બોલિવુડ અભિનેત્રી કરીના કપૂર ખાન અવાર નવાર કોઇના કોઇ કારણસર ચર્ચામાં રહેતી હોય છે. તેની સાથે સાથે તેના દીકરાઓ પણ તેમની ક્યુટનેસ માટે ચર્ચામાં રહેતા હોય છે. હાલમાં જ કરીનાએ નવા વર્ષની ઉજવણી કરી હતી અને તે તેના દીકરા જેહ અને બહેન કરિશ્મા કપૂર સાથે પપ્પા રણધીર કપૂરના ઘરે જોવા મળી હતી. આ નવા વર્ષની ઉજવણી દરમિયાન કરીના કપૂર અને કરિશ્મા કપૂરની માતા બબીતા કપૂર પણ જોવા મળી હતી.
નવા વર્ષે કરીના જેહ સાથે રણધીર કપૂરને મળવા પહોંચી હતી. આ દરમિયાન તેની સાથે તેનો નાનો દીકરો જેહ અલી ખાન પણ હતો. જેહની ક્યુટનેસે સૌના દિલ જીતી લીધા હતા. ફોટોગ્રાફરોએ જેહની ઘણી ક્યુટ તસવીરો ક્લિક કરી હતી. તેના ફોટા ક્લિક થતા જોઈને જેહ પણ કેમેરામેનને વારંવાર જોતો જોવા મળ્યો હતો. તેના ઘણા ફોટા અને વીડિયો સોશિયલ મીડિયા પર વાયરલ થઈ રહ્યા છે.
નાના રણધીર કપૂરના ઘરે પહોંચેલા કરીના, કરિશ્મા અને જેહને મળવા નાની બબીતા પણ પહોંચ્યા હતા. નાનાને મળ્યા પછી, જ્યારે જેહ માતા કરીના કપૂર સાથે કારમાંથી નીકળ્યો, ત્યારે નાની બબીતાએ પ્રેમથી તેના ગાલ ખેંચ્યા. આટલું જ નહીં, માતાના ખોળામાં બેસીને જેહ લાંબા સમય સુધી બારીમાંથી નાનીને જોતો રહ્યો. નૈનીના ખોળામાં જેહ ફરી ફરીને કેમેરામેનને વારંવાર જોતો રહ્યો.
આ દરમિયાન કરીના સિમ્પલ લુકમાં જોવા મળી હતી.કરીના કપૂરનો પુત્ર જેહ અલી ખાન હવે વધુ લાઇમલાઇટમાં દેખાવા લાગ્યો છે. જેહ ઘણીવાર નૈની અથવા તેની માતા સાથે મુંબઈના રસ્તાઓ પર ફરતો જોવા મળે છે. રણધીર કપૂરના ઘરે બહેન કરીના કપૂરની લાંબા સમયથી રાહ જોઈ રહેલી કરિશ્મા કપૂરે બેબોને જોઈને બંને હાથ મિલાવ્યા અને પૂછ્યું કે આટલું મોડું કેમ થયું.
આ પ્રસંગે હાજર બબીતા કપૂરે પણ ફોટોગ્રાફર્સને જોઈને પોઝ આપ્યા હતા. આ દરમિયાન બબીતાએ સુરક્ષાને ધ્યાનમાં રાખીને માસ્ક પહેર્યું હતું. બબીતા, કરિશ્મા કપૂર અને કરીના કપૂર આ દરમિયાન મેકઅપ વગર જોવા મળી હતી.
માતા અને બંને પુત્રીઓ કેઝ્યુઅલ લુકમાં હતી. ત્રણેયએ પોતાના વાળ ખુલ્લા રાખ્યા હતા. ઉલ્લેખનીય છે કે, કરીના અને સૈફે નવા વર્ષનુ સેલિબ્રેશન સોહા અલી ખાન અને કુણાલ ખેમુ સાથે કર્યુ હતુ, જેની ઘણી તસવીરો સોશિયલ મીડિયા પર વાયરલ થઇ હતી. આ દરમિયાન બેબો રેડ લુકમાં જોવા મળી હતી.
તમને જણાવી દઈએ કે ગયા મહિને જ કરીના કપૂરનો કોવિડ ટેસ્ટ પોઝિટિવ આવ્યો હતો. જે બાદ તેને બે અઠવાડિયા સુધી આઈસોલેશનમાં રહેવું પડ્યું હતું. કરીના કપૂર કોરોનાને હરાવીને ફરી એકવાર તેના સામાન્ય જીવનમાં પાછી આવી છે.
ઉલ્લેખનીય છે કે, 7 ડિસેમ્બરે કરીના કપૂર અને અમૃતા અરોરા અનિલ કપૂરની દીકરી રિયા કપૂરના ઘરે ડિનર માટે જોવા મળી હતી. જે બાદ તે કરણ જોહરના ઘરે ડિનર પર પહોંચી હતી. જે બાદ 12 ડિસેમ્બરે તેમનો કોવિડ ટેસ્ટ પોઝિટિવ આવ્યો હતો. કરીના કપૂરની આગામી ફિલ્મની વાત કરીએ તો તે લાલ સિંહ ચઢ્ઢા છે. આ ફિલ્મમાં તે આમિર ખાનની સાથે જોવા મળશે.
View this post on Instagram
