કેનેડામાં લક્ષ્મીનારાયણ મંદિરના અધ્યક્ષના દીકરાના ઘરે ફાયરિંગ, પહેલા પણ મળી ચુકી છે ધમકી
Firing Temple President Son Home : વિદેશમાં રહેતા ભારતીયો પર હુમલા થવાની ઘટનાઓ અવાર નવાર સામે આવતી હોય છે, ઘણીવાર વિદેશમાં હિન્દૂ મંદિરોને પણ નિશાન બનાવવામાં આવે છે. ત્યારે હાલ એક એવી જ ઘટના કેનેડમાંથી સામે આવી છે. જ્યાં બુધવારે સવારે કેટલાક અજાણ્યા બંદૂકધારીઓએ લક્ષ્મી નારાયણ મંદિરના પ્રમુખ સતીશ કુમારના પુત્રના ઘરે ગોળીબાર કર્યો હતો. જોકે આમાં કોઈને ઈજા થઈ નથી. ઘટનાની જાણ થતાં જ પોલીસે ઘટનાસ્થળે પહોંચી તપાસ શરૂ કરી હતી.
હિન્દૂ મંદિરના પ્રમુખના દીકરાના ઘરે ગોળીબાર :
ગોળીબાર સરેમાં 80મી એવન્યુના 14900 બ્લોકમાં એક નિવાસસ્થાને થયો હતો. સરે પોલીસના મીડિયા રિલેશન ઓફિસર કોન્સ્ટેબલ પરમબીર કાહલોનના જણાવ્યા અનુસાર, ઘરમાં ઘણી જગ્યાએ ગોળીઓના છિદ્રો હતા. આ ઘટનાથી સ્થાનિક ભારતીયોમાં રોષ છે. 27 ડિસેમ્બર, 2023 ના રોજ, આશરે સવારે 8:03 વાગ્યે, સરે રોયલ કેનેડિયન માઉન્ટેડ પોલીસ (RCMP) ને 80 એવન્યુના 14900 બ્લોકમાં રહેઠાણ પર ગોળી ચલાવવામાં આવી હોવાનો અહેવાલ મળ્યો. આના પર તે તરત જ ત્યાં પહોંચી ગયો અને તપાસ શરૂ કરી.
પોલીસે કરી રહી છે તપાસ :
હુમલાખોરોની હજુ સુધી ઓળખ થઈ શકી નથી. પોલીસે સરેના લક્ષ્મી નારાયણ મંદિરને તાજેતરની ધમકીઓ સાથે હુમલાના કોઈ જોડાણની પુષ્ટિ કરી નથી. પોલીસે આ વિસ્તારના કેટલાક લોકોની પૂછપરછ કરી અને સીસીટીવી ફૂટેજ માટે પડોશમાં દરોડા પાડ્યા. પોલીસ અધિકારીઓ આ ઘટના પાછળ હુમલાખોરોનો હેતુ શું હતો તે જાણવાનો પ્રયાસ કરી રહ્યા છે. પોલીસે આ કેસ અંગે કોઈને પણ માહિતી હોય તો તેમનો સંપર્ક કરવા જણાવ્યું છે.
અગાઉ પણ મળી હતી ધમકી :
નવેમ્બરની શરૂઆતમાં, ભારતીય મૂળના કેનેડિયન સાંસદ ચંદ્ર આર્યએ સરેમાં ખાલિસ્તાન સમર્થકોનો એક કથિત વીડિયો શેર કર્યો હતો જેમાં દાવો કરવામાં આવ્યો હતો કે તેઓ ત્યાંના હિન્દુ લક્ષ્મી નારાયણ મંદિરમાં મુશ્કેલી ઊભી કરવા માગે છે. તેણે લખ્યું, “ગયા અઠવાડિયે, કેટલાક અહેવાલો અનુસાર, ખાલિસ્તાન સમર્થકોએ સરે, બીસીમાં એક શીખ ગુરુદ્વારા બહાર એક શીખ પરિવાર સાથે દુર્વ્યવહાર કર્યો. “હવે એવું લાગે છે કે એ જ ખાલિસ્તાન જૂથ સરેના હિન્દુ લક્ષ્મી નારાયણ મંદિરમાં મુશ્કેલી ઊભી કરવા માંગે છે.”
Just in: Canada’s Lakshmi Narayan temple President’s son comes under attack with Automatic Weapons – Eleven Rounds Fired; No Khalistani angle suspected in the incident
— Sidhant Sibal (@sidhant) December 29, 2023
