રશિયા અને યુક્રેન વચ્ચે હાલ યુદ્ધ ચાલી રહ્યુ છે અને આ યુદ્ધનો આજે નવમો દિવસ છે, જયાં એકબાજુ રશિયન સૈનિકો યુક્રેન પર હુમલો બોલાવી રહ્યા છે ત્યાં યુક્રેન પણ જૂકવા તૈયાર નથી અને તે રશિયાના હુમલાનો સામનો કરી રહ્યુ છે. આ વચ્ચે ન્યુક્લિયર પાવર પ્લાન્ટ પર રશિયા દ્વારા હુમલો કરવામાં આવ્યો હતો અને તેમાં ભીષણ આગ લાગી ગઇ હતી. હવે આ બદા વચ્ચે ભારતીય વિદ્યાર્થીઓ આવી પરિસ્થિતિમાં ત્યાં ફસાયા છે. તે લોકોને પરત લાવવા માટે પણ મોદી સરકાર ઘણા પ્રયાસો કરી રહી છે. આ દરમિયાન એક દરિયાદિલીની કહાની સામે આવી છે. રશિયન હુમલા દરમિયાન હરિયાણાના અંકિતે પાકિસ્તાની યુવતીનો જીવ બચાવ્યો અને તેને રોમાનિયા બોર્ડર પર લઈ ગયો.
અંકિત ત્યાંની પોલિટેકનિક ઇન્સ્ટિટ્યૂટમાં યુક્રેનિયન ભાષાનો વિદ્યાર્થી છે. દૈનિક ભાસ્કરની રિતુ લાંબા સાથે વાત કરતાં અંકિતે જણાવ્યું કે 25 ફેબ્રુઆરીએ બપોરે 2.30 વાગ્યે સંસ્થાથી ત્રણ કિલોમીટર દૂર બ્લાસ્ટ થયો હતો. જે બાદ લગભગ 80 વિદ્યાર્થીઓને બંકરમાં મોકલવામાં આવ્યા હતા. તેઓમાં હું એકમાત્ર ભારતીય હતો. ત્યાં એક પાકિસ્તાની છોકરી મારિયા હતી જે ખૂબ જ ડરી ગઈ હતી. આજુબાજુ સતત વિસ્ફોટો થયા પછી, મેં ત્યાંથી જવાનું નક્કી કર્યું. તેણે કહ્યું કે જ્યારે મારિયાને મારા બહાર નીકળવાની ખબર પડી તો તેણે પણ સાથે જવા વિનંતી કરી. તેના પરિવાર સાથે ફોન પર વાતચીત થઈ અને 28 ફેબ્રુઆરીએ અમે બંને કિવના બગજાલા રેલ્વે સ્ટેશન માટે પગપાળા નીકળ્યા. બે દિવસ કંઈ ખાધું નહિ. તે ચાલવામાં અસમર્થ હતી.
હું તેનો સામાન લઈને ગોળીબાર ટાળીને 5 કિમી ચાલીને સ્ટેશન પહોંચ્યો. ત્યાં ઘણી ભીડ હતી. ત્રણ ટ્રેન ચૂકી ગઇ હતી. અંકિતે જણાવ્યું કે તે જ દિવસે સાંજે 6 વાગે તે કોઈક રીતે ટ્રેનમાં ચડી ગયો હતો. એક કલાકની મુસાફરી બાદ ટ્રેકની બાજુમાં જોરદાર ધડાકો થયો હતો. ગોળીબાર શરૂ થયો. એક ગોળી અમારા માથા ઉપર બારીમાંથી પસાર થઈ. ટ્રેનમાં બધા જ શ્વાસ રોકીને સૂઈ ગયા. અંતે 1 માર્ચે ટેર્નોપિલ સ્ટેશન પર પહોંચ્યો. ત્યાં મારિયા પાકિસ્તાની દૂતાવાસના અધિકારીઓ સાથે સંપર્કમાં આવી. સત્તાવાળાઓએ અમને ટેર્નોપીલ મેડિકલ યુનિવર્સિટીની હોસ્ટેલમાં મૂક્યા. અમારા માટે કોફી, બ્રેડ, સૂપની વ્યવસ્થા કરી.
પાકિસ્તાની એમ્બેસીએ અંકિતના વખાણ કરતાં લખ્યું કે એક ભારતીય છોકરો અંકિત અમારી દીકરીને અમારી પાસે લાવ્યો અને અમારું બાળક બચી ગયું. પુત્ર ! ખુબ ખુબ આભાર હવે સમય આવી ગયો છે કે બંને દેશોના લોકો એકબીજાના પગ ન ખેંચે, પરંતુ પ્રેમ અને સમર્થન દર્શાવે. આપણા બાળકો આપણી નફરત કરતા વધુ મહત્વના છે. અંકિતે જણાવ્યું કે અમને બંનેને પાકિસ્તાન એમ્બેસીએ પોતાના ખર્ચે ટેર્નોપિલથી રોમાનિયા બોર્ડર સુધી બસ દ્વારા મોકલ્યા હતા. બસ ડ્રાઇવરે અમને 15-20 કિમી અગાઉથી નીચે ઉતારી દીધા હતા.
ત્યાંથી પગપાળા બોર્ડર પર જવાનું હતું. જ્યારે તેઓ સરહદ પર પહોંચ્યા ત્યારે હજારો લોકો હતા. હજુ સુધી અમને રોમાનિયા કેમ્પમાં પ્રવેશ મળ્યો નથી. હું બુધવારથી ભારતીય દૂતાવાસનો સંપર્ક કરી રહ્યો છું પરંતુ કોઈ જવાબ નથી મળ્યો. તાપમાન માઈનસ છે. મને તાવ છે અને મારું શરીર ખરાબ રીતે દુખે છે. હજુ સુધી કોઈ તબીબી મદદ મળી નથી. સ્થાનિક લોકો વિદ્યાર્થીઓને મદદ કરી રહ્યા છે. ઉલ્લેખનીય છે કે, પાકિસ્તાની અધિકારીઓ હરિયાણાના અંકિતના વખાણ કરી રહ્યા છે.
