સુરતમાં સિટી બસ પર પથ્થરમારો કરતાં અટકાવવા પહોંચેલી PCR વાનના પોલીસકર્મીને ઘેરી ડ્રાઈવરોનો હુમલો
Policeman beaten up by bus drivers in Surat : સરકાર દ્વારા ડ્રાઈવરને લઈને લાગુ કરવામાં આવેલા નવા નિયમને લઈને ડ્રાઈવરોમાં ખુબ જ રોષ જોવા મળી રહ્યો છે. ઠેર ઠેર ટ્રક ડ્રાઈવરો હડતાલ પર પણ ઉતરી ગયા છે અને રસ્તા વચ્ચે જ ચક્કાજામ પણ કરવા લાગ્યા છે. સરકારના નવા નિયમ પ્રમાણે જો કોઈ ટ્રક ડ્રાઈવર વાહનને ટક્કર મારીને સ્થળ પરથી ભાગી જાય છે તો તેને 10 વર્ષ સુધીની જેલની સજા થશે. આ ઉપરાંત મોટો દંડ પણ ભરવો પડશે. તો આ નિયમને લઈને સુરત શહેરમાં BRTS-સિટી બસના 50 ટકા જેટલો સ્ટાફ હડતાળ પર ઊતરી ગયો છે.
સુરતમાં બની ઘટના :
ત્યારે આ દરમિયાન સુરતમાંથી પોલીસને માર મારવામાં આવતા હોય એવા દૃશ્યો પણ સામે આવ્યા છે. આ બાબતે મળી રહેલી માહિતી અનુસાર સુરતના ડુમસ રોડ પર સીટી બસના ડ્રાઈવર દ્વારા વિરોધ પ્રદર્શન કરવામાં આવી રહ્યું હતું. ત્યારે આંત્રોલી ખાતે સીટી બસ પહોંચતા જ માથાકૂટ થઇ ગઈ હતી. રોડ પર જ બસને ઉભી રાખીને તેમાં તોડફોટ પણ કરવામાં આવી રહી હતી. રોડ પર પણ સીટી બસ કોન્ટ્રાકટના કેટલાક ડ્રાઈવર અને કન્ડક્ટરો વિરોધ કરી રહ્યા હતા.
ડ્રાઈવરોએ કાયદો હાથમાં લીધો :
ત્યારે જ જયારે પોલીસ મામલો થાળે પાડવા માટે આવી ત્યારે વિરોધ કરી રહેલા લોકો પોલીસ સામે જ ઉગ્ર બની ગયા હતા. ટોળાએ પીસીઆર વેનમાં આવેલા પોલીસકર્મી પર જ હુમલો કરી દીધો હતો અને તેને દોડાવી દોડાવીને માર પણ માર્યો હતો. આ ઘટના કેમેરામાં પણ કેદ કરી લેવામાં આવી હતી અને તેનો વીડિયો પણ સોશિયલ મીડિયામાં ખુબ જ વાયરલ થઇ રહ્યો છે. PCR વાનના 902ના પોલીસકર્મી પર જીવલેણ હુમલો થયો હોવાનું પણ સામે આવ્યું છે.
વાયરલ થયો વીડિયો :
સામે આવેલા વીડિયોમાં જોવા મળ્યું હતું કે પોલીસ વાન GJ 5 GV 2270માં આવેલા પોલીસકર્મી પર ટોળાએ હુમલો કર્યો હતો, જેના બાદ પોલીસકર્મી હુમલો થતા જ ત્યાંથી ભાગીને એક અન્ય કારમાં બેસી ગયો હતો, પરંતુ ટોળું તેની પાછળ જ રહ્યું હતું અને બીજી ખાનગી કારમાંમાંથી પણ તેને બહાર કાઢીને દોડાવી દોડાવીને માર મારી રહી હતી. ડ્રાઈવરોએ પોલીસકર્મીને ચપ્પલ અને ઢીક્કા મુક્કીના માર માર્યા હતાં.
View this post on Instagram
