવાનું સપનું પૂરું થઈ શકે છે. શત્રુઓને હરાવવામાં સફળતા મળશે.
