ટીવી પરના સૌથી લોકપ્રિય શોમાંથી એક શો ‘કૌન બનેગા કરોડપતિ 14’ના દરેક એપિસોડને દર્શકો ખૂબ જ રસથી જુએ છે. તે દેશનો સૌથી વધુ જોવાયેલ શો છે. આમાં સ્પર્ધકો દર અઠવાડિયે આવે છે અને ગેમ શો રમે છે. આમાં લોકોને તેમના જ્ઞાન દ્વારા મોટી રકમ જીતવાની સારી તક મળે છે.
ગત શુક્રવારના એપિસોડમાં ગુજરાતના કરણ ઇન્દ્રસિંહ ઠાકુર હોટ સીટ પર બેઠા હતા. કરણ સિંહે 14 પ્રશ્નોના સાચા જવાબ આપીને 50 લાખ રૂપિયા જીત્યા. 75 લાખ રૂપિયાના ધન અમૃત પ્રશ્નમાં, કરણે રમત છોડવાનો નિર્ણય લીધો. જો કે, તે સાચો જવાબ જાણતો હતો. KBC પ્લે અલોંગના કારણે કરણ હોટસીટ પર પહોંચ્યો હતો. તે જ સમયે, બિગ બી અમિતાભ બચ્ચન પણ કરણની રમતથી ખૂબ પ્રભાવિત હતા. તેણે ત્રણ લાખ 20 હજાર રૂપિયાના પ્રશ્ન પર તેની પ્રથમ લાઈફ લાઈનનો ઉપયોગ કર્યો.
કરણનો 75 લાખ રૂપિયામાં 15મો પ્રશ્ન હતો- ‘તેમાંથી કોને તેમના કામ માટે નોબેલ પુરસ્કાર મળ્યો હતો, જે પાછળથી ખોટો સાબિત થયો હતો?” જેના માટે ચાર વિકલ્પો હતા – એ. ઓસ્વાલ્ડ એવરી બી. જોસિયાહ ડબલ્યુ. ગિબ્સ સી. ગિલ્બર્ટ એન. લેવિસ ડી. જોહાન્સ ફિબિગર. કરણે કોઈ જોખમ લીધા વિના ગેમ છોડવાનું નક્કી કર્યું. રમત છોડ્યા પછી, કરણને ચારમાંથી એક સાચા જવાબનું અનુમાન કરવાનું કહેવામાં આવ્યું. આ માટે તેણે ડી જોહાન્સ ફિગેગરને કહ્યું, જે સાચો જવાબ હતો.
કરણ મૂળ નવસારી જિલ્લાના ચીખલી તાલુકાના નાનકડા ઘેજ ગામનો વતની છે અને તેની ઉંમર 26 વર્ષ છે. તેને કેમિકલ એન્જીનીયરીંગનો અભ્યાસ કર્યો છે અને હાલ તે સ્પર્ધાત્મક પરીક્ષાઓની તૈયારી કરી રહ્યો છે. KBCમાં પહોંચવા માટે પણ તે પ્રયત્ન કરી રહ્યો હતો. ત્યારે એક એપ્લિકેશનના માધ્યમથી પ્લે એલોન્ગ રમી કરણ કોન બનેગા કરોડ પતિ માટે સિલેક્ટ થયો.
જ્યાં ફાસ્ટેસ્ટ ફિંગર ફર્સ્ટ રાઉન્ડમાં બાકીના 9 સ્પર્ધકોને પાછળ છોડીને અમિતાભ બચ્ચન સામે હોટ સીટ ઉપર પહોંચ્યો હતો. આ શોમાં પણ તેને પોતાની શાનદાર રમત બતાવીને 50 લાખ રૂપિયા જેવી માતબર રકમ જીતી હતી, જેના બાદ પરિવારમાં પણ ખુશીનો મહિલા છે. કરણ સાથે તેની પત્ની ખુશ્બૂ ઠાકોર પણ ઉપસ્થિત રહ્યા હતા.
