Fact Check ખબર

વાયરલ થઇ રહેલી રામલલાની પ્રતિમાની તસવીરો સાચી છે ખોટી ? મંદિરના પુજારીએ આપ્યું મોટું નિવેદન, જુઓ

રામલલાની ખુલ્લી આંખો વાળી તસવીરો વાયરલ થતા જ અયોધ્યા મંદિરના પૂજારીએ જતાવી નારાજગી, કહ્યું, “આ કોણે કર્યું ? થશે તપાસ !”

Priest Satyendra Das Ramlala viral picture : રામ મંદિરમાં રામલલાના અભિષેકની તૈયારીઓ જોરશોરથી ચાલી રહી છે. દરમિયાન ગઈકાલે રામલલાની શ્યામ રંગની પ્રતિમાની તસવીર સોશિયલ મીડિયા પર વાયરલ થઇ રહી હતી. વાયરલ થઈ રહેલી તસવીરમાં ભગવાન રામની મૂર્તિની આંખો દેખાઈ રહી છે, જેને લઈને હવે રામજન્મભૂમિના મુખ્ય પૂજારી આચાર્ય સત્યેન્દ્ર દાસે નિવેદન જાહેર કર્યું છે.

વાયરલ થઇ રહેલી તસવીર સાચી કે ખોટી ?:

રામલલાની પ્રતિમા વાયરલ થવા પર આચાર્ય સત્યેન્દ્ર દાસે કહ્યું કે જો પ્રતિમાની આવી તસવીરો આવી હોય તો તેની તપાસ થવી જોઈએ. તેમણે કહ્યું કે ‘પ્રતિમા તે જ જગ્યાએ સ્થાપિત કરવામાં આવી છે જ્યાં તેને સ્થાપિત કરવાની હતી, પરંતુ હજુ સુધી પ્રતિમા ખોલવામાં આવી નથી. મૂર્તિને ઢાંકીને રાખવામાં આવી છે. અભિષેક સુધી રામલલાની મૂર્તિની આંખો ખોલવાના મુદ્દે આચાર્ય સત્યેન્દ્ર દાસે સ્પષ્ટ ના પાડી દીધી અને કહ્યું, ‘ના, આવું ન થઈ શકે.’

પ્રતિષ્ઠા પહેલા આંખો ખોલી ના શકાય :

તેમણે કહ્યું કે ‘જ્યારે મૂર્તિ તૈયાર થઈ જાય અને જ્યારે નક્કી થાય કે આ મૂર્તિ લઈ જવી છે, ત્યારે તેની આંખો ઢાંકી દેવામાં આવે છે. આવું સ્વરૂપ મળી જ નથી શકતું અને જો મળે તો તેની તપાસ કરવી પડશે. તે કોણે ખોલ્યું અને કેવી રીતે વાયરલ થયું તેની તપાસ થશે. બધા કામ થઈ શકે છે, પણ આંખો ખોલી શકાતી નથી. તમને જણાવી દઈએ કે કોઈપણ પ્રતિમાની આંખોને અભિષેક સુધી ઢાંકીને રાખવામાં આવે છે અને અભિષેક કરવાથી કોઈપણ પ્રતિમાની આંખો સંપૂર્ણ રીતે ખુલી જાય છે.

અયોધ્યામાં બહારના લોકો માટે પ્રવેશ બંધ :

તમને જણાવી દઈએ કે પ્રાણ પ્રતિષ્ઠા સમારોહ માટે મહેમાનો અયોધ્યા પહોંચવા લાગ્યા છે. હવેથી અયોધ્યામાં એવા લોકોને જ પ્રવેશ મળશે જેમને રામ લલ્લાના અભિષેક માટે આમંત્રણ આપવામાં આવ્યું છે. સ્થાનિક લોકોને પાસ આપવામાં આવ્યા છે, જેથી તેમની અવરજવરમાં કોઈ અડચણ ન આવે. અયોધ્યામાં બહારના લોકોના પ્રવેશ પર પ્રતિબંધ લાદવામાં આવ્યો છે. સમારોહને ધ્યાનમાં રાખીને રામ મંદિરને ફૂલોથી શણગારવામાં આવી રહ્યું છે.

Niraj Patel

Related Posts