મશહૂર ટીવી સીરિયલ “તારક મહેતા કા ઉલ્ટા ચશ્મા”ના વરિષ્ઠ યુવા પત્રકાર પોપટલાલ છેલ્લા 15 વર્ષથી લગ્ન માટે છોકરીની શોધ કરી રહ્યા છે, પણ તેમના લગ્ન જ નથી થઇ રહ્યા. શોમાં ઘણીવાર પોપટલાલના લગ્નનો પ્લોટ લાવવામાં આવ્યો, પણ અંતમાં તો તેના હાથ નિરાશા જ લાગી. જો કે, શોમાં ભલે પોપટલાલ કુંવારો હોય પણ અસલ જીવનમાં તેની લવ સ્ટોરી કોઇ ફિલ્મથી કમ નથી.
રિયલ લાઇફમાં પોપટલાલ ઉર્ફે શ્યામ પાઠક પરણિત છે અને ત્રણ-ત્રણ બાળકોનો પિતા પણ છે. તેમના બે દીકરી પાર્થ અને શિવમ તેમજ દીકરી નિયતિ છે. જો કે, શ્યામ પાઠક તેમની રિયલ લાઇફને ઘણી પ્રાઇવેટ રાખવાનું પસંદ કરે છે. એક્ટરની પત્ની પણ ખૂબસુરતી મામલે મોટી-મોટી એક્ટ્રેસને ટક્કર આપે છે. જણાવી દઇએ કે, શ્યામ પાઠકે વર્ષ 2003માં રેશમી સાથે લગ્ન કર્યા હતા.
એક્ટરની રેશમી સાથેની પહેલી મુલાકાત ‘નેશનલ સ્કૂલ ઓફ ડ્રામા’માં અભ્યાસ દરમિયાન થઇ હતી. ત્યાં જ બંને વચ્ચે પ્રેમની શરૂઆત થઇ અને પછી એક્ટિંગમાં કરિયર બનાવ્યા બાદ તે લગ્નના બંધનમાં બંધાઇ ગયા. મીડિયા રીપોર્ટ્સ અનુસાર, શ્યામ પાઠકના ઘરવાળા રેશમી સાથે તેના લગ્નની વિરૂદ્ધ હતા.
એક્ટરે પરિવાર વિરૂદ્ધ જઇ પ્રેમને મુકમ્મલ કર્યો. શ્યામ પાઠકે ફિલ્મ ઘુંઘટથી બોલિવુડ ડેબ્યુ કર્યુ હતુ, પણ ફિલ્મોથી કંઇ ખાસ ઓળખ ન મળી. ફિલ્મ ઇન્ડસ્ટ્રીમાં નામ અને ફેમ ન મળતા તે ટીવી તરફ વળ્યા અને એ લોકપ્રિયતા હાંસિલ કરી જેનું બધા કલાકાર સપનું જોતા હોય છે.
“તારક મહેતા” પહેલા શ્યામ પાઠક ઘણી સીરિયલોમાં કામ કરી ચૂક્યા છે. તે જસુબેન જયંતીલાલ જોશી કી જોઇન્ટ ફેમીલી, સુખ બાઇ ચાન્સ અને જસ્સી જેસી કોઇ નહિ જેવી સીરિયલમાં જોવા મળ્યા છે. શ્યામ પાઠકે ભલે અનેક સીરિયલમાં કામ કર્યુ પણ અસલ ઓળખ તો તેમને “તારક મહેતા”માં પોપટલાલના પાત્રથી જ મળી.
એક્ટર આ સીરિયલમાં 15 વર્ષથી કામ કરી રહ્યા છે અને આ શોએ તો તેમની કિસ્મત બદલી દીધી. મીડિયા રીપોર્ટ્સ અનુસાર, શ્યામ પાઠક શોના એક એપિસોડ માટે 60 હજાર જેટલી ફી વસૂલે છે.
