આ ખૂબસુરત જગ્યા સેલિબ્રિટીથી લઇને રાઇટરને ઘણી પસંદ આવશે, એકદમ ભીડભાડથી અલગ પોકેટ ફ્રેંડલી ટ્રિપ છે
કોરોનાનો પ્રકોપ ઓછો થતા જ ટૂરિસ્ટ ડેસ્ટિનેશનમાં પર્યટકોની ભીડ ઉમટી પડી છે. જેના કારણે મેઘાલય, દાર્જિલિંગ, સિક્કિમ, શિમલા, મનાલી, ધર્મશાલા અને મસૂરી જેવા પર્યટન સ્થળો ખૂબ જ ગીચ બની ગયા છે. ત્યાં, ઘણી હોટલો પણ તેના કારણે મોંઘી થઈ ગઈ છે. આવી સ્થિતિમાં અહીં ફરવાનું પ્લાનિંગ ઘણું મુશ્કેલ બની શકે છે. ચાલો આજે તેમની જગ્યાએ કેટલાક ખાસ અને સુંદર સ્થળો વિશે જણાવીએ, જયાં તમને ફરવાની પણ મજા આવશે અને ત્યાં માનવ મહેરામણ પણ ઉમટેલુ નહિ જોવા મળે.
1.સ્પીતિ વેલી (Spiti Valley) : તમે હિમાચલ પ્રદેશમાં સ્પીતિ વેલી પર ફરવા જવાની યોજના બનાવી શકો છો. પર્વતો અને હિમનદીઓથી ઘેરાયેલા આ વિસ્તારમાં તમે ટ્રેકિંગ અને જીપ સફારી પણ કરી શકો છો. આ ઉપરાંત, તમે આ સ્થાન પર વિશ્વનું બીજું સૌથી મોટું ગ્લોસિયર બારા શિગ્રી જોઈ શકો છો.
2.ઓલી (Auli) : આ એક પ્રખ્યાત સ્થળમાંનુ એક છે, જે સમગ્ર વિશ્વમાં સ્કીઇંગ માટે પ્રખ્યાત છે. અહીં તમે નંદા દેવીનો સુંદર નજારો જોઈ શકો છો જે ભારતનું બીજું સૌથી ઊંચું શિખર છે. ઔલી એક લોકપ્રિય પહાડી નગર છે જેમાં સફરજનના બગીચાઓ, દેવદાર અને હિમાલયની શ્રેણીની વચ્ચે આવેલા ઘણા સ્કી રિસોર્ટ છે. સ્કીઇંગ ઉપરાંત, તમે ગઢવાલ હિમાલયની પહાડીઓમાં ટ્રેક્સ માટે જઈ શકો છો અને બરફથી ઢંકાયેલા પર્વતોમાંથી મનોહર દૃશ્યનો આનંદ માણી શકો છો. આ સિવાય વિશ્વનું સૌથી ઊંચું કૃત્રિમ તળાવ પણ ઔલીમાં આવેલું છે.
3.રામગઢ (Ramgarh) : તમે વરસાદ અને પર્વતો પર લાખો કહેવતો સાંભળી હશે, પરંતુ પર્વતોમાં વરસાદ વિશે કંઈક એવું છે જે લેખકોને સૌથી વધુ ગમે છે. બહાર વરસાદ, અંદર શાંત, અહીં તમે એકદમ શાંતિ અને હળવાશ અનુભવશો. આ રીતે, તમે તમારી રજાઓ સારી રીતે માણી શકો છો.
4.કુન્નૂર (Coonoor) : શાનદાર નિગિરિમાં વસેલુ કુન્નુર નાનું હિલ સ્ટેશન છે. ઉટી નજીક આવેલું, આ સુંદર હિલ સ્ટેશન લીલાછમ, મખમલી ચાના બગીચાઓ ધરાવે છે અને સ્વાદિષ્ટ નીલગિરી ચાના ઉત્પાદન માટે પ્રખ્યાત છે. પરંતુ ચાની ચૂસકી લેવી અને ખીણના સ્વાદિષ્ટ નજારાનો આનંદ માણવો એ કુન્નુરમાં કરવા માટેની કેટલીક અનંત વસ્તુઓ છે!
5.ચંબા (Chamba) : આ એક સુંદર અને ખૂબ જ લોકપ્રિય સ્થળ છે. આખા વર્ષ દરમિયાન દેશ-વિદેશમાંથી લોકો ચંબા ફરવા માટે આવે છે. તમે ફેમીલી, જીવનસાથી અથવા મિત્રો સાથે અહીં તમારા વેકેશનનો આનંદ માણી શકો છો. ચંબાના શાંત અને પ્રાકૃતિક દ્રશ્યો જોઈને તમને ખૂબ જ મજા આવશે.દેવદાર અને ચીડના વૃક્ષોથી ઘેરાયેલો ચંબાનો વિસ્તાર પ્રકૃતિ પ્રેમીઓ માટે સપનાની દુનિયા જેવો છે.
6.પાલમપુર (Palampur) : પાલમપુરનો પ્રાકૃતિક નજારો કોઈ પણનું મન મોહી લે છે. આવી સ્થિતિમાં, તમે પરિવાર સાથે વિકેન્ડ માટે અહીં જઈ શકો છો. અહીં ચામુંડા દેવી મંદિર, તાશી જોંગ મઠ, ટી ગાર્ડન, શોભા સિંહ આર્ટ ગેલેરી અહીંના મુખ્ય આકર્ષણો છે.
