અક્ષય કુમાર-પંકજ ત્રિપાઠીએ જીત્યુ દર્શકોનું દિલ, એન્ટરટેઇનમેન્ટ સાથે જરૂર મેસેજને દમદાર રીતે બતાવે છે ફિલ્મ- જાણો લોકોનો શું છે અભિપ્રાય
OMG 2 Movie Review : આજે એટલે કે 11 ઓગસ્ટે બોલિવુડની બે ફિલ્મો ‘ઓહ માય ગોડ 2’ અને ‘ગદર-2’ મોટા પડદા પર રિલીઝ થઈ છે, જ્યારથી બંને ફિલ્મોનું ટીઝર અને ટ્રેલર રીલિઝ થયું ત્યારથી તેને લઈને ચાહકોની આતુરતા જોવાલાયક હતી. જોકે, OMG-2નું ટીઝર અને ટ્રેલર રીલિઝ થતા ઘણો હોબાળો પણ મચી ગયો હતો અને સેન્સર બોર્ડે લગભગ 27 જેટલા ફેરફાર પણ કર્યા છે અને તેને સ્ક્રીન પર જોવાની મંજૂરી આપી છે. ફિલ્મના ટ્રેલર પરથી સ્પષ્ટપણે જોવા મળતું હતું કે વાર્તા એવા વિષય પર બતાવવામાં આવી રહી છે જેના વિશે લોકો આજે પણ ખુલીને વાત નથી કરતા. આવી સ્થિતિમાં આ ફિલ્મ તમને ઘણું શીખવવાનો પ્રયાસ કરે છે. દિગ્દર્શક અમિત રાયે સમાજ માટે ખૂબ જ મહત્વપૂર્ણ ફિલ્મ બનાવી છે.
OMG 2’માં કહાની પંકજ ત્રિપાઠીની આસપાસ ફરે છે
2012માં આવેલ આ ફિલ્મના પહેલા ભાગમાં પરેશ રાવલ અને અક્ષય કુમારની જુગલબંધીએ લોકોને સ્ક્રીન પર એક કહાની આપી જેનું પુનરાવર્તન મૂલ્ય ખૂબ જ મજબૂત છે. જ્યારે પણ આ ફિલ્મ ટીવી પર આવે છે ત્યારે લોકો તેને વારંવાર જુએ છે. ‘OMG 2’માં કહાની પંકજ ત્રિપાઠીની આસપાસ ફરે છે. પંકજે આ તકનો ભરપૂર લાભ ઉઠાવ્યો અને જોરદાર પ્રદર્શન કર્યું. અક્ષયનું પાત્ર જેટલું રમુજી હતું તેટલું ટ્રેલરમાં જોવા મળ્યું હતું, ફિલ્મમાં પણ એવું જ છે અને કેટલીક ક્ષણોમાં તેનો કુદરતી ચાર્મ તેના રોલને વધુ દમદાર બનાવે છે. પરંતુ આ બંને વચ્ચે એક વાર્તા છે જે સ્ક્રીન પર જોવા જેવી છે.
કહાનીની શરૂઆત થાય છે પંકજ ત્રિપાઠીના ઓનસ્ક્રીન પુત્રથી
એવું નથી કે ‘OMG 2’માં કોઈ ખામી નથી. પણ જે મોટી વાત ફિલ્મ કહેવા માંગે છે, તે બીજી બધી બાબતોની સરખામણીમાં થોડી ભારે પડી જાય છે. ‘OMG 2’ની કહાનીમાં, કાંતિ શરણ મુદગલ (પંકજ ત્રિપાઠી) એક શિવ ભક્ત છે. તેમનો પરિવાર એક સાધારણ પરિવાર છે અને કહાનીની શરૂઆત પંકજ ત્રિપાઠીના ઓનસ્ક્રીન પુત્રથી થાય છે જે શાળાના શૌચાલયમાં કંઇક ખોટું કરતો જોવા મળે છે અને તેનો આ ખોટું કરતો વિડિયો વાયરલ થયા બાદ તેની જિંદગી બદલાઈ જાય છે અને તેના પરિવારની ઘણી બદનામી થાય છે. આખા શહેરમાં પંકજના પુત્રને ડર્ટી ચાઈલ્ડ જાહેર કરવામાં આવ્યો, પાડોશીઓ અને તેના પિતાની નજરમાં ‘અનૈતિક’ જાહેર થયેલા વિવેકની ગરિમા પૂરી રીતે ખતમ થઈ જાય છે, અને આ કલંકમાં તે આત્મહત્યાનો પ્રયાસ પણ કરે છે.
