વરિષ્ઠ ઉદ્યોગપતિ અને ટાટા સન્સના ભૂતપૂર્વ ચેરમેન સાયરસ મિસ્ત્રી જેમનું માર્ગ અકસ્માતમાં મોત થયું હતું, તેમના મંગળવારે એટલે કે આજે મુંબઈમાં અંતિમ સંસ્કાર કરવામાં આવ્યા હતા. મિસ્ત્રીના અંતિમ સંસ્કાર વર્લી સ્મશાનગૃહમાં થયા હતા. 2015માં વરલી સ્મશાન ગૃહ ખોલવામાં આવ્યું ત્યારથી, મુંબઈમાં મોટાભાગના પારસીઓએ મૃતકોને ટાવર ઓફ સાયલન્સ પર મૂકીને પરંપરાગત રીતે ગીધ દ્વારા ખાવાને બદલે અંતિમ સંસ્કાર કરવાનું પસંદ કર્યું છે.
સાયરસ મિસ્ત્રીની મર્સિડીઝ બેન્ઝ રવિવારે ડિવાઈડર સાથે અથડાઈ હતી, જેમાં મિસ્ત્રી અને અન્ય એકનું મોત થયું હતું. તે કારની પાછળની સીટ પર બેઠા હતા. એક પોલીસ અધિકારીએ જણાવ્યું કે, જર્મન લક્ઝરી કાર નિર્માતા મર્સિડીઝ-બેન્ઝની ટીમે સોમવારે મુંબઈથી લગભગ 100 કિમી દૂર અકસ્માત સ્થળની મુલાકાત લીધી હતી.
કોંકણ રેંજના પોલીસ મહાનિરીક્ષક સંજય મોહિતે પીટીઆઈને જણાવ્યું હતું કે અકસ્માતનું કારણ જાણવા માટે કારના ટાયર પ્રેશર અને બ્રેક ફ્લુઈડ લેવલ જેવી અન્ય વિગતો પણ તપાસવામાં આવશે. મર્સિડીઝ-બેન્ઝ કંપનીના અધિકારીઓએ મુલાકાત લીધી હતી અને અકસ્માતગ્રસ્ત કારમાંથી એનક્રિપ્ટેડ ડેટા એકત્રિત કર્યો હતો. તેમણે કહ્યું કે ડેટાનું વિશ્લેષણ અને ડિક્રિપ્ટ કરવામાં આવશે અને પોલીસ સાથે શેર કરવામાં આવશે.
નીચા બ્રેક ફ્લુઇડને કારણે હવા બ્રેક લાઇનમાં ગેપ ભરવાનું કારણ બને છે, જે બ્રેક્સને નરમ બનાવે છે. અધિકારીએ કહ્યું કે સ્પોન્જી બ્રેક પેડલ ખતરનાક બની શકે છે. આ અકસ્માતમાં બે લોકોનો આબાદ બચાવ થયો છે, જેઓ ગંભીર રીતે ઘાયલ છે. તેમાંથી એક છે ગાયનેકોલોજિસ્ટ ડૉ. અનાહિતા પંડોલે અને બીજા તેમના પતિ ડેરિયસ પંડોલે છે.
મર્સિડીઝના ત્રણ અધિકારીઓએ અકસ્માતગ્રસ્ત વાહનનો સંપૂર્ણ ડેટા એકત્રિત કર્યો છે. હવે આ ડેટાને ડીકોડ કરવાનો રહેશે જેથી વાહનની સંપૂર્ણ માહિતી મળી શકે. અકસ્માત સમયે વાહનની સ્પીડ કેટલી હતી તે આ માહિતી ડેટા ડીકોડ કર્યા બાદ મળશે. મર્સિડીઝના અધિકારીઓએ કહ્યું છે કે વાહનનો સંપૂર્ણ ડેટા આગામી 2-3 દિવસમાં જર્મની મોકલવામાં આવશે. આ ડેટાને ડીકોડ કરવાની ટેક્નોલોજી જર્મનીમાં સ્થિત મર્સિડીઝના પ્લાન્ટમાં છે.
