શાંતિથી ઘાસ ખાઈ રહ્યો હતો હાથી, ત્યારે જ ત્યાં આવી એક યુવતી અને પછી હાથીએ ગુસ્સે થઈને કર્યું એવું કે હાથ પાછળ રાખીને વાંકી વાંકી ભાગવા લાગી… જુઓ વીડિયો
Elephant attacked the woman : આજકાલ સોશિયલ મીડિયા પર ઘણા બધા વીડિયો વાયરલ થતા હોય છે. ઘણા વીડિયો આપણને હેરાન કરી દેતા હોય છે, તો ઘણા વીડિયોની અંદર પેટ પકડીને હસાવે તેવી ઘટનાઓ પણ જોવા મળતી હોય છે. તો ઘણા લોકો વીડિયો બનાવવાના ચક્કરમાં મુસીબત પણ વહોરી લેતા જોવા મળે છે. હાલ આવું જ એક વાયરલ થઇ રહેલા વીડિયોમાં જોવા મળી રહ્યું છે, જેમાં એક યુવતી હાથી પાસે વીડિયો બનાવવા જાય છે અને પછી મોટો કાંડ થઇ જાય છે.
પાંદડા ખાતા હાથીની નજીક ગઈ મહિલા :
હાથીઓ, તેમના શાંત અને સરળ સ્વભાવ માટે જાણીતા છે, તે પણ અચાનક ઉગ્ર અને આક્રમક બની શકે છે. સોશિયલ મીડિયા પર વાયરલ થઈ રહેલા આ વીડિયોને જોઈને લોકો આવું નથી કહી રહ્યા. વીડિયોમાં એક હાથી પાંદડા ખાતા જોવા મળે છે, પરંતુ જેવી જ મહિલા તેની નજીક પહોંચે છે, હાથી તેની સૂંઢના જોરથી મહિલાને દૂર ફેંકી દે છે અને મહિલા તેની કમર પકડીને ભાગવા લાગે છે. વીડિયોમાં એક મહિલા પહેલા પોતાનું હેલ્મેટ ઉતારે છે અને પછી કેમેરાને કંઈક કહીને હાથીની નજીક જાય છે.
હાથીએ ગુસ્સામાં પછાડી :
તે સમયે હાથી પાંદડા ખાવા પર ધ્યાન કેન્દ્રિત કરે છે અને તે દરમિયાન મહિલા તેની નજીક આવે છે. હાથી અચાનક સ્ત્રીને તેની ખૂબ નજીક ઉભેલી જોવે છે અને તેની સૂંઢને બળથી હલાવીને મહિલાને દૂર ફેંકી દે છે. મહિલા ગભરાઈને ઊભી થાય છે અને દોડવા લાગે છે અને થોડે દૂર જઈને અટકી જાય છે. આ સમય દરમિયાન, તેણીએ તેના બંને હાથ વડે તેની કમરને પકડી રાખી છે, જેને જોઈને અનુમાન લગાવી શકાય છે કે નીચે પડવાના કારણે મહિલાને કમરમાં ગંભીર ઈજા થઈ છે.
લોકોએ કરી કોમેન્ટ :
આ ઘટનાનો વીડિયો ‘X’ (અગાઉ ટ્વિટર) પર વાયરલ થયો છે, જેને ‘નોન-એસ્થેટિક થિંગ્સ’ હેન્ડલથી પોસ્ટ કરવામાં આવ્યો છે. તેના કેપ્શનમાં લખ્યું છે કે, “છોકરી હાથી સાથે મિત્રતા કરવાનો પ્રયાસ કરે છે અને તેને ખબર પડે છે.” આ ફૂટેજને અત્યાર સુધીમાં 24 મિલિયનથી વધુ વખત જોવામાં આવ્યું છે અને લોકો તરફથી પ્રતિક્રિયાઓનું પૂર આવ્યું છે. લોકો કહે છે કે પ્રાણીઓને પોતાની દુનિયામાં એકલા છોડી દેવા જોઈએ. એક યુઝરે કમેન્ટ કરી કે, ‘હાથી મહિલાને નુકસાન પહોંચાડે તે પહેલા તેને ડરાવતી હતી.’
