ગુજરાતના બનાસકાંઠા જિલ્લામાં બોલેરો અને બસની વચ્ચે અકસ્માતથી એક દંપતી અને તેમના પુત્રો સહીત પાંચ લોકોની મોત થઇ ગઈ છે અને નવથી વધુ ઘાયલ થયા છે. પોલીસે આ માહિતી આપી હતી. પોલીસે જણાવ્યું હતું કે આ અકસ્માત સાંજે લગભગ 4:30 વાગ્યે અમિરગઢ શહેર નજીક થયો હતો.
પોલીસે જણાવ્યું હતું કે બોલેરો સાથે ટકરાયેલી બસ રાજસ્થાન રાજ્ય પથ પરિવહનની હતી.અમીરગઢના પોલીસ ઇન્સ્પેક્ટર એસ.કે. પરમારે કહ્યું, “આ હદસો તયારે થયો જયારે બસ રાજસ્થાનના સિહોરી તરફ જઈ રહી હતી.” પ્રારંભિક તપાસમાં બહાર આવ્યું છે બોલેરોનો ડ્રાઇવર હાઈવે પર ખોટી દિશામાં બેદરકારીથી ડ્રાઇવિંગ કરતો હતો અને આ અકસ્માતમાં ડ્રાઈવરનું પણ મોત નીપજ્યું હતું.”
તેમણે કહ્યું કે બોલેરો ડ્રાઈવર દિલીપ ખોખારિયા (32) સિવાય, અન્ય ચાર લોકો પણ અકસ્માતમાં મૃત્યુ પામ્યા હતા. પરમારે કહ્યું કે આ અકસ્માતમાં બસમાં છ લોકો સહિત નવ વ્યક્તિઓ ઘાયલ થયા છે. અધિકારીએ જણાવ્યું હતું કે મૃતકની ઓળખ ખોખારિયાની પત્ની મેવલિબેન (28), તેમના બે પુત્રો રોહિત (6) અને ઋત્વિક (3) તરીકે કરવામાં આવી છે.
તે જ સમયે, અન્ય મૃતકને સુંદરીબેન સોલંકી (60) તરીકે ઓળખવામાં આવ્યો છે. તે બધા અમીરગઢ તાલુકામાં ધનપુરાના રહેવાસી હતા.પરમારે કહ્યું, “બોલેરો ડ્રાઇવર ખોટી દિશાથી હાઇવેમાં પ્રવેશ્યો અને તેની કારની બસ સાથે ટકરાઈ ગઈ. બસ અમદાવાદથી સિરોહી જઇ રહી હતી. જોકે બસ ડ્રાઇવરે ટક્કર ટાળવાનો પ્રયાસ કર્યો, પરંતુ તે તેમાં સફળ થયો નહીં, કેમ કે બોલેરો ખોટી દિશાથી આવી રહી હતી. “
