રાજ્યમાં આજે અતિભારે વરસાદની આગાહી છે. સૌરાષ્ટ્ર અને દક્ષિણ ગુજરાતમાં મુશળદાર વરસાદ આવી શકે છે. હવામાન વિભાગથી લઈ હવામાન નિષ્ણાંત અંબાલાલ પટેલ, પરેશ ગોસ્વામીએ પણ વરસાદને લઈને આગાહી વ્યક્ત કરી છે, 19 જૂને રાજ્યમાં ભારે વરસાદની ચેતવણી પણ જારી કરી છે, જેમાં ડાંગ, સુરત, નવસારી, વલસાડ, દમણ અને દાદરા નગર હવેલીમાં ભારેથી અતિભારે વરસાદની ચેતવણી આપવામાં આવી છે. આ સાથે ગીર સોમનાથ, સાબરકાંઠા, અરવલ્લી, મહિસાગર, દાહોદ, તાપી, ભરૂચ, ભાવનગર અને અમરેલીમાં યલો એલર્ટ જાહેર કરવામાં આવ્યું છે.
રાજ્યમાં થોડા દિવસોથી પ્રી-મોન્સૂન એક્ટિવિટી ચાલી રહી હતી, પરંતુ છેલ્લા 2 દિવસથી રાજ્યમાં ચોમાસુ શરૂ થઈ ગયું છે. જેના કારણે સર્વત્ર હળવો વરસાદ પડી રહ્યો છે. હવામાન વિભાગ મુજબ આગામી 3 કલાકમાં અમદાવાદ, ખેડા, કચ્છ, મોરબી, સુરેન્દ્રનગર, બનાસકાંઠા, પાટણ, મહેસાણા, સાબરકાંઠા, અરવલ્લી, ગાંધીનગર, બોટાદ, ભાવનગર, સુરત, તાપી, ડાંગ, નવસારી અને વલસાડ જિલ્લામાં ભારે વરસાદની આગાહી કરવામાં આવી છે. રાજ્યમાં સતત વરસાદને કારણે ઘણા જિલ્લાઓમાં વીજળી ગુલ થવાની સમસ્યા સર્જાઈ છે. જેમાં રાજકોટ, સૌરાષ્ટ્ર, કચ્છનો સમાવેશ થાય છે. વરસાદને કારણે ભાવનગર, મોરબી, અમરેલીના ગામડાઓમાં વીજળીનો અભાવ હોવાથી સમસ્યા વધી ગઈ છે.
હવામાન વિભાગે 21 જૂન માટે 12 જિલ્લામાં યલો એલર્ટ જારી કર્યું છે. જ્યારે સુરેન્દ્રનગર, પોરબંદર, બોટાદ, અમદાવાદ, આણંદ, ભરૂચ, જૂનાગઢમાં રેડ એલર્ટ આપવામાં આવ્યું છે. આ ઉપરાંત મહેસાણા, સાબરકાંઠા, પાટણ, ગાંધીનગર, અરવલ્લી, સુરત, બનાસકાંઠા, પાટણ, વડોદરા જેવા શહેરોમાં પણ ઓરેન્જ એલર્ટ જાહેર કરવામાં આવ્યું છે. સાથે દક્ષિણ પશ્ચિમ ચોમાસુ ઉત્તર અરબી સમુદ્ર અને ગુજરાતના કેટલાક ભાગોમાં આગળ વધ્યું છે. જ્યારે ગુજરાત અને તેની આસપાસના વિસ્તારોમાં રચાયેલા ઓછા દબાણવાળા ક્ષેત્ર અને સંકળાયેલ વાયુ ચક્રવાતી પરિભ્રમણને કારણે આગામી દિવસોમાં વધુ વરસાદની સંભાવના છે.
હવામાન વિભાગે ભારે વરસાદને લઈને યલો એલર્ટ જાહેર કર્યું છે. IMDએ જણાવ્યું કે, 25 જૂન સુધી આંધી તોફાન સાથે ભારે વરસાદના આગાહી છે. હવામાન વિભાગ (IMD)એ જણાવ્યું કે, આગામી ચાર દિવસ દરમિયાન દાહોદ, પોરબંદર, વલસાડ, જૂનાગઢ, ગીર સોમનાથ, ભાવનગર, સુરત, ભરૂચ, નવસારી અને ડાંગ સહિત ગુજરાતના ઘણા વિસ્તારોમાં ભારે વરસાદની આગાહી છે.18 વર્ષ બાદ માત્ર 2 દિવસમાં દક્ષિણ-પશ્ચિમ ચોમાસાએ ગુજરાતને સર કર્યું છે. ચાલુ ચોમાસે રાજ્યમાં સરેરાશ 882 મીમી (સવા 35 ઇંચ) વરસાદની જરૂરીયાત છે. છેલ્લા 4 દિવસના એકધારા વરસાદના કારણે રાજ્યમાં સરેરાશ 92.39 મીમી (સાડા 3 ઇંચથી થોડો વધુ) વરસાદ થઈ ગયો છે. એમ કે સિઝનનો 10.46% વરસાદ મળી ચૂક્યો છે.
ગુજરાતમાં ચોમાસાની શરૂઆત સાથે જ સર્વત્ર સતત વરસાદ પડી રહ્યો છે. જો કે, સામાન્ય લોકોને ગરમીથી રાહત મળી છે, પરંતુ દૈનિક પ્રવૃત્તિઓ પર અસર જોવા મળી રહી છે. આ ઉપરાંત અનેક જગ્યાએ પાણી ભરાઈ ગયા છે. તમને જણાવી દઈએ કે, IMDએ માછીમારોને દરિયામાં ન જવાની સલાહ પણ આપી છે અને કેટલાક ભાગોમાં વીજળી પણ પડી છે. બીજી તરફ હવામાન વિભાગે ભારે વરસાદને લઈને ઘણા જિલ્લાઓમાં રેડ એલર્ટ જાહેર કર્યું છે. IMDએ લોકોને સાવધાની રાખવાની અપીલ કરી છે અને જો કોઈ કામ ન હોય તો બિનજરૂરી રીતે બહાર ન નીકળવાની સલાહ આપી છે. સાથે તતંત્ર પણ એલર્ટ બન્યું છે.
