સોમનાથની અંદર ભાજપનું એક આકર્ષક કાર્યાલય બનવા જઈ રહ્યું છે. આવું કાર્યાલય દેશભરમાં બીજે ક્યાંય જોવા નહીં મળે એ પ્રકારે તેને બનાવવામાં આવી રહ્યું છે. ભાજપ પ્રદેશ અધ્યક્ષ સી.આર. પાટીલના હસ્તે 9 ઓક્ટોબરના રોજ આ કાર્યાલયના નિર્માણ માટે ભૂમિ પૂજન કરવામાં આવ્યું હતું.
આ કાર્યાલયની 3ડી ઇમેજ પણ સામે આવી છે. જે જોતા જ તેના માટેનું આકર્ષણ વધી જાય તેવું છે. આ કાર્યાલયનો આકાર કમળ જેવો દેખાઈ રહ્યો છે. સોમનાથ જિલ્લાના આ કાર્યાલયનું નામ “સોમ કમલમ” રાખવામાં આવ્યું છે. જેનો આકાર કમળ જેવો હશે.
સોમનાથમાં બની રહેલું આ અત્યાધુનિક કાર્યાલય અંદાજે 7 થી 8 કરોડના ખર્ચે તૈયાર યશે. આ કાર્યાલયમાં પક્ષના જુદા જુદા હોદ્દેદારો માટેની આગવી ચેમ્બર ઉપરાંત ઓડિટોરિયમ હોલ, મિટિંગ રૂમ સહિતની આધુનિક સુવિધાઓ પણ જોવા મળશે.
આ ખાતમુહૂર્ત કાર્યક્રમમાં પ્રથમ પ્રદેશ ભાજપા પ્રમુખ સી.આર.પાટીલનું ભવ્ય સ્વાગત કરાયા બાદ મંત્રોચ્ચાર કરી તેમના હસ્તે ખાતમુહૂર્ત વિધિ કરાઈ હતી. બાદમાં સ્થાનિક જિલ્લા ભાજપના આગેવાનો-કાર્યકરો દ્રારા પ્રમુખ પાટીલનું હારતોરા મોમેન્ટો આપી સ્વાગત કરવામાં આવ્યું હતુ.
ઉલ્લેખનીય છે કે ભાજપા પ્રમુખ 8 ઓક્ટોબરના શુક્રવારના રોજ સોમનાથ દાદાના દર્શને પહોંચ્યા હતા. જ્યાં શનિવાર્ણ રોજ સોમનાથ દાદાના દર્શન અને પૂજા-અર્ચના કરી હતી, જેના બાદ તેઓએ સોમનાથ દાદાના મંદિરના શિખરે 11 સુવર્ણ જડિત શિખર પણ અર્પણ કર્યા હતા.
