બોલીવુડની અંદર ઘણા બધા ગુજરાતી અભિનેતાઓ પણ આજે સક્રિય થઇ ગયા છે, ત્યારે થોડા સમય પહેલા આવેલી વેબ સિરીઝ “સ્કેમ-1992″માં હર્ષદ મહેતાનું પાત્ર નિભાવીને રાતોરાત ફેમસ થઇ જનાર ગુજરાતી અભિનેતા પ્રતીક ગાંધી પણ હવે એક મોટું નામ બની ગયા છે. આજે પ્રતીક ગાંધીની ઓળખ દરેક ઘરમાં થઇ ગઈ છે અને સોશિયલ મીડિયામાં પણ તેનું ફેન ફોલોઇંગ ખુબ જ વિશાળ બની ગયું છે.
ત્યારે પ્રતિક ગાંધીના જીવન ઉપર પણ ઘણા બધા લોકો નજર રાખી રહ્યા છે, પ્રતીક પણ તેના સોશિયલ મીડિયામાં તેના જીવન વિશેની અપડેટ શેર કરતો રહે છે, ત્યારે હાલમાં જ પ્રતીક ગાંધીએ પોતાના ચાહકોને એક ખુશ ખબરી આપી છે. પ્રતિક ગાંધીએ દશેરાના પાવન દિવસે એક ચમચમાતી લાખો રૂપિયાની મર્સીડીઝ કાર ખરીદી છે.
પ્રતિકે તાજેતરમાં નવી મર્સિડીઝ-બેન્ઝ જીએલએસ ખરીદી છે. કાર લીધા બાદ પ્રતીકે તેના પરિવાર સાથે એક ફોટો પણ શેર કર્યો છે જેમાં તે કારની ચાવી લેતો જોવા મળી રહ્યો છે. જીએલએસની કિંમત રૂ. 1.16 કરોડ (એક્સ-શોરૂમ) છે. આ કાર તેની કમ્ફર્ટ તેમજ માચો લુક અને શાનદાર ફીચર્સને કારણે સેલિબ્રિટીઝમાં ખૂબ જ લોકપ્રિય છે. તેનો બેક સીટ લેગ રૂમ અને એર ફીલ સસ્પેન્શન તમને ઘરનો અહેસાસ કરાવે છે.
શક્તિશાળી SUV 3.0-લિટર ઇન-લાઇન 6-સિલિન્ડર ડીઝલ એન્જિન સાથે આવે છે જે 326 Bhp અને 700 Nm પીક ટોર્ક જનરેટ કરે છે. મોટર 9G-TRONIC ઓટોમેટિક ટ્રાન્સમિશન સાથે જોડાયેલી છે. ઓલ વ્હીલ ડ્રાઇવ (AWD) SUV પર પ્રમાણભૂત તરીકે ઉપલબ્ધ છે. 7-સીટર SUV માત્ર 6.3 સેકન્ડમાં 0-100 kmphની ઝડપ પકડી લે છે. તેની ઈલેક્ટ્રોનિકલી સંચાલિત ટોપ સ્પીડ 238 kmph છે.
મર્સિડીઝ-બેન્ઝ જીએલએસની કેબિનમાં, તમને 12.3-ઇંચ ટચસ્ક્રીન ઇન્ફોટેનમેન્ટ યુનિટ, 13-સ્પીકર ઑડિયો સિસ્ટમ, MBUX UI, તેમજ MBUX રીઅર ટેબલેટ સાથે ડ્યુઅલ સ્ક્રીન મળે છે. પાછળનું કમ્ફર્ટ પેકેજ પ્લસ પણ છે જે બીજી હરોળની બે બેઠકો વચ્ચે એક વિશાળ કેન્દ્ર આર્મરેસ્ટ મેળવે છે. તે જ સમયે, એરમેટિક પેકેજ સાથે ઉપલબ્ધ મોડેલમાં વધારાની આરામનો દાવો કરવામાં આવે છે.
GLSને 360-ડિગ્રી પાર્કિંગ કેમેરા, બ્લાઇન્ડ સ્પોટ આસિસ્ટ, સોફ્ટ ક્લોઝિંગ ડોર્સ, એક્ટિવ બ્રેકિંગ આસિસ્ટ, પ્રી-સેફ સિસ્ટમ અને સુરક્ષા મોરચે વધુ મળે છે. ઉપરાંત, કારને મલ્ટી-બીમ LED હેડલેમ્પ્સ, એમ્બિયન્ટ, ફાઈવ-ઝોન ક્લાઈમેટ કંટ્રોલ, ઈલેક્ટ્રિકલી એડજસ્ટેબલ ફ્રન્ટ સીટ, વેન્ટિલેટેડ સીટ્સ, એડેપ્ટિવ ક્રૂઝ કંટ્રોલ, ઓટોમેટિક ટેલગેટ અને બીજું ઘણું બધું સામેલ છે.
બહુ ઓછા લોકો જાણે છે કે પ્રતીક ગાંધીએ તેની એક્ટિંગ કરિયરની શરૂઆત તેની નિયમિત નોકરીથી કરી હતી. થોડા સમય પહેલા ‘મેશેબલ ઈન્ડિયાઝ બોમ્બે જર્ની શો’માં ભાગ લીધો હતો. આ શોમાં વાતચીત દરમિયાન, તે કહે છે કે તેણે તેની પ્રથમ ગુજરાતી ફિલ્મ ‘બે યાર’ ના શૂટિંગ દરમિયાન નોકરી છોડી ન હતી, પરંતુ શૂટિંગ પૂર્ણ કરવા માટે ઓફિસમાંથી 22 દિવસની રજા લીધી હતી.
પ્રતિકે શો દરમિયાન કહ્યું હતું કે તે સમયે તેની આર્થિક સ્થિતિ એવી નહોતી કે તે નોકરી છોડીને ફિલ્મના શૂટિંગ પર ધ્યાન આપી શકે. આ અભિનેતા માટે તેની નોકરી ખૂબ જ મહત્વપૂર્ણ હતી, તેથી તે શૂટિંગ દરમિયાન સમય કાઢીને ઓફિસનું કામ પણ કરતો હતો. પ્રતિકે તેની ગુજરાતી ફિલ્મ ‘રોંગ સાઈડ રાજુ’ બાદ નોકરીમાંથી રાજીનામું આપ્યું હતું. પ્રતીકે જણાવ્યું કે જ્યારે તેણે નોકરી છોડી, તે સમયે તેનો પગાર વાર્ષિક 25 લાખ રૂપિયા હતો.
