દિવાળી પૂરી થતાં જ લગ્નની સિઝન આવે છે અને લોકો શુભ મુહૂર્ત જોઈને લગ્નની તૈયારીઓ કરવા લાગે છે. આવી સ્થિતિમાં અમે તમારા માટે કેટલાક શુભ મુહૂર્તની માહિતી લાવ્યા છીએ. તમને જણાવી દઈએ કે આ સિઝનમાં 19 નવેમ્બરથી 13 ડિસેમ્બર સુધી માત્ર 15 મુહૂર્ત છે.
જે મુહૂર્તો શુભ માનવામાં આવે છે તેના પર લગ્ન વધુ થાય છે. હિન્દુઓમાં દેવઉઠી એકાદશીથી લગ્નની શરૂઆત થાય છે. આ વર્ષે 15મી નવેમ્બરે દેવઉઠી એકાદશીથી શુભ કાર્યની શરૂઆત થશે. પરંતુ આ વખતે લગ્નો માટેનો સમય ઓછો હોવાથી મોટાભાગની જગ્યાએ મેરેજ ગાર્ડન, પાર્ટી પ્લોટ, હોટલમાં જોઈએ તે તારીખનું બુકિંગ મળી રહ્યું નથી. પંડિતો પાસે પણ મુહૂર્તની તમામ તારીખો બુક થઈ ગઈ છે.
મુહૂર્ત કેટલા દિવસના છે? : આ સિઝનમાં દેવઉઠીની એકાદશી 15 નવેમ્બરે છે, પરંતુ પહેલુ શુભ મુહૂર્ત 19 નવેમ્બરે છે અને છેલ્લુ મુહૂર્ત 13 ડિસેમ્બરે છે. તે મુજબ આ આગામી 2 મહિનામાં માત્ર 15 શુભ મુહૂર્ત છે. આ પછી આવતા વર્ષે 15 જાન્યુઆરી 2022થી શુભ મુહૂર્ત શરૂ થશે. દેવઉઠી એકાદશી પર અબુજ મુહૂર્તના કારણે પણ ખુબ લગ્નો થશે.
આ છે લગ્નના મુહુર્ત : વર્ષ 2021માં નવેમ્બર મહિનામાં (19, 20, 21, 26, 28, 29 અને 30) આ 7 તારીખે શુભ મુહૂર્ત બની રહ્યા છે. આ ઉપરાંત ડિસેમ્બર મહિનામાં 8 શુભ મુહૂર્ત છે જે 1, 2, 5, 6, 7, 11, 12 અને 13 તારીખે બની રહ્યા છે.
જ્યારથી વિશ્વભરમાં કોરોના આવ્યો છે દરેક વ્યક્તિએ ઘણું સહન કર્યું છે. આવી સ્થિતિમાં સિઝનલ બિઝનેસ કરનારા વેપારીઓને ભારે નુકસાન થયું છે. પરંતુ આ વખતે લગ્નસરાની સીઝનમાં લગ્નના ગાર્ડન, હોટલથી માંડીને બેન્ડ, ઢોલ, કેટરર્સ, મીઠાઈઓ વગેરે પાસે મોટી આશાઓ છે. જોકે, નવેમ્બર-ડિસેમ્બર મહિનામાં મર્યાદિત મુહૂર્ત હોય છે.
આવી સ્થિતિમાં લોકો હોટલ, મીઠાઈઓ વગેરેમાં જોરદાર બુકિંગ કરાવી રહ્યા છે. પરંતુ જેમના ઘરમાં લગ્ન છે તેઓને હવે મેરેજ હોલ બુક ન થવાના કારણે મુશ્કેલીનો સામનો કરવો પડી રહ્યો છે. આવી જ સ્થિતિ બેન્ડ-બાઝ, ઢોલ, ઘોડા અને બગીની છે. આશા છે કે આ વખતે કોરોનાના કેસને કારણે લોકો ખુલ્લા મનથી આ સિઝનનો આનંદ માણી શકશે.
જલ્દી લગ્ન કરવા આ ઉપાયો અપનાવો : જે લોકો મુહૂર્તના દિવસે સ્થળ વગેરેની વ્યવસ્થા કરવામાં અસમર્થ હોય અને તેમ છતાં તેઓ વહેલા લગ્ન કરવા માંગતા હોય તો તેમણે દર ગુરુવારે પીપળ અથવા કેળાના ઝાડને જળ અર્પિત કરીને હળદર, ગોળ અને ચણા અર્પિત કરવા જોઈએ. આ સિવાય આ બધી વસ્તુઓ પણ ગાય માતાને અર્પણ કરવી જોઈએ, તેનાથી લગ્નમાં આવતા અવરોધો દૂર થાય છે.
લગ્ન સંબંધી સમસ્યાઓથી છુટકારો મેળવવા માટે 6 મુખી રુદ્રાક્ષ ધારણ કરવો જોઈએ. આ રૂદ્રાક્ષ ધારણ કરવાથી લગ્નમાં આવતા અવરોધો પણ દૂર થાય છે. જો કોઈ છોકરીના લગ્નમાં વિલંબ થાય છે, તો તેના માટે અન્ય છોકરીના લગ્નમાં જાઓ અને ત્યાં કન્યા સાથે મહેંદી લગાવો. તેનાથી જલ્દી લગ્ન થવાની શક્યતા વધી જાય છે.
