એરપોર્ટ પર થઇ વિમાનોની ટક્કર, અકસ્માતમાં 3 લોકોના મોત….વીડિયો આવ્યો સામે
અમેરિકામાં ફરી એકવાર બે વિમાનોની ટક્કર થઇ. ટક્કર થતાં જ બંને વિમાનોમાં આગ લાગી અને જમીન પર પડી ગયા. એક વિમાન સંપૂર્ણપણે બળીને રાખ થઈ ગયું, જ્યારે બીજા વિમાનને નુકસાન થયું. અહેવાલો અનુસાર, આ દુ:ખદ અકસ્માતમાં 3 લોકોના મોતની આશંકા છે, જોકે મૃત્યુઆંક હજુ સુધી સત્તાવાર રીતે પુષ્ટિ કરવામાં આવી નથી.
કોલોરાડોના ફોર્ટ મોર્ગન મ્યુનિસિપલ એરપોર્ટના રનવે પર વિમાન દુર્ઘટના બની હતી. મોર્ગન કાઉન્ટી શેરિફ ઓફિસે વિમાન દુર્ઘટનાની પુષ્ટિ કરી છે. મોર્ગન કાઉન્ટી શેરિફ ઓફિસે મીડિયા બ્રીફિંગમાં જણાવ્યું કે સ્થાનિક સમય મુજબ સવારે 10:40 વાગ્યે કોલોરાડોના ફોર્ટ મોર્ગન મ્યુનિસિપલ એરપોર્ટ નજીક આ અકસ્માત થયો હતો. બંને નાના વિમાનો હતા, જે લેન્ડિંગ સમયે અચાનક અથડાયા. મોર્ગન એરપોર્ટના ATC ટાવર પર લગાવેલા કેમેરામાં વિમાન દુર્ઘટના કેદ થઈ ગઈ હતી, જેની ક્લિપ પોલીસ અને મીડિયાને ઉપલબ્ધ કરાવવામાં આવી છે.
વીડિયોમાં દૂરથી કાળા ધુમાડા દેખાઈ રહ્યા છે. નેશનલ ટ્રાન્સપોર્ટેશન સેફ્ટી બોર્ડ (NTSC) અને ફેડરલ એવિએશન એડમિનિસ્ટ્રેશન (FAA) એ વિમાન દુર્ઘટનાની તપાસ શરૂ કરી દીધી છે. જણાવી દઈએ કે આ પહેલા 29 જાન્યુઆરી 2025 ના રોજ અને 12 ઓગસ્ટે પણ અમેરિકામાં બે વિમાનો ટકરાયા હતા.
Weather cam captures PLANE CRASH at Colorado airport
Two light aircraft collided in mid-air near Fort Morgan Municipal Airport, casualties unknown
Smoke seen in series of still images caught by FAA weather cam pic.twitter.com/TrtNLzsA8z
— RT (@RT_com) August 31, 2025
