તમે આકાશમાં પક્ષીઓને ઉડતા જોયા જ હશે. પક્ષીઓને ઉડતા જોવાનું અદ્ભુત છે. શું તમે ક્યારેય વિચાર્યું છે કે ઉડતી વખતે પક્ષીઓ કેવી રીતે ઉડે છે? એ વાત તો આપણે બધા જ જાણીએ છીએ કે પક્ષીઓ પાંખોના સહારે હજારો ફૂટની ઊંચાઈ ઉપર ઉડી શકે છે, પરંતુ તેની પાછળ પણ એક કારણ રહેલું હોય છે.
ત્યારે હાલ સોશિયલ મીડિયામાં એક વીડિયો સામે આવ્યો છે, જેમાં એક પક્ષી હજારો ફૂટની ઊંચાઈએ ઉડતું જોવા મળી રહ્યું છે. રસપ્રદ વાત એ છે કે આ પક્ષીની સાથે એક વ્યક્તિ પણ હવામાં ઉડી રહ્યો છે. પૃથ્વીનો અદ્ભુત નજારો ઊંચાઈ પરથી પણ જોઈ શકાય છે. વીડિયોમાં જોઈ શકાય છે કે કેવી રીતે એક વ્યક્તિ પેરાશૂટની મદદથી હવામાં ઉડી રહ્યો છે.
તેની સાથે એક પક્ષી પણ હવામાં ઉડી રહ્યું છે. લીલા જંગલો અને ઊંચી ઇમારતો નીચે દૃશ્યમાન છે. એવું લાગે છે કે તે ગીધ અથવા ગરુડ જેવું પક્ષી છે. આ વિડિયો હાલમાં જ ઈન્સ્ટાગ્રામ પર ધ ગ્રેટ પ્લેનેટ નામના એકાઉન્ટથી પોસ્ટ કરવામાં આવ્યો છે. જેમાં વ્યક્તિ પક્ષી સાથે હવામાં ઉડતો જોવા મળે છે. તેણે ઉડવા માટે પેરાશૂટ કે ગ્લાઈડરનો ઉપયોગ કર્યો છે.
વીડિયોના કેપ્શનમાં જણાવવામાં આવ્યું છે કે આ વીડિયો બ્રાઝિલના સેરા દા અરતાન્હાનો છે. આ વીડિયો સોશિયલ મીડિયા પર ઘણો વાયરલ થઈ રહ્યો છે. વીડિયોમાં તમે જોઈ શકો છો કે કેવી રીતે પક્ષી ક્યારેક-ક્યારેક વ્યક્તિના ગ્લાઈડર/પેરાશૂટ પર બેસી જાય છે અને વ્યક્તિ તેને સ્નેહ કરવા લાગે છે. આ વીડિયોને અત્યાર સુધીમાં લાખો વ્યૂઝ મળી ચૂક્યા છે.
View this post on Instagram
ઘણા લોકોએ આ વીડિયો પર કોમેન્ટ કરીને પોતાનો પ્રતિભાવ પણ આપ્યો છે. કેટલાક લોકોએ અનુમાન લગાવ્યું કે પક્ષી તે વ્યક્તિનું પાલતુ છે કારણ કે તેના પગ સાથે ટેગ બાંધેલું જોવા મળે છે. આ ઉપરાંત કેટલાક લોકોએ કહ્યું કે આ વીડિયો રોમાંચક છે. ઘણા યુઝર્સે એમ પણ કહ્યું કે જો પક્ષી તેનો પંજો પેરાશૂટ પર અથડાવે તો વ્યક્તિ અકસ્માતનો ભોગ બની શકે છે.
