ગરીબ ઘરના ખેડૂતના 12 વર્ષના દીકરાએ લોકડાઉનમાં ઓનલાઇન ક્લાસ માટે લીધેલા તૂટેલા ફોનથી કરી નાખ્યું એવું કારનામુ કે નોંધાયો વર્લ્ડ રેકોર્ડ, હાવર્ડ યુનિવર્સીટીએ સ્કીલરશીપ આપી ભણવા બોલાવ્યો
એવું કહેવાય છે કે જો તમારામાં મહેનત કરવાની તાકત હોય તો કોઈ નિષ્ફ્ળતા તમને ક્યારેય રોકી નથી શકતી. ઘણા લોકોએ એ વાતને સાબિત પણ કરી બતાવી છે. તેમની સફળતાની કહાનીઓ ઘણા લોકો માટે પ્રેરણા સમાન પણ બનતી હોય છે, ત્યારે હાલ એક એવા જ 12 વર્ષના બાળકની સફળતાની કહાનીએ લોકોને પણ હેરાન રાખી દીધા છે. તેણે આટલી નાની ઉંમરમાં જે કર્યું છે તે મોટી ઉંમરના લોકો જીવનભર નથી કરી શકતા.
હરિયાણાના એક ગામમાં રહેતો 12 વર્ષના કાર્તિક જાખડેએ એક મોટી સફળતા હાંસલ કરી છે. માત્ર 12 વર્ષનો આ છોકરો આજે અમેરિકાની હાર્વર્ડ યુનિવર્સિટીમાં અભ્યાસ કરી રહ્યો છે. કાર્તિક જાખડેએ તૂટેલી સ્ક્રીનવાળા મોબાઈલ ફોન વડે એવું કારનામું કર્યું, જેના કારણે તેનું નામ ગિનિસ બુક ઓફ વર્લ્ડ રેકોર્ડમાં નોંધાયું છે. દિલ્હીથી 100 કિલોમીટર દૂર હરિયાણાના ઝજ્જર જિલ્લાના ઝાસવા ગામમાં રહેતા 12 વર્ષના કાર્તિક જાખડનું નામ ગિનિસ બુક ઑફ વર્લ્ડ રેકોર્ડમાં નોંધાયું છે.
કાર્તિકની સિદ્ધિ એ છે કે તેણે ત્રણ લર્નિંગ એપ્સની શોધ કરી છે. પરંતુ કાર્તિકે આ માટે કોઈ કોચિંગ લીધું ન હતું. મોબાઈલ ફોનમાં વીડિયો જોઈને જ ત્યાંથી શીખીને એપ્સ તૈયાર કરવામાં આવી છે. જે ફોન દ્વારા આઠમા ધોરણમાં અભ્યાસ કરતા કાર્તિકે કોડિંગ શીખીને એપ્સ બનાવી છે, તે મોબાઈલની સ્ક્રીન પણ તૂટી ગઈ હતી. કાર્તિકના પિતા અજીત સિંહ ખેતી કરે છે. કાર્તિકને ત્રણ બહેનો છે, જેમાંથી તે સૌથી નાનો છે. કાર્તિકના ઘરે ન તો ભણવા માટે ટેબલ ખુરશી છે અને ન તો તેના ગામ ઝાસવામાં ચોવીસ કલાક વીજળીની સુવિધા છે. કાર્તિક કહે છે કે ત્રીજા ધોરણથી જ તેને કંઈક અલગ કરવાની ઈચ્છા હતી.
કોરોનાના સમયગાળા દરમિયાન શાળાઓ બંધ હતી, ત્યારબાદ તેના પિતા ઓનલાઈન ક્લાસ માટે 8-10 હજારનો એન્ડ્રોઈડ ફોન લાવ્યા હતા. અભ્યાસ કર્યા પછી, કાર્તિકે YouTube પર કોડિંગ અને એપ્લિકેશન ડેવલપમેન્ટ વિશે વાંચ્યું. યુટ્યુબમાંથી જ સ્વ-તાલીમ લઈને પોતાની એપ્લિકેશન બનાવી. એપ બનાવતી વખતે પણ તેને ઘણી સમસ્યાઓનો સામનો કરવો પડ્યો હતો. કારણ કે ફોન હેંગ થતો હતો અને કાર્તિકને વારંવાર કોડિંગ કરવું પડતું હતું.
પ્રથમ એપ જનરલ નોલેજ સાથે સંબંધિત છે જેનું નામ લ્યુસેન્ટ જીકે ઓનલાઈન છે, બીજી એપ શ્રી રામ કાર્તિક લર્નિંગ સેન્ટર છે. જેમાં કોડિંગ અને ગ્રાફિક્સ ડિઝાઈનિંગ શીખવવામાં આવે છે અને ત્રીજી એપ ડિજિટલ એજ્યુકેશનને લગતી છે જેનું નામ શ્રી રામ કાર્તિક ડિજિટલ એજ્યુકેશન છે. આ લર્નિંગ એપ્લીકેશન દ્વારા તે એક સંસ્થામાં જોડાઈને લગભગ 45 હજાર જરૂરિયાતમંદ બાળકોને મફત ઓનલાઈન શિક્ષણ આપી રહ્યો છે. કાર્તિકને 12 વર્ષની ઉંમરમાં ઘણા એવોર્ડ મળ્યા છે. ચાઇલ્ડ પ્રોડિજી એવોર્ડ, ઓએમજી બુક ઓફ રેકોર્ડ્સ સહિત. કાર્તિકે OMG બુક ઓફ રેકોર્ડ્સમાં સાત અલગ-અલગ પ્રકારના રેકોર્ડ નોંધાવ્યા છે.
કાર્તિકે હાર્વર્ડ યુનિવર્સિટીની પ્રવેશ પરીક્ષા પાસ કરીને શિષ્યવૃત્તિ મેળવી હતી. કાર્તિક હાર્વર્ડમાંથી કમ્પ્યુટર સાયન્સમાં B.Sc ડિગ્રી કરી રહ્યો છે. કાર્તિક કહે છે કે ભલે તે અમેરિકાની હાર્વર્ડ યુનિવર્સિટીમાંથી અભ્યાસ કરી રહ્યો છે, પરંતુ આગળ જઈને તે ભારતમાં રહીને જ પોતાના દેશ માટે કંઈક કરશે. કાર્તિકનું સપનું છે કે તે કોમ્પ્યુટરના ક્ષેત્રમાં કંઈક એવું કરે જે આજ સુધી કોઈએ કર્યું નથી. તમામ મુશ્કેલીઓ અને પડકારો વચ્ચે પણ કાર્તિક સાબિત કરી રહ્યો છે કે મંઝિલ શું છે, રસ્તો શું છે ? હિંમત હોય તો શું ફરક પડે છે…!
