Paytm Crisis FAQ : તાજેતરમાં ભારતીય રિઝર્વ બેંક (RBI) એ Paytm પેમેન્ટ બેંક પર કેટલીક શિકંજો કસ્યો હતો. ગઈકાલે જ Paytm CEO વિજય શેખર શર્મા કેન્દ્રીય નાણા મંત્રી નિર્મલા સીતારમણને મળ્યા હતા. એવું કહેવાય છે કે તેઓ નાણા મંત્રાલયમાં બેંકિંગ વિભાગના વરિષ્ઠ અધિકારીઓને પણ મળ્યા છે. આ પછી પરિસ્થિતિ બદલાવા લાગી. ગઈકાલે પણ તેના શેરમાં લગભગ પાંચ ટકાનો વધારો થયો હતો. આજે પણ સવારે શેરબજાર ખુલતાની સાથે જ તેના શેરો વધવા લાગ્યા હતા. થોડા જ સમયમાં તેના શેરમાં લગભગ 10 ટકાનો ઉછાળો આવ્યો.
આ સમયે આપશે જવાબ :
મોનેટરી પોલિસીની જાહેરાત બાદ RBI તરફથી Paytm પેમેન્ટ્સ બેંક પર કાર્યવાહી સંબંધિત ઘણા પ્રશ્નો પૂછવામાં આવ્યા હતા. આના પર આરબીઆઈએ કહ્યું કે આને લગતા વારંવાર પૂછાતા પ્રશ્નો (FAQ)ના જવાબ આવતા સપ્તાહે જાહેર કરવામાં આવશે. આરબીઆઈ ગવર્નરે કહ્યું કે છેલ્લા કેટલાક દિવસોમાં ઘણા બધા પ્રશ્નો આવ્યા છે, જેને લખી દેવામાં આવ્યા છે. તે પ્રશ્નોના આધારે, આવતા અઠવાડિયે કોઈપણ સમયે FAQ જારી કરી શકાય છે.
ડેપ્યુટી ગવર્નરનું આવ્યું નિવેદન :
આરબીઆઈના ડેપ્યુટી ગવર્નર સ્વામીનાથન જે કહે છે કે નિયમોનું પાલન ન કરવાને કારણે પેટીએમ પેમેન્ટ્સ બેંક વિરુદ્ધ કાર્યવાહી કરવામાં આવી છે. આરબીઆઈના ડેપ્યુટી ગવર્નરે જણાવ્યું હતું કે પેટીએમ પેમેન્ટ્સ બેંક વિરુદ્ધ કરવામાં આવેલી કાર્યવાહી નિયમોનું પાલન ન કરવાને કારણે સુપરવાઇઝરી કાર્યવાહી છે. તેમણે કહ્યું કે આ પ્રકારની કાર્યવાહી અચાનક નથી થતી, પરંતુ જો નિયમોનું પાલન કરવામાં કોઈ ક્ષતિ હોય તો કંપનીઓને તેને સુધારવા માટે સમય આપવામાં આવે છે અને કેટલીક વખત પૂરતા સમય કરતાં પણ વધુ સમય આપવામાં આવે છે.
આ કારણે થઇ કાર્યવાહી :
તેમણે વધુમાં જણાવ્યું હતું કે જો કે, એક નિયમનકાર તરીકે, તેની ઉપભોક્તાનાં હિતોનું રક્ષણ કરવાની જવાબદારી પણ છે. RBI એ ગયા મહિને 31 જાન્યુઆરીએ Paytm પેમેન્ટ્સ બેંક પર ઘણા નિયંત્રણો લાદ્યા હતા. આ હેઠળ, તે 29 ફેબ્રુઆરી પછી નવી થાપણો લઈ શકશે નહીં અને ક્રેડિટ ટ્રાન્ઝેક્શન પર પણ પ્રતિબંધ મૂકવામાં આવશે. આરબીઆઈએ માર્ચ 2022 થી જ પેટીએમ પેમેન્ટ્સ બેંકને નવા ગ્રાહકો ઉમેરવા પર પ્રતિબંધ મૂક્યો હતો.
