વૈદિક જ્યોતિષ શાસ્ત્રમાં ગ્રહો ગોચર આ શબ્દ વારંવાર સાંભળવા મળે છે. ગોચર એટલે ગ્રહની ગતિ. ગ્રહની રાશિ પરિવર્તનને સંક્રમણ એટલે કે ગોચર કહેવામાં આવે છે. જ્યોતિષ શાસ્ત્ર અનુસાર સૂર્ય, ચંદ્ર, મંગળ, બુધ, ગુરુ, શુક્ર, શનિ, રાહુ અને કેતુ 9 ગ્રહો છે. આ બધા ગ્રહો સમય સમય પર તેમની ચાલ પ્રમાણે રાશિઓ બદલતા રહે છે. ગ્રહોના સંક્રમણની સીધી અસર વ્યક્તિના જીવન પર પડે છે.
એપ્રિલ મહિનો ચાલુ છે અને એપ્રિલના પહેલા જ સપ્તાહમાં શુક્ર અને બુધ એક જ દિવસે પોતાની રાશિ બદલવાના છે. બુધ 07 સવારે 09:21 કલાકે મીન રાશિમાં પ્રવેશ કરશે તો 7 સવારે 10:30 કલાકે શુક્ર શનિની રાશિ કુંભ રાશિમાં પ્રવેશ કરશે. એટલે કે આગામી 72 કલાકમાં બે મોટા ગ્રહોનું સંક્રમણ થશે. શુક્ર અને બુધના રાશિ પરિવર્તનને કારણે કઈ રાશિના લોકો પર સકારાત્મક અસર જોવા મળશે, તો ચાલો જાણીએ.
મેષ: શુક્ર અને બુધનું રાશિ પરિવર્તન મેષ રાશિના લોકો માટે ફાયદાકારક સાબિત થશે. આ રાશિના લોકોને દરેક ક્ષેત્રમાં સફળતા મળશે. લાંબા સમયથી અટકેલા કામ પૂર્ણ થશે. આર્થિક સ્થિતિમાં સુધારો થશે. પૈસા સંબંધિત સમસ્યાઓ દૂર થશે. પ્રેમ સંબંધોમાં મધુરતા રહેશે. વિવાહિત જીવન સુખમય રહેશે.
કન્યાઃ કન્યા રાશિના લોકોને આર્થિક તંગીમાંથી રાહત મળશે. સમાજમાં માન-સન્માનમાં વધારો થશે અને પરિવારના સભ્યોનો સહયોગ મળશે. લાંબા સમયથી અટકેલા કામ પૂર્ણ થશે. નોકરી અને વ્યવસાયમાં પ્રગતિ થશે. વેપારમાં વૃદ્ધિ થશે.
ધનુ: ધનુ રાશિના લોકો આધ્યાત્મિક કાર્યમાં રસ વધારશે. આત્મવિશ્વાસ વધશે અને પારિવારિક જીવનમાં ખુશીઓ આવશે. નાણાકીય સ્થિતિ મજબૂત રહેશે, દાંપત્ય જીવનમાં મધુરતા રહેશે અને આ સમયગાળા દરમિયાન વિદેશ પ્રવાસની સંભાવના છે.
મીનઃ મીન રાશિના લોકોની ધાર્મિક કાર્યમાં રૂચી વધશે. શિક્ષણ ક્ષેત્રે સારા પરિણામો મળશે. નોકરી-ધંધામાં પ્રગતિની સંભાવના છે.
(નોંધ: ઉપરોક્ત માહિતી સામાન્ય માન્યતાઓ અને જાણકારીઓ પર આધારિત છે, ગુજ્જુરોક્સ આની પુષ્ટિ કરતું નથી.)