કહાની છે દમદાર
શહેર-સમાજમાં પોતાના પુત્રને કારણે અપમાનિત થઈ રહેલા કાંતિભાઈને પોલીસ સ્ટેશનમાં ફકીરમાંથી મસ્તમૌલા માણસ (અક્ષય કુમાર)ની વાત પરથી સમજવા લાગે છે કે તે પોતે પોતાના પુત્ર વિશે કેટલું ખોટું વિચારી રહ્યા છે. આ ફકીર પોતાના ખોવાયેલા માલની ફરિયાદ લઈને પોલીસકર્મી પાસે આવ્યો છે. આ વિવેક (પંકજના પુત્ર)ને આત્મહત્યા કરતા પણ બચાવે છે. પરંતુ તે માત્ર ફકીર નથી, તે ભગવાન દ્વારા મોકલેલ સંદેશવાહક છે. તેની જ વાતોથી કાંતિને સમજ આવે છે કે તે પોતે, શાળા, આખો સમાજ બાળકને ‘અનૈતિક’ જાહેર કરીને તેમના જાતીય સાહસોને કલંકિત કરવા માટે દોષિત છે. ત્યારે આ કેસમાં કાંતિ સામે એક તેજ તર્રાર મહિલા વકીલ કામિની (યામી ગૌતમ) છે, જેના આવવાથી જજ પોતાના કોર્ટ માટે સમ્માનજનક માને છે !
સવાલોના જવાબ મેળવવા માટે જોવી પડશે ફિલ્મ
ત્યારે હવે સવાલ એ છે કે શું કાતિ જીતી શકશે ? શું વિવેકને પોતાની ખોવાયેલી રિસ્પેક્ટ પાછી મળશે ? અને સ્કૂલ ફરી વિવેકને લેશે ? આ બધાના જવાબ માટે તમારે ફિલ્મ જોવી પડશે. ‘OMG 2’ માટે ફિલ્મના લેખક-નિર્દેશક અમિત રાય પ્રત્યે સહાનુભૂતિ દર્શાવવી જરૂરી છે કે સેન્સર બોર્ડ દ્વારા સૂચવવામાં આવેલા ફેરફારોને કારણે તેમના વર્ણનમાં ઘણી જગ્યાએ અડચણો આવી હશે. પરંતુ તેની સ્ક્રિપ્ટની ખામીઓ પહેલાથી જ દેખાઈ રહી છે. ‘OMG’ ની સૌથી મોટી વિશેષતા એ હતી કે લગભગ દરેક 3 લાઇનમાં તમને એક પંચ મળતો હતો, જે તમને હસવા અથવા આશ્ચર્યચકિત કરી દેતો. પણ અહીં એવું નથી. ઊલટાનું, ફિલ્મના બીજા ભાગમાં, કહાનીનો તમામ ફોકસ કાંતિ, તેના પરિવાર અને કોર્ટ કેસ પર જ છે, ફિલ્મની ગતિ પણ ધીમી થવા લાગે છે.
