“ચણિયા ટોળી – રંગ, રાસ અને રસથી ભરપૂર ફિલ્મ,
જે હૃદયને સ્પર્શી જાય અને ચહેરે સ્મિત છોડી જાય!”
શરૂઆતથી અંત સુધી મજા અને સંદેશ
ગુજરાતી સિનેમા છેલ્લા કેટલાક વર્ષોમાં અનેક નવા વિષયો અને પ્રયોગો કરી રહ્યો છે. ‘ચણિયા ટોળી’ એ આ જ પ્રવાહને આગળ ધપાવતી એવી ફિલ્મ છે જે મનોરંજન સાથે સામાજિક સંદેશ આપે છે.ફિલ્મની વાર્તા સામાન્ય લાગે છે, પરંતુ તેનું પ્રેઝન્ટેશન તાજગીભર્યું છે. દિવાળીના તહેવાર દરમિયાન આવી રંગીન અને હળવી ફિલ્મ જોવાનો આનંદ અલગ જ લાગે છે.
મજેદાર કહાની
‘ચણિયા ટોળી’ની કથા એક નાના ગામમાં રહેતા શિક્ષક (યશ સોની)ની છે, જે ગામની મહિલાઓને તાલીમ આપે છે. પરંતુ એક રસપ્રદ વળાંક આવે છે જ્યારે આ મહિલાઓ બેંક લૂંટની યોજના ઘડે છે ! આ અણધારી કહાનીમાં હાસ્ય, સંદેશ અને રોમાંચ ત્રણેય તત્વો છે, જે ફિલ્મને મનોરંજનસભર અને સાથે વિચારપ્રેરક પણ બનાવે છે. આ વિચાર “ફન” સાથે જોડાયેલો હોવા છતાં, ફિલ્મ અંતે એક ખૂબ સુંદર સંદેશ આપે છે – “મહિલાઓને તક આપો, તેઓ ચમત્કાર કરી શકે છે.”
અભિનય – જીવંત અને હૃદયસ્પર્શી
યશ સોની ફિલ્મનો જીવ છે. શિક્ષક તરીકે તેમની સીધી, નિષ્કપટ અને સમજદાર છબી ખૂબ અસરકારક લાગે છે. મહિલા કલાકારોએ પણ ગ્રામ્ય સ્ત્રીઓની છબીને ખૂબ સજીવ બનાવી છે. હાસ્ય પળો પણ બળજબરી લાગતા નથી — સંવાદો સ્વાભાવિક છે અને કેટલીક જગ્યાએ દર્શકોને થોડી વિચારણા પણ કરાવે છે.
દિગ્દર્શન – હાસ્ય અને સંદેશ વચ્ચેનું સંતુલન
દિગ્દર્શક જય બોડાસ અને પાર્થ ત્રિવેદીએ વાર્તામાં રોમાંચ, હાસ્ય અને ભાવનાનો સરસ મિશ્રણ રજૂ કર્યો છે. ફિલ્મનો પ્રથમ ભાગ હળવો અને મસ્તીભર્યો છે, જ્યારે બીજો ભાગ ધીમે ધીમે ગંભીર વિષય તરફ વળે છે.તેઓએ ગ્રામ્ય જીવન, મહિલાઓની એકતા અને દિવાળીના ઉજાસને રંગીન રીતે રજૂ કર્યું છે.
સંગીત અને ટેકનિકલ પાસા
ફિલ્મનું ટાઇટલ ગીત “ચણિયા ટોળી રે…” પહેલેથી જ લોકપ્રિય બની ગયું છે. સંગીતમાં લોકસંગીતની સુગંધ અને આધુનિક તાલનો સરસ મેળ છે.બેકગ્રાઉન્ડ સ્કોર દૃશ્યોને જીવંત બનાવે છે, ખાસ કરીને ક્લાઇમૅક્સમાં.સિનેમેટોગ્રાફી – ગુજરાતના ગામડાની સુંદરતા, રંગબેરંગી ચણિયાચોળી અને દિવાળીના શણગાર – બધું આંખને ભાવે તે રીતે ફિલ્માવવામાં આવ્યું છે.
View this post on Instagram
ચણિયા ટોળીનું સોંગ ‘તને જોઈને દિલ મારું ડોલે કે પોંજરામાં પોપટ બોલે…’ ગીત પણ મજેદાર છે. આ ગીત રાકેશ બારોટ તથા જાહન્વી શ્રીમાંકરે ગાયું છે અને મનુ રબારીએ લખ્યું છે. ફિલ્મમાં સંગીત કેદાર ભાર્ગવનું છે. સોંગની કોરિયોગ્રાફી પ્રિન્સ ગુપ્તાએ કરી છે.
View this post on Instagram
ડાયલોગ્સ અને સ્ક્રીનપ્લે
ફિલ્મના સંવાદોમાં ગુજારતી જાજરમાનપણું અને સરળતા બંને છે. ‘ચણિયા ટોળી’ એવી ફિલ્મ છે જે તમને હસાવશે, ભાવુક પણ બનાવશે અને વિચારવા મજબૂર પણ કરશે. દિવાળીના ઉત્સવમાં પરિવાર સાથે થિયેટરમાં જોવા જેવી હળવી પરંતુ હૃદયસ્પર્શી ફિલ્મ.
View this post on Instagram
