અભિષેક શર્મા અને વૈભવ સૂર્યવંશીની આક્રમક બેટિંગના આધારે ભારતે ત્રીજી T20 મેચમાં ન્યૂઝીલેન્ડને 6 વિકેટથી હરાવીને પાંચ મેચની સિરીઝમાં ૩-૦ની અજેય સરસાઈ મેળવી લીધી છે. ન્યૂઝીલેન્ડે આપેલા 199 રનના મોટા લક્ષ્યાંકને ભારતીય ટીમે માત્ર 13.2 ઓવરમાં જ 4 વિકેટ ગુમાવીને સર કરી લીધો હતો.
આ મેચમાં ભારતીય ઓપનરોએ રેકોર્ડઝની ઝરમર વરસાવી હતી. અભિષેક શર્માએ માત્ર 35 બોલમાં શાનદાર સદી ફટકારીને T20 ઇન્ટરનેશનલ કરિયરની ચોથી સેન્ચુરી નોંધાવી હતી, જ્યારે યુવા બેટર વૈભવ સૂર્યવંશીએ માત્ર 19 બોલમાં 45 રનની ધમાકેદાર ઇનિંગ રમી હતી. આ બંનેની રેકોર્ડબ્રેક ભાગીદારીને કારણે ભારતે માત્ર 5 ઓવરમાં જ 100 રન પૂરા કરી લીધા હતા, જે T20 ઇન્ટરનેશનલમાં સૌથી ઝડપી ટીમ સેન્ચુરી છે. આ ઉપરાંત, પાવરપ્લેની 6 ઓવરમાં વિના વિકેટે 118 રન બનાવીને ભારતે નવો વર્લ્ડ રેકોર્ડ પણ પોતાના નામે કર્યો છે.
