દેશમાં સામાન્ય બજેટ રજૂ થવા જઈ રહ્યું છે જેના કારણે અનેક ફેરફારો જોવા મળશે ઘણી વસ્તુઓ મોંઘી થશે તો કેટલાકમાં રાહત મળશે. જેમ બજેટની આપણા જીવન પર અસર થાય છે તેમ ગ્રહ નક્ષત્રોની પણ અસર જોવા મળે છે. જ્યારે કોઈ ગ્રહ પોતાની ચાલ બદલે છે ત્યારે ઘણી રાશિના લોકો પર તેની અસર જોવા મળે છે.
જાન્યુઆરી બાદ આજે નવા ફેબ્રુઆરી મહિનાની શરૂઆત થઈ છે. જેમા આ મહિને ઘણા પરિવર્તનો થવા જઈ રહ્યા છે. સૂર્યની સૌથી નજીકનો ગ્રહ બુધ 4 ફેબ્રુઆરીના રોજ સીધી ચાલ ચાલવા લાગશે. બુધ ગ્રહ 15 જાન્યુઆરીથી મકર રાશિમાં વક્રી ચાલ ચાલી રહ્યો હતો. બુધ બુદ્ધિ, સંવાદ, વેપાર,ધનનો કારક છે તેથી તેની ચાલ બદલવાથી ઘણી રાશિઓ પર તેની અસર જોવા મળે છે. ખાસ કરીને આ પાંચ રાશિ પર તેની અસર વધુ જોવા મળશે. બુધ આવતી 5 માર્ચ સુધી આ જ સ્થિતિમાં રહેશે અને ત્યારબાદ મકર રાશિમાંથી નિકળીને કુંભ રાશિમાં પ્રવેશ કરશે. તો આવો જાણીએ બુધની બદલાતી ચાલની અસર કઈ રાશિ પર કેવી રહેશે.
4 ફેબ્રુઆરીના રોજ બુધ માર્ગી થઈ રહ્યો છે જેના કારણે પાંચ રાશિના લોકોની કિસ્મત ચમકવા જઈ રહી છે. માર્ગી થયેલો બુધ આવનારી 6 માર્ચ સુધી આ રાશિના જાતકોને ખુબ લાભ કરાવશે.
1. વૃષભ રાશિ : માર્ગી બુધ વૃષભ રાશિના લોકો માટે અનેક સફળતા લઈને આવશે. તેની કોમ્યુનિકેશન અને વાણી દ્વારા અનેક લાભ થશે. અટકેલા તમામ કામો પૂર્ણ થશે, લગ્નનો યોગ બની રહ્યો છે. આ ઉપરાંત વિદેશ પ્રવાસ પણ થઈ શકે છે. પરિવારનો સાથ મળશે.
2. મેષ રાશિ : આ રાશિના જાતકોને બુધનુ માર્ગી થવુ અત્યંત લાભ કારી માનવામાં આવે છે. મેષ રાશિના લોકો આ સમયગાળ દરમિયાન ખુબ તરક્કી કરશે, વેપાર ધંધા અને નોકરીમાં સારી તકો મળશે. જીવનમાં આવેલા કષ્ટો દૂર થશે.
3. ધન રાશિ : ધન રાશિના લોકો માટે આ પરિવર્તન સુખ સમૃદ્ધિ લઈને આવશે. વડિલોનો સાથ મળશે. સ્વાસ્થ્યને લઈને સારા સમાચાર આવશે. દરેક કામમાં સફળતા મળશે. નોકરીમાં પ્રમોશન મળશે. આર્થિક તંગી દૂર થશે. નવા નવા સંબોધ બનશે.
4. મીન રાશિ : આ રાશિના લોકોને બુધનું રાશિ પરિવર્તન શુભ સાબિત થશે. નોકરીની તકો વધશે. સારી કંપનીમાં નોકરી મળશે અને ઘણા લોકોને પ્રમોશનનો પણ યોગ બની રહ્યો છે. રોકાણ કરેલા પૈસા પર સારૂ વળતર મળશે. નવા ઘરમાં રહેવા જવાનો યોગ બની રહ્યો છે. આ ઉપરાંત અજાણ્યા લોકો પાસેથી પણ લાભ મળશે.
5. મકર રાશિ : મકર રાશિના લોકો માટે આ સમયગાળો ખાસ છે કારણ કે બુધ આ જ રાશિમાં વક્રિ હતો અને હવે માર્ગી થઈ રહ્યો છે. આ રાશિના લોકોને વેપાર ધંધામાં નવી તકો મળશે અને અટકી પડેલા કામો પૂર્ણ થશે. તિજોરી પૈસાથી છલકાશે અને આર્થિક પ્રગતિ થશે.
