Shalimar-Chennai Coromandel Express Derailed: ઓડિશાના બાલાસોરમાં 2 જૂન શુક્રવારના રોજ સાંજે એક મોટો ટ્રેન અકસ્માત થયો. અહીં કોલકાતા પાસે શાલીમાર સ્ટેશનથી ચેન્નાઇ સેંટ્રલ સ્ટેશન જઇ રહેલી કોરોમંડલ એક્સપ્રેસ માલગાડી સાથે ટકરાવાને કારણે પાટા પરથી ઉતરી ગઇ હતી. રેલવે પ્રવકતા અમિતાભ શર્માએ આ અકસ્માતની પૂરી જાણકારી આપતા જણાવ્યુ કે- હાવડા જઇ રહેલી 12864 બેંગલુરુ-હાવડા સુપરફાસ્ટ એક્સપ્રેસના કેટલાક ડબ્બા બાહાનગા બજારમાં પાટા પરથી ઉતરી ગયા હતા અને અન્ય ટ્રેક પર પડી ગયા હતા.
આ પાટા પરથી ઉતરી ગયેલા કોચ 12841 શાલીમાર-ચેન્નઈ કોરોમંડલ એક્સપ્રેસ સાથે અથડાયા અને તેના કોચ પણ પલટી ગયા,” તેમણે કહ્યું. અધિકારીએ જણાવ્યું કે, કોરોમંડલ એક્સપ્રેસના ડબ્બા પાટા પરથી ઉતરી ગયા બાદ માલગાડી સાથે અથડાયા હતા, જેના કારણે માલગાડી પણ દુર્ઘટનાનો ભોગ બની હતી. પ્રવક્તા અમિતાભ શર્માએ જણાવ્યું હતું કે હાલમાં રેલવે બચાવ કામગીરીમાં વ્યસ્ત છે. અમિતાભ શર્માએ રેલવે દ્વારા જારી કરવામાં આવેલા હેલ્પલાઈન નંબર વિશે પણ માહિતી આપી હતી.
તેમણે કહ્યું કે હાવડા માટે હેલ્પલાઇન નંબર 26382217, ખડગપુર 8972073925, 9332392339, બાલાસોર 8249591559, 7978418322 છે. આ અકસ્માતમાં 230થી વધારે લોકોના મોત થયા છે, જ્યારે સેંકડો લોકો ઘાયલ થયા છે. સુપરફાસ્ટ ટ્રેનના પલટી ગયેલા કોચમાં હજુ ઘણા લોકો ફસાયા હોવાની આશંકા છે. આ અકસ્માત એટલો ગંભીર હતો કે ઘણા કોચ દૂર દૂર પડી ગયા હતા.
વિશેષ રાહત કમિશનરની કચેરીએ જણાવ્યું કે કલેક્ટર, બાલાસોરને પણ તમામ જરૂરી વ્યવસ્થા કરવા માટે સ્થળ પર પહોંચાવા અને જો રાજ્ય સ્તરેથી કોઈ વધારાની મદદની જરૂર હોય તો SRCને જાણ કરવા નિર્દેશ આપવામાં આવ્યો છે. પશ્ચિમ બંગાળના મુખ્યમંત્રી મમતા બેનર્જીએ ટ્વીટ કર્યું, “જાણીને આઘાત લાગ્યો કે શાલીમાર-કોરોમંડલ એ પશ્ચિમ બંગાળથી મુસાફરોને લઈ જતી ટ્રેન આજે સાંજે બાલાસોર પાસે એક માલગાડી સાથે ટકરાઇ અને બહાર જતા અમારા કેટલાક લોકો ગંભીર રીતે ઘાયલ થયા.
અમે અમારા લોકોની સુખાકારી માટે ઓડિશા સરકાર અને દક્ષિણ પૂર્વ રેલવે સાથે સંકલન કરી રહ્યા છીએ.અમારા આપાતકાલીન કંટ્રોલ રૂમને 033- 22143526/22535185 નંબર સાથે સક્રિય કરવામાં આવ્યો છે. બચાવ, પુનઃપ્રાપ્તિ, સહાયતા અને સહાયતા માટે સમન્વય કરી રહ્યા છે. અમે ઓડિશા સરકાર અને રેલવે સત્તાવાળાઓને સહકાર આપવા અને બચાવ કામગીરીમાં મદદ કરવા માટે 5-6 સભ્યોની નિમણૂક કરી રહ્યા છીએ. ઘટનાસ્થળે એક ટીમ મોકલી રહ્યાં છીએ. હું, મુખ્ય સચિવ અને અન્ય વરિષ્ઠ અધિકારીઓ વ્યક્તિગત રીતે સતત પરિસ્થિતિ પર નજર રાખી રહ્યા છીએ.”
#WATCH | Odisha Train accident: At around 7pm, 10-12 coaches of the Shalimar-Chennai Coromandel Express derailed near Baleswar and fell on the opposite track. After some time, another train from Yeswanthpur to Howrah dashed into those derailed coaches resulting in the derailment… pic.twitter.com/Fixk7RVfbq
— ANI (@ANI) June 2, 2023