પંકજ ત્રિપાઠીની આસપાસ ફરે છે કહાની
ફિલ્મના વર્ણનમાં અક્ષય કાંતિને મદદ કરી રહ્યો છે. મોટા પડદા પર એવું લાગે છે કે ધીમી કહાનીમાં વાતાવરણ બનાવવા માટે અક્ષયની જરૂર છે. મોટા પડદા પર કોર્ટરૂમ ડ્રામાનો ઉપયોગ કાનૂની દાવપેચ બતાવવા કરતાં મહત્વપૂર્ણ ચર્ચા માટેના ઉપકરણ તરીકે વધુ થતો બતાવવામાં આવ્યો છે. ‘OMG 2’ માં, આ મહત્વપૂર્ણ ચર્ચા ક્યારેક તેની જગ્યાએથી સરકી જાય છે. ઉદાહરણ તરીકે, ભેદભાવના કલંક વિશે વાત કરવાને બદલે, તે ભારતમાં કામશાસ્ત્રના ઇતિહાસ સુધી પહોંચે છે. આખા કોર્ટ કેસમાં એકવાર પણ એ વાતની ચર્ચા કરવામાં આવી નથી કે વૉશરૂમમાં બાળકનો વિડિયો બનાવીને તેને વાયરલ કરવો એ કેટલો મોટો ગુનો છે. તે સારી વાત છે કે ‘OMG 2’ સેક્સ એજ્યુકેશનની જરૂરિયાત વિશે વાત કરે છે.
યામી ગૌતમનો પણ અભિનય જોરદાર
પરંતુ આ મામલો એક બાળક સાથે બનેલી ઘટનાનો છે જેણે તેનું સ્વાભિમાન તોડી નાખ્યું છે. કેસના બહાને સેક્સ એજ્યુકેશનની જરૂરિયાત અંગે ચર્ચા કરવાની હતી. પણ આવુ નથી બનતુ. પંકજ ત્રિપાઠી ખૂબ જ શ્રેષ્ઠ અભિનેતા છે, અને આ દર્શકોની સામે વારંવાર તે બતાવે છે. પણ ક્યાંક ને ક્યાંક તેના પાત્રોમાં યુપી-બિહારનો એક કમ્ફર્ટ ઝોન છે. જો કે, આ વખતે ઝોન બ્રેક થાય છે. નવા ઉચ્ચાર અને સંવેદનશીલતાવાળા પાત્રમાં પંકજનું કામ ઉત્તમ છે. પંકજનું કૌશલ્ય એવા દ્રશ્યોમાં ઝળકે છે જેમાં તે બોલતો નથી અને માત્ર ચુપચાપ પ્રતિક્રિયા આપી રહ્યો છે. યામી ફરી એકવાર બતાવે છે કે તેને શા માટે એક મજબૂત અભિનેત્રી કહેવામાં આવે છે.
મોટાભાગના લોકોને પસંદ આવી ફિલ્મ
ગોવિંદ નામદેવ, પવન મલ્હોત્રા, બિજેન્દ્ર કાલા અને અરુણ ગોવિલ તેમના સહાયક પાત્રોને સંપૂર્ણ ગંભીરતા સાથે ભજવે છે. અક્ષય કુમારનું પાત્ર વાર્તામાં દૈવી શક્તિનું છે અને પ્રથમ ફિલ્મની જેમ આ વખતે પણ તે સ્ક્રીન પર પ્રભુત્વ ધરાવે છે. ‘ઓએમજી 2’ એક રમૂજી ડોઝ સાથે એક મહત્વપૂર્ણ વિષયને લોકો સુધી પહોંચાડવા માટેની ફિલ્મ છે. ઉલ્લેખનીય છે કે,ફિલ્મની સૌથી મહત્વની વાત એ છે કે OMG2 એ સવાલ ઉઠાવે છે કે બાળકોને સેક્સ એજ્યુકેશન શા માટે આપવું જોઈએ. બાળકોને આ બાબતની પૂરેપૂરી જાણકારી હોવી જોઈએ જેથી તેઓ ખોટા રસ્તે ન ચાલ્યા જાય. OMG 2 જોનારા મોટાભાગના લોકોને ફિલ્મની વાર્તા પસંદ આવી અને તેમનું કહેવું છે કે આ ફિલ્મ સેક્સ એજ્યુકેશન પર મજબૂત સંદેશ આપે છે અને આ સાથે લોકોને અક્ષય કુમારનું પરફોર્મન્સ પણ જબરદસ્ત લાગ્યું.
Its a Tsunami of Positive reviews for #OMG2. 🔥pic.twitter.com/e0IyBl33P7
— अपना Bollywood🎥 (@Apna_Bollywood) August 10, 2023
