આજે સવારે 8:06 વાગ્યે જ્યોતિષ ગણતરી પ્રમાણે બુધ વૃશ્ચિક રાશિમાં માર્ગી થયો. કોઈ પણ ગ્રહનું માર્ગી થવું એ જ્યોતિષ શાસ્ત્રમાં શુભ માનવામાં આવે છે અને આ દરમિયાન કેટલીક રાશિને લાભ પ્રાપ્ત થાય છે, તો કેટલીકને સમસ્યાઓનો સામનો કરવો પડે છે.
તુલા: આ રાશિનાં જાતકોને બુધ માર્ગી થવાને કારણે શુભ ફળની પ્રાપ્તિ થશે અને ઘરમાં ઝઘડા ઓછા થશે તેમજ વાતાવરણ સારુ રહેશે. બુધ, તુલા રાશિનાં લોકોનાં નવમાં અને બારમાં ઘર પર રાજ કરે છે. આ રાશિના લોકો સામાજિક રીતે સક્રિય રહેશે, તેમને ધન લાભ થશે અને પાર્ટનર વચ્ચે પ્રેમ વધશે.
સિંહ: આ રાશિનાં જાતકોના બીજા અને અગિયારમાં ઘરનો સ્વામી બુધ છે અને હવે તે ચોથા ઘરમાં પ્રત્યક્ષ થઈ રહ્યો છે. એટલે વેપારીઓ માટે આ સમય વિશેષ રહેશે અને સુખ-સુવિધા વધવાની સાથે સાથે વિદેશની અંદર વ્યાપારની સંભાવના પણ છે.
કન્યા: કન્યા રાશિનાં પહેલા અને દસમાં ઘર પર બુધ શાસન કરે છે અને હવે તે વૃશ્ચિક રાશિમાં પ્રત્યક્ષ થશે અને ત્રીજા ઘરને પ્રભાવિત કરશે. સકારાત્મક પરિણામ મળવાની સાથે સાથે નોકરીમાં લાભ થશે અને પ્રમોશન પણ મળી શકે છે. આ ઉપરાંત શેરબજારમાં રોકાણ કરવાનો યોગ્ય સમય છે.
