આખું વિશ્વ હાલ રશિયા અને યુક્રેન વચ્ચેના યુદ્ધને લઈમને ચિંતાતુર છે. ત્યારે મોટી કંપનીઓ તેની પકડમાં આવી ગઈ છે. યુક્રેન પર રશિયન આક્રમણના વિરોધમાં ઘણી કંપનીઓએ ત્યાં તેમની કામગીરી સંપૂર્ણપણે બંધ કરી દીધી છે. આ પછી હવે ધીરે ધીરે રશિયા તરફથી પણ કડક પગલા લેવામાં આવી રહ્યા છે. હાલના જ રશિયામાં ઇન્સ્ટાગ્રામના ઉપયોગ પર સંપૂર્ણ પ્રતિબંધ મૂકવામાં આવ્યો છે.
રશિયાએ સોમવારે દેશના લગભગ 80 મિલિયન યુઝર્સ માટે ઇન્સ્ટાગ્રામ બ્લોક કરી દીધું છે. ઇન્સ્ટાગ્રામ પર રશિયન ઇન્ફ્લુએન્ઝરએ તેમના ફોલોઅર્સને વિદાય સંદેશાઓ પોસ્ટ કર્યા અને તેમને તેમના અન્ય સોશિયલ મીડિયા પ્લેટફોર્મ એકાઉન્ટને અનુસરવાનું કહ્યું. રશિયાની આ જાહેરાત બાદ એક મહિલા યુઝર ખૂબ જ ભાંગી પડી હતી. તેણીએ ટેલિગ્રામ પર તેના રડવાનો વીડિયો પોસ્ટ કર્યો હતો.
બ્યુટી બ્લોગરે કહ્યું, ‘શું તમે હજુ પણ માનો છો કે ઇન્સ્ટાગ્રામ બ્લોગર મારા માટે માત્ર આવકનું સાધન છે? આ મારા માટે જીવન છે. આ આત્મા છે. આ તે છે જેની સાથે હું ઊંઘું છું અને જાગું છું. હું સતત પાંચ વર્ષથી ઇન્સ્ટાગ્રામનો ઉપયોગ કરું છું. યુવતીએ તેના ફોલોઅર્સને કહ્યું કે તે ઈન્સ્ટાગ્રામ પર પ્રતિબંધના સમાચાર સાંભળીને ખૂબ જ દુખી છે.
જો કે, બ્લોગરને સોશિયલ મીડિયા પર ટીકા મળી હતી કારણ કે લોકોએ કહ્યું હતું કે તેણી તેના દેશબંધુઓ સહિત હજારો મૃત લોકો કરતાં પોતાની જાત વિશે ચિંતિત છે. NEXTA TV પ્રભાવકની નિંદા કરવા Twitter નો સહારો લીધો. “સ્વાભાવિક રીતે અત્યારે તેની સૌથી મોટી ચિંતા એ છે કે તે રેસ્ટોરન્ટમાંથી ભોજનની તસવીરો પોસ્ટ કરી શકશે નહીં,” ટ્વીટમાં જણાવ્યું હતું. આ ક્લિપ સોશિયલ મીડિયા પ્લેટફોર્મ પર વાયરલ થઈ છે. બ્લોગરના વીડિયો પર નેટીઝન્સે પણ પોતાની પ્રતિક્રિયાઓ આપી હતી.
ધ વર્જના અહેવાલ મુજબ ઇન્સ્ટાગ્રામે રશિયનોને તેમના પરિવારો સહિત યુદ્ધ સામે બોલવા માટે એક પ્લેટફોર્મ પણ પ્રદાન કર્યું છે. ગયા અઠવાડિયે રશિયન સરકારની સંચાર એજન્સીએ જાહેરાત કરી હતી કે તે 14 માર્ચથી રશિયામાં ઇન્સ્ટાગ્રામને અવરોધિત કરશે. ઇન્સ્ટાગ્રામના વડા એડમ મોસેરીએ જણાવ્યું હતું કે રશિયામાં ઇન્સ્ટાગ્રામ પર 80 ટકાથી વધુ લોકો રશિયાની બહારના એકાઉન્ટ્સને ફોલો કરે છે.
One of the #Russian bloggers cries that in two days her Instagram will stop working
She does not care at all about the thousands of dead people, including her compatriots. Obviously, her biggest worry right now is that she won’t be able to post pictures of food from restaurants. pic.twitter.com/LSdBiSlwHr
— NEXTA (@nexta_tv) March 11, 2022
રશિયા દ્વારા આ પગલું ત્યારે લેવામાં આવ્યું છે જ્યારે ફેસબુકે રશિયન રાષ્ટ્રપતિ વ્લાદિમીર પુતિનને લઈને નિયમોમાં ફેરફાર કર્યો હતો. મેટાએ પોતાના નિવેદનમાં કહ્યું હતું કે, યુક્રેન પર રશિયન આક્રમણનો વિરોધ કરીને તે હેડ સ્પીચ પોલિસીમાં ફેરફાર કરી રહી છે. આ અંતર્ગત રશિયાએ તેના યુઝર્સને છૂટ આપી છે કે તેઓ સોશિયલ મીડિયા પ્લેટફોર્મ પર પુતિન વિરુદ્ધ ખુલ્લેઆમ બોલી શકે છે.