વાહ શું સ્ટાર્ટઅપ છે…. બે યુવકોએ ભેગા મળીને મુંબઈની લોકલ ટ્રેનમાં જ ખોલી નાખ્યું ફાઈવ સ્ટાર રેસ્ટોરન્ટ, પેસેન્જર પણ સ્વાદ માણીને થઇ ગયા ખુશ, જુઓ
Restaurant in Mumbai local train : આપણા દેશમાં મોટાભાગના લોકો ટ્રેન દ્વારા સફર કરતા હોય છે. કારણ કે ટ્રેનની સફર ખુબ જ સસ્તી અને આરામદાયક હોય છે. ત્યારે મુંબઈ જેવા મહાનગરમાં મુંબઈ લોકલ મુંબઈની જીવાદોરી સમાન છે. મુંબઈમાં મોટાભાગના લોકો મુંબઈ લોકલમાં જ સફર કરતા હોય છે. તમે પણ ઘણા વીડિયોમાં જોયું હશે કે મુંબઈ લોકલમાં કેટલી ભારે ભીડ હોય છે, લોકો લટકાઈને પણ મુંબઈ લોકલમાં સફર કરતા હોય છે. જેમણે મુંબઈ લોકલ ટ્રેનમાં મુસાફરી કરી છે તેઓ જાણે છે કે અહીંના મોટાભાગના પ્લેટફોર્મ પર નાસ્તો ઉપલબ્ધ છે. જો કે, કેટલીકવાર લાંબી મુસાફરી દરમિયાન, લોકોને ગરમ ખોરાક ખાવાની ઇચ્છા પણ થાય છે.
લોકલ ટ્રેનમાં રેસ્ટોરન્ટ :
આ વાતને ધ્યાનમાં રાખીને બે છોકરાઓએ લોકલ ટ્રેનમાં મોબાઈલ રેસ્ટોરન્ટ બનાવી છે. સોશિયલ મીડિયા પર આ અનોખા સ્ટાર્ટઅપની ખૂબ ચર્ચા થઈ રહી છે. આર્યન કટારિયા અને સાર્થક સચદેવાએ આ સ્ટાર્ટઅપ શરૂ કર્યું છે. બંનેએ પોતાના ઈન્સ્ટાગ્રામ હેન્ડલ પર એક વીડિયો પોસ્ટ કરીને આ જાણકારી આપી હતી. આમાં આ લોકો લોકલ ટ્રેનમાં મુસાફરી કરતા લોકો સાથે વાતચીત કરે છે અને તેમના અનુભવો શેર કરે છે.
બે યુવકોનું અનોખું સ્ટાર્ટઅપ :
કટારિયા અને સચદેવા કહે છે કે તેઓએ મુંબઈ લોકલ ટ્રેનમાં ફાઈવ સ્ટાર રેસ્ટોરન્ટ શરૂ કરી છે. વીડિયોમાં તે જણાવે છે કે આ કેવા પ્રકારનું સ્ટાર્ટઅપ છે તેના વિશે કોઈએ વિચાર્યું પણ નહીં હોય. બંનેએ તેનું નામ ટેસ્ટી ટિકિટ રાખ્યું છે અને યાત્રીઓમાં તેના સંબંધી આમંત્રણ કાર્ડ પણ વહેંચ્યા છે. કટારિયા અને સચદેવાએ કહ્યું, ‘જ્યારે લોકોને અમારું આમંત્રણ કાર્ડ મળ્યું ત્યારે તેઓ આશ્ચર્યચકિત થઈ ગયા. તેમને વિશ્વાસ જ ન હતો કે મુંબઈ લોકલમાં આવું કંઈક થઈ શકે છે.
પેસેન્જરમાં જોવા મળી ખુશી :
ઓપનિંગ ડે પણ લોકોને આમંત્રિત કર્યા પછી આવે છે. વીડિયોમાં જોવા મળી રહ્યું છે કે બંને છોકરાઓ ટ્રેનના મુસાફરોને ગરમાગરમ ભોજન પીરસી રહ્યા છે. જેમાં જલેબી, ચટણી સાથે મેગી અને સ્વીટ ડેઝર્ટ જેવી વાનગીઓનો સમાવેશ થાય છે. આ લોકો મુસાફરોને પીરસવામાં આવતું ભોજન પોતાની સાથે મોટી બેગમાં લાવે છે. વિડીયોમાં જોવા મળી રહ્યું છે કે પ્રવાસ દરમિયાન ગરમાગરમ જમ્યા બાદ લોકો ઘણા ખુશ છે અને તેની સાથે સેલ્ફી લઈ રહ્યા છે.
View this post on Instagram
